انا بقى حكايتى مع زفت رود ابتدت من شهر 11 سنه 2006 كنت فى ليله من ذات الليالى قاعد على النت وفاتح منتدى المشاغب بادور على اى لعبه تكون حلوه احملها لانى وقتها كنت شغال فى مجال تصميم المواقع والمنتدياات وكنت مرهق من الشغل قولت اديها شويه ترفيه وبابص على الالعاب اللى عندى لاقيتهم كلهم العاب ممله وقديمه قولت انزل على المشاغب اشوف ايه الحياه وانا بادور لاقيت موضوع اسمه استكشف الحضارات الصينيه والاسلاميه مع طريق الحرير ماديتش الموضوع اى اهتمام ومافتحتوش اصلا وحملت لعبتين ولعبتهم وجيت تانى يوم خلصت شغل وعملت نفس الحوار وقولت انزل العاب جديده وانام برده شوفت الموضوع فى الصف الاول وصفحاته بتزيد يوم عن التانى وتقديره خمس نجوم برده نفضتله المهم بعد اسبوع عملت نفس الحوار بس المره دى قولت ادخل اشوف ايه حكايه اللعبه اللى موضوعها اصبح فيه 117 صفحه ردود ده ودخلت وبدات اقرى الموضوع واشوف صور اللعبه قولت هى دى اللعبه اللى بادور عليها بصراحه دخلت دماغى بما انها لعبه اون لاين وجرافيك عالى جدا جدا جدا حملت اللعبه وبدات طريقى فيها لوحدى ايامها كانت اللعبه فيها ايفنت الكريسماس ايام ماكان الناس بتلاقى جولد دراجون فلاج من صناديق المجوهرات وايامها كانت اللعبه بخير ماكانش فى بوت وكان لسه حوار صوره الكود ده مانزلش واللعبه كانت متعه بجد لما كنت انزل الشات اكتب كلمه Heeeeeeeeeeeeelp لو محتاج مساعده عشان اعرف حاجه مش عارفها او اتعلم حاجه عن اللعبه الاقى خمسيييييين واحد بيكلمونى على الخاص بيقلولى with what ?? :D مش بقولكم كانت اللعبه بخير تعالى دلوقتى قول Heelp كده ابقى قابلنى لو حد عبرك :D
اول شخصيه عملتها كانت جلافير ماعرفش ليه :D بس اهو اى حاجه اخترتها والسلام وماعرفش ايه حكايه الاسلحه ولا اللبس ولا اى حاجه وماكانش فى حد بيعلمنى يادوب كنت باقرى من الموضوع معلومات عامه واطبق وماكنتش اعرف مصريين فى السيرفر وماقبلتش مصريين اصلا يعنى اللى علمنى اللعبه دى الاجانب وقدرتى الكويسه فى الانجليزى ساعدتنى كتير فيها اول جايلد دخلتها كانت جايلد تركى بس كانوا كلهم بيتكلموا انجلش واللى خلانى ادخلها ان كان الرمز بتاعها صوره مكتوب عليها لفظ الجلاله ( الله ) ساعدونى كتير بصراحه بلبس واسلحه واحد منهم ادانى Special Identy Card قالى بيعه بـ 400k كان سعره رخيص اوى ايام طبعا ماكنا بناخد جوايز من صناديق المجوهرات عباره عن Pandora Box و Monister Summon Scroll و Radulph اللى هى الغزاله و HP and MP scrolls و GDF كان تقريبا اجمد ايفينت حضرته فى سيلك رود ماشوفتش بعدها ايفينت عدل خالص :D
ولما اتعلمت اللعبه شويه بشويه ووصلت بشخصيتى ليفل 33 عجبنى اوى الناس النيوكر وضرباتهم الشديده مع انى كنت مهيبر الشخصيه بتاعتى شويه احط str وشويه احط int فتحت ضربات النيوكر بس كنت بالاقى ضربتى ضعيفه جدا عرفت بعدها ان النيوكر ليه امكانيات خاصه وطرق مختلفه
