حملة (الله يسامحك)

[SASASOFO]

السلام عليكم احتمال كتير منكم يكون ضحك لما قرى العنوان بس للاسف هى دى المشكلة....
اللى بيشوف واحد بيقول الله يسامحك دلوقتى بيضحك عليه بيفتكر ان ده ضعف منه بس بالعكس الضعف ان واحد يجرك وانتا مش متحكم فى نفسك انك تشتم و تغلط و حتى و ان كان التنى اللى غلطان و هو البادىء
بالنسبة لجوة سيلكروود او حتى فى المنتدى كتير مننا اتشتم و من غير سبب حتى اللى بيشتم معندوش سبب زى ما قال الاخ (انا بكره transformer3 ملوش سبب) و للاسف لما اللى اتشتم يرد عليه بشتيمة الناس بتشجعه كأنه بطل بالعكس ده بقى زى اللى شتم فى الاول بالظبط و بالطريقة دى هيعدو يردو على بعض بشتيمة و تضرب زى ما تضرب بقى فى الاب فى الام فى الاخ فى الاخت و سعات بتوصل للدين
فا انا عن نفسى من دلوقتى هبدأ بحملة (الله يسامحك) لاى حد هيغلط فيا او فى اى حاجة تخصنى و اكيد ليا رب فى اليوم من الايام هاخد اكتر من حقى اللى ممكن اخسرو بانى ارد بشتيمة و يمكن اكتر ....
و كمان فى حاجة اسمها (العفو عند المقدرة) و المقدرة هنا هى انك ما تردش و اظن ان دى سهلة اوى ....
وكمان بالنسبة ل سيلكروود و الله بدل حرقة الدم من واحد غلطان فيا و كمان الاقيه بيشتم بعدها من غير تفكير بديلو بلوك شات
اسف للاطالة حبيت اوصلكم الرسالة دى بس
يلا سلام