حـــط الـــتــاتــــش بـــتـــاعــــــك : ) صــدقــنــى هــتــفــرق ♥♥

[Kemo Eagle]

عايز تحس انك مسلم صح .. وتحس انك دايماً مبسوط ونفسيتك مرتاحة ومستقرة..
خلّي ليك في كل جانب خير (التاتش بتاعك)




حافظ على صلواتك فرائض ونوافل

حافظ على وِردك اليومي والأسبوعي من القرآن

حافظ على قيامك الليل ولو بركعتين ووتر ♥

شارك في أعمال خير كتير تنفع بيها بلدك ودينك

اشتغل واتعب في دراستك في شغلك في بيتك .. المهم اعمل كل كل كل اللي عليك

بر أمك وأبوك .. ولو حد منهم مش في دنيتك دلوقتي ادعيله

خلّيك جدع مع أصحابك وخلّيك انت الانسان اللي أول ماحد يقع في زنقة أو ضيقة تيجي انت فباله .. ولو حد مخنوق وتعبان يلجألك وهو عارف انك هتقف جنبه وتديله الرأي المتين

ساعد غيرك .. الأقل منك خد بايديه لحد ما يعلى معاك
والأعلى منك اتعلم منه وخده قدوة ليك .. ومنافس بردو ;) "وفي ذلك فليتنافس المتنافسون"

دخّل سرور على قلب مؤمن كل يوم .. هتفرح ♥ :))

استغفر كتير ♥♥ واحمد ربك أكتر ^_^

طوّر نفسك .. اتقدم خطوة واحدة بس لقدام كل يوم .. أحسن ماتفضل واقف مكانك ;)

جدد نيتك .. اتعلم .. متزهقش ومتملّش واوعى تيأس

اعمل أي حاجة وكل حاجة المهـــــــــــــــــم .... تكون لله ♥

اه اه .... ومتنساش تبتســــــــــــــــــم =) ^__^