اتعرفت على واحد كان بيساعدنى وهو كان ليفل 48 وكان بالنسبه ليا هيروووووو :D لاقيته عمل شخصيه غريبه بس عجبتنى اوى :D
BOW pure int with cold as imbue :D
طبعا كلكم بتقولوا ايه الشخصيه الغبيه دى بس دى كانت شخصيه فى التدريب مع الوحوش مالهاش حل بتضرب وبتعمل كريتيكال بدمج خيالى كانك ماسك صن :D بس ضعيفه جداااااااااا فى البى فى بى ( PVP )
عملت واحده زيها وكنت باستعمل معاها نيوكر وكان بيعمل دمج عالى لان ايامها كان البوهات بتشغل هايبر مش بيور وطبعا انا كنت بيور INT يعنى كان النيوكر بيشتغل معايا زى الفل لما وصلت ليفل 45 كان البوت انتشر بفظاعه لان طبعا على ماعملت تانى شخصيه ليا ووصلت ليفل 45 كانت بالنسبه ليا معاناه :D قضيت فيها شهور :D كنت بابص على الجولد بوت عند الـ Bunwangs الاقيهم بيضربوا دمجات غريبه وارقام عاليه جدا بالنسبه ليا اتخنقت وكنت بافكر ساعتها اغير من Bow لـ Spear او Sword and shiled بس طبعا اللى كان معجزنى مساله الاسكيل بوينت اللى مابتجيش بالساهل واحد ابن حلال نصحنى نصيحه وقالى انت تقدر تشتغل نيوكر بـ spear وانت مش محتاج تفتح اسكيلز السبير قولتله ازاى قالى يابنى نص الناس النيوكر اللى معاها سبير دى اصلا شخصياتها Sword and shiled بس بتلعب بسبير وقت التدريب عشان ضربته اقوى وبيلفلل اسرع قولت اجرب اشتريت Sos spear lvl 42 +3 وجربت لاقيت الدمج بتاعى عالى موت :D ومن يومها بدات الغى مهارات القوس واضيف مهارات السيف والدرع وكنت باشتغل بكولد وفاير ولايتينج مع بعض صدقونى كانوا بيحتاجوا بحر اسكيل بوينت :D كنت على نياتى بقى وماعرفش حاجه :D بس كنت باشحن سيلك واشترى بوت فوصلت ليفل 52 وانا عامل جاب 9 وعملت شخصيتى FF وبدات انزل ساحه البى فى بى وايامها كانت مهاره الـ snow shiled لسه نازله طازه فى اللعبه لاقيت نفسى مكتسح الشخصيات اللى زى فى الليفل واللى اعلى منى بليفل او اتنين واتحول البى فى بى من ماساه لمتعه :D
بدات احترف اللعبه شويه بشويه وطبعا باقيت مدمن سيلك رود من الدرجه الاولى لحد ماوصلت ليفل 72 وايامها حصل هاك على سيرفرات سيلك رود لما نزلوا حوار الـ Email Verfication بسبب الهاك ده بس انا مش اهتميت بالخاصيه دى فاتسرقت شخصيتى للاسف عيطت عليها والله بس ماستسلمتش عملت بدل الشخصيه اتنين وتلاته وباقيت ابيع شخصيه واعمل غيرها وكانت مازالت اللعبه زى الفل وكان من السهل جدا توصل ليفل 80 فى وقت قصير كنا بنعمل تجارات وسرقه وحروب وكنا رايقين مافيش ورانا ليفل كاب عايزين نجيبه ولا شغالين بوت 24/7 عشان نعمل ليفل كاب فول فارم كان عندنا وقت للبوت ووقت للعب انما دلوقتى اللعبه عباره عن بوت فى بوت انا جربت اطلع تجاره واخدتها من القسطنيطنيه لهوتان على امل حرامى يقابلنى والنعمه ماشوفت حد وواخدها من طرق مستقيمه كمان اللعبه ماباقتش زى زمان زمان بجد سيلك رود كانت متعه بلا حدود انما دلوقتى فلوس بلا حدود
ودى كانت قصتى مع سيلك رود باختصار شديد جدا :D لول اتمنى ماكنش طولت عليكم ^_^