[iMido]

بسم الله الرحمن الرحيم

مؤخرا, اتفتح بيني و بين واحد صاحبى نقاش بخصوص HTML و CSS و هل هما لغات برمجه ولا لا.

طب نبدأ الكلام.
لو جبت واحد بيعرف HTML و قولتله اعملى برنامج بسيط بيجمع رقمين على بعض هيعرف؟ لا.
ليه؟ لان HTML من غير PHP ملهاش لازمه, جسم من غير عقل, نفس الكلام CSS

اللغتين دول مهمتهم انهم يخلو شكل السايت حلو, انما يقدرو يعملو سايت لوحدهم؟!
الحقيقه, اها!
لو انت عايز تعمل سايت عباره عن عرض حاجه بس مش اكتر يعنى سايت فيه كام بيدج و انت عايز تتحرك مابينهم بلينكات و بس يبقى اها يقدرو, انما لو عايز تزود فيه حاجه ادفانسد شويه زى mailing form او اى حاجه من الى بنلاقيها ف السايت دى الHTML programmer الى معاك هيعطل
ف الواقع مفيش حاجه اسمها html programmer اساسا
HTML لوحدها بتعتبر حاجه جانبيه البروجرامر بيتعلمها علشان تبقى اضافه ليه
جانبيه! اها, HTML ممكن تتعلمها ف 3 او 4 ساعات بدون مبالغه, تخيل؟
طب CSS !
لا CSS ادفانسد شويه بس برضه الى متعلمها مبيبقاش اسمه Developer, بيبقى اسمه Web Designer يعنى بيشتغل Front-End بس, او بيبقى مهتم بانه يخلى الشئ الى هيظهر لليوزر شكله حلو, ملوش دعوه ببطن السايت الى هيا عباره عن PHP او JS او اى لغه تانيه, الى بيهتم بالBack-End ده اسمه Web Developer لانه فعلا بروجرامر

الخلاصه, اى لغه برمجه معندهاش القدره انها تطبق العمليات الحسابيه او المنطقيه على متغيرات تبقى مش لغه برمجه