إمتحان الصف الثالث الثانوي ( حسبي الله ونعم الوكيل )

[Ahmed shafiq]

أجب عن 5 اسأله من الأربعه الأتيين

من قصيدة أواخــر الـشـتــا

للشاعرة/ إليسا أبو ماضى

كنا فى أواخر الشتا قبل اللى فات
زى اليومين دول عشنا مع بعض حكايات
أنا كنت لما أحب أتونس معاه
أنا كنت باخد بعضى واروح له من سكات
أجب عن الأسئلة التالية:
1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟
2- فى أى فصل من فصول السنة كتبت هذه القصيدة؟ (مستدلا على ما تقول)
3- علام يدل التعبير (أنا كنت باخد بعضى وأروح له من سكات)؟
4- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟
5- اختر الإجابة الصحيحة مما بين القوسين:
- الجمال فى قولها (عشنا - معاه): (تصريع - جناس - حسن التفات)
- (أروح له من سكات) المقصود ! بها: (دكاكينى - دحاليبى - ذرابيئى)
- مصدر كلمة (أتونس): (تَوَنًّس - تُونِس - تَنَاسَى)
- (زى اليومين) مجاز مرسل علاقته: (الكلية - المدرسة - الحضانة)

*****
والناس فى عز البرد يجرو ويستخبو
وأنا كنت باجرى وأخبى نفسى قوام فى قلبه
ولحد لما الليل يليل بابقى جنبه
وأفضل فى عز البرد وياه بالساعات
أجب عن الأسئلة التالية:
1- هات من الأبيات مضاد (النهار), وكلمة تؤدى معنى (معاه)
2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.
3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)
4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!
5- أيهما أفضل (ولحد) أم (ولغاية)؟ ولماذا؟

*****
على سهوة ليه الدنيا بعد ماعشمتنا
وعيشتنا شوية رجعت موتتنا
والدنيا من يوميها ياقلبى عودتنا
لما بتدى حاجات قوام تاخد حاجات
أجب عن الأسئلة التالية:
1- اختر الإجابة الصحيحة مما بين الأقواس:
- (على سهوة) تفيد: (السرعة - العجلة - الموتوسيكل 'البجاج الهندى أبو 7')
- (عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)
- كلمة تؤدى معنى (شوية): (بعضشى - حفان - قيمة مقطف)
- المقصود بـ (يوميها) فى الأبيات: (يوم العاركة - يوم الخناقة - يوم الكرامة)
2- اشرح الأبيات شرحًا مفصلا باختصار.
3- أيهما أفضل (ياقلبى) أم (يانضرى)؟ ولماذا؟
4- يتضح فى الأبيات أن (الدنيا ملهاش أمان .. خالص). وضح ذلك مستدلا على ما تقول.
5- استخرج من الأبيات مايدل على:
- عشمنى بالمحبة وشعلقنى بالهوا، حايلته حبة حبة زودها واتلوى.
- زألطنى الحب زألوط، نمت فى بنها صحيت فى أسيوط.

*****

وسط الشوارع ناس كتيرة مروحين
والناس ياقلبى هما هما وهو فين
وأنا ماشية باتلفت وباسأل كل يوم
بيعمل إيه دلوقتى وبيحلم بمين
أجب عن الأسئلة التالية:
1- يتضح فى الأبيات الشوق اللهفة وتطلع الشاعرة لرؤية (اسم النبى حارسه). اشرح
2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور.
3- فى الأبيات لوحة فنية رائعة للناس اللى مروحين والمطرة اللى خلصت وبعد ما الخناقة انفضت قام شريف الظالم
أفكار يا أفكار فين راحت أفكار؟! رد ابنه عليه ومنين ارتاحت أفكار ما انت السبب السبب يابا فرقت بين حبيبين
آه يابا آه يابا على قلبك فرقت بين حبيبين أفكار كانت راحة ابنك وابنك كانت راحة أفكار. نسيت كنت عايز أسأل فى إيه.
4- لماذا غضبت أفكار وتركت البيت؟ ولمَ كثر عتاب الابن لأبيه؟
5- بيعمل إيه دلوقتى وبيحلم بمين ((حُذف السؤال من قِبَل الرقابة))



(( منقـــــــــــــــــــــــــــــــــــــول للتريقه وليس للإفاده ))

[mido diaa cool]

لأ صعب جدااااااااااااااااااااااااااااا أزاى الوزاره تنزل أمتحان يالصعوبه دى ((قصيده أواخر الشتا)) يالهوى دى من أصعب القصائد كان هيجرا أيه لو جابو قصيده أيامى بيك أو حاجه ه للشاعر الكبير عمر دياب زى نقول ايه
هههههههههههههههههههههههههههههههههههههههههههههههههه ههههههههههه

[Ahmed shafiq]

ههههههههههههههههههههههههههههههه
حلوه يا مان
أشكرك على المشاركه

[genraleslam]

ههههههه ايه يبنى الامنحانات الصعبة دى ^^

[mask_5_5]

وحشة هههههههههههههههههه

[Ahmed shafiq]

المشاركة الأصلية كتبت بواسطة mask_5_5 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وحشة هههههههههههههههههه

بس حلوه منك يا جميل
شكرا علي مرورك

[حبيب السيما]

lol

[WOLF 757]

دي هيا اجوبتي ..

- مصدر كلمة (أتونس):

يمكن تنسي :D

- علام يدل التعبير (أنا كنت باخد بعضى وأروح له من سكات)؟

يمكن يعني امسك جسمي واروح وانا مقفل بوقي .:p

- بيعمل إيه دلوقتى وبيحلم بمين ((حُذف السؤال من قِبَل الرقابة))

ههههه حلو دي

________

وامتحان ولا في الاحلام يا احمد , ولوده بجد يعني يبقي نسبة النجاح كل عام 200%:D

[DR\Walid AbaZa]

هههههههههههه نايس يامعلم