[C# .NET] [C# Silkroad security api by [pushedx

[superabdo]

المشاركة الأصلية كتبت بواسطة smsm20062009 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بسم الله الرحمد الرحيم
تحية طيبة وبعد ...

إن شاء الله ده أول درس في القسم وأرجوا أن ينال إعجاب الأعضاء

الكل بيكلم أنه عاوز يعمل Bot لكن المفروض نعرف إن الموضوع مش سهل لكن إحنا مع بعض ودي أول خطوة من صنع البوت



عشان نعمل البوت لازم نعرف البوت بيعمل ايه ؟

كلنا عارفين إن Silkroad لعبة Online ومعنى كدة أنه ليها Server طب إزاي اللعبة بتعرف السيرفر أنك عايز تمشي ؟ من خلال حاجة إسمها Packet ودي عبارة عن مجموعة من البيانات اللعبة بتبعتها للـServer عشان يعرف أن الشخصية عايزة تعمل حاجة وبرده السيرفر بيرد على اللعبة بـPacket عشان يعرفها أنها المفروض تمشي من غير مشاكل وكل ده طبعا بإستخدام النت.

طب وإيه علاقة البوت بالموضوع ؟ البوت بيعمل إتصال بالسيرفر وبيضحك على اللعبة ويخليها تتصل بيه هو كأنه السيرفر عشان يتحكم فيها ولما البوت يكون عايز يتحرك ويضرب هو من نفسه بيبعت الـPacket للسيرفر مش بيستنا اللعبة وطبعا السيرفر شغال عادي عشان الباكيت جت له مظبوطة ولما السيرفر يرد على البوت بيبعت الرد لللعبة عشان كدة أنت بتشوف اللعبة بتتحرك وتضرب ، ولما أنت بتتحرك في اللعبة بتبعت الباكيت للبوت والبوت بيبعتها للسيرفر عشان كدة بيتحرك .
والسيرفر برده لما يعوز يعرف اللعبة على حاجة زي الـHP والـMP والايتم اللي معاك وكدة بيبعت باكيت فيها البيانات واللعبة بتقراها وكذلك البوت بيعرف بياناتك عن طريق أنه بيقرا الباكيت قبل ما يبعتها للعبة

طب لما أكون عامل البوت Clientless بيعمل نفس الكلام لكن بدل ما يكون متصل بالكلينت بيعتمد على نفسه ويلغي الـClient.

لكن عشان اللعبة عايزة تحمي نفسها قامت مشفرة بعض الباكيتات وقامت عملت للباكيتات تقسيمة حلوة على قدها.



طب دلوقتي أنا عجبني الموضوع وعايز أتصل باللعبة والسيرفر واشتغل زي البوت لكن أنا معرفش إزاي أفك التشفير واتعامل مع الباكيتات. أنت هتستخدم الSilkroad Security API اللي هو عبارة عن مجموعة من الأوامر المعمولة بواسطة pushedx ( اللي ميعرفش مين ده هقوله إن ده اللي كان مصنع الـedx loader وراجل بيفهم كويس في Silkroad ) مهمتها إنها تفك تشفير الحاجات المشفرة وترتب الـPackets بحيث تكون مفهومة لأي مبرمج.

وبإذن الله في أقرب وقت أنا فاضي فيه هحاول أنزل نموذج صغير للـProxy اللي بيستخدم Silkroad Security API . ممكن حد يقولي أنا مش عايز أعمل Proxy أنا عايز أصنع بوت هقوله البوتات الكويسة زي Centerbot و sBot و mBot بتستخدم Proxy برضه لكن البروكسي بيكون موجود جوا البوت نفسه ومن خلاله بيعرفوا يتحكموا في الباكيتات ويقروها.



( على فكرة التحميل من المرفقات )

مع تحياتي

شكرا