[hermione]

رجالة

سلاموا عليكم


خير يا ( رجالة ) مالكم اليومين دوول

خناقات خناقات

هو مفيش غيركم فى المنتدى ؟؟

كمان دى كلها خناقات خايبة والله ... دا الواحد بيروح الكلية بيلاقى اسلحة طالعه وشباب متقطع هدومها

وبنات بيغمى عليها وشباب متقطعه

هى دى الخناقات

وغالباً بتكون علشان بنت :D


لكن انتم هنا بتعملوا ايه بتتخانقوا علشان لعبة هههههههههه والله شباب بقى فاضى مش لاقى حاجة يتخانق فيها بيتخانق علشان لعبة


لأ وايه الاسباب تافه

دا طردنى من الجيلد ( يا عم فيه مليون جيلد فى السيرفر مطردتش من الجنه يعنى )

دا نصب عليا فى 100k ( ههههههههه الفلوس بتروح بتيجى يا معلم )

دا طردنى من البارتى ( والله دا اللى ناقص )


يعنى كلها حوارات فاشلة ... وبتقلب شتيمة وانت ابوك وامك واهلك ومتعرفش ليه بيدخلوا الاهل فى لعبة

وكل واحد تلاقى دمه بقى حامى ونازل شتيمة فى اللعبة والمنتدى

ولو شفته على الحقيقة تلاقيه شاب فرفور لو اترزع قلم هيلف يمسح ارضية اللعبة كلها


اعقلوا اعقلوا


علشان بتقللوا من قيمتكم والله بسبب اللعبة وتخلى اللى يسوى واللى ميسواش يتكلم عليك

فخفوا شوية

والناس بتكلمنى على الاميل ومش واحد ولا اتنين دووول كتير اللى يقولى دا شتمنى ودا غلط فيا ودا عمل وعمل

ادخل المواضيع آلاقى الاخ اللى كان بيكلمنى هو كمان شتم وغلط فى الموضوع

طب انت بتقولى بعد ايه ؟؟؟ بعد ما انت كمان غلط

بجد مش عارف اقول ايه فى حاجة زى دى




اللى عندوا كلام عايز يقوله للتانى وله يشتموا يبقى بره المنتدى يا معلم

لكن لو هتشتم عندنا هنا مش هتشوف غير اسوء معامله

والمنتدى مش واقف على سيادتك ... انت هتروح هيجى مليون واحد غيرك

مش هنموت لو طردناك


ومعلومة للجميع هنا ( التسجيل مقفول فى المنتدى يعنى اللى هيطرد فيكم مش هيشم ريحت مربع الردود فى المنتدى لفترة طويلة لأن التسجيل مش هيتفتح دلوقتى نهائى )

فلو تلزمك عضويتك حافظ عليها




لكن من هنا ورايح انا مش هسمح بأى واحد فيكم انه يعمل مخالفة واحدة فى قسم بلوتو

حلو الكلام

وانتوا اللى بتوصلوا الواحد انه يتعامل معاكم بنفس الاسلوب دا

فمتزعلوش بقى من اى قرار هيتآخد بخصوصكم واللى يلاقى نفسه مطرود ميزعلش ويعرف انه هو اللى عمل كدا فى نفسه




دا آخر موضوع تحذير انا هعمله فى بلوتو بعد كدا مش هتكلم مع حد فيكم .. هتصرف بنفسى على طوول


تشاو تشاو