عمرك سألت نفسك إحنا بيتعمل فينا مده ليه؟؟

[dangeer1]

بسم الله الرحمن الرحيم


· عمرك سألت نفسك إحنا بيتعمل فينا كده ليه؟



· عمرك سألت نفسك إحنا ليه لما دخلنا المدرسة أو الجامعة

عمرنا ما فهمنا حاجة غير شوية كلام نحشى بيه دماغنا ونفرغه

علي ورقة الامتحان أو حتى مانفرغوش أهو كله كلام عمرنا ما

فهمناه ولا ناقشناه؟



· عمرك سألت نفسك إحنا ليه لما أتخرجنا من الجامعة كان

المستقبل مجهول وان إحنا اتعلمنا حاجة واشتغلنا حاجة تانية

خالص ده لو لقينا شغل أصلاً؟



· عمرك سألت نفسك إحنا ليه لما نيجي نحب عمرنا ما نقدر

نتجوز البنت / الإنسان اللي إحنا بنحبه / بنحبها؟



· عمرك سألت نفسك هو ليه لما نشتغل المرتب عمره ما يكفي

لآخر الأسبوع مش لآخر الشهر؟



· عمرك سألت نفسك هو ليه لما بتقضي مصلحة في الحكومة

عمرك ما بتقضيها بسهولة، وليه دايماً حتى لو قضيتها يبقي

الموظف مكشر في وشك وخايف يضحك وشه يشقق؟



· عمرك سألت نفسك هو ليه الأتوبيس دايماَ زحمة؟



· عمرك سألت نفسك هو إنت ليه بتخاف من السياسة والكلام

في السياسة؟


· عمرك سألت نفسك ليه بتخاف تعمل مشروعك الخاص،

وليه مافيش حاجة صغيرة بتكبر في مصر؟



· عمرك سألت نفسك هو ليه عسكري المرور في مصر

بيكتب مخالفات كتيرة علي الناس الغلابة أما الناس اللي مش غلابة

ما بيعملوش مخالفات؟


· عمرك سألت نفسك هو فيه ناس ولاد ناس وناس ولاد البطة

السودا؟



· عمرك سألت نفسك هو ليه الناس اللي معاهم كارت توصية

بيشتغلوا وإنت لأ، يعني هما ولاد مين في مصر؟



· عمرك سألت نفسك ليه الوظيفة في مصر بقت بالوراثة؟



· عمرك سألت نفسك لو حصلت مشكلة بينك وبين حد كبير

ومهم "مخبر يعني" تفتكر هاتاخد حقك في القسم؟



· عمرك سألت نفسك هو ليه كل حاجة لازمها واسطة حتى

إنك تجيب خمس ترغفة عيش لازم تكون عارف "الباشمهندس

الفران"؟



· عمرك سألت نفسك هي الحكومة بتضرب المتظاهرين ومش

عايزاهم يتكلموا؟ هى الحكومة خايفة من الكلام ليه؟



· عمرك سألت نفسك إنت ليه مش قادر تجيب شقة تسكن فيها

وتبدأ فيها حياتك؟



· عمرك سألت نفسك هو مصاريف التعليم زادت قوى كده ليه

مادام التعليم مجاني؟



· عمرك سألت نفسك هي الشوارع بقت عشوائية كده ليه؟



· عمرك سألت نفسك هو إحنا بقينا مخنوقين كده ليه؟



· عمرك سألت نفسك هو الفساد والإهمال انتشروا كده ليه؟



· عمرك سألت نفسك هو ليه الواحد بيدخل المستشفي يشيل

الزايدة يطلع من غير الكلي وبدلها "فوطة"؟



· عمرك سألت نفسك هو إنت ساكت علي العيشة دي ليه؟



وفى الآخر ممكن تسأل نفسك إحنا بنحرضك ولا إيه؟



لا لاسمح الله هو إحنا نقدر................ولا إحنا لو حرضنا إنت ممكن تتحرض ..............

[Ahmed Tamim]

تسلم ايدك يا باشا

[HeRo_JeN]

عندك حق فى كل الكلام ده

بس اهوا الناس الكويسة خايفة من الناس اللى عمالها تنهب فى البلد

واحنا مش بنتحرك

علشان ممكن نكون سبنا الدين وبعدنا عنه خالص

كل شيء ممكن

بس هانقول ايه يا رب ارفع عنا البلاء والغلاء

واسف طولت شوية

[Rayan lover]

عندك حق يابوب عشان حاميها حراميها

[omar007]

بصراحه انا سالت نفسى بس مالاقتش غير علشان اننا مش متفقين على حاجه واحده ولو جينا نعمل مظاهره مبنعرفش نعملها صح يعنى لو عملنا مظاهر لازم نعمل شغب احنا ممكن منعملش شغب فى المظاهره ونبقى متحضرين نطلع نعلق يفط ومنشتتا زى مانحان عايزين بدون اعمال شغب ساعتها الحكومه مش هتقدر تعملك حاجه علشان بيكون فيه صحافه اصلا
بس يلا اهى هى دى بلدنا

[_DIDO_]

بيكوز الووظ

انا بقى عارف لييه
عشان لما كل واحد فينا يتلهى فى ده كلوا هينسى الهم الاساسى الحكومه و اللى بتنهبوا

فلما تتلهى فى ده كلوا هتنسى الحكومه خالص

[commando144]

انا اقولك ليه مش حقول عشان مصر لا هوا عشان الى ماسكين مصر وسياسيتهم الى بيتبعوها مع الشعب و ده خلى الناس بتقول ان العيب فى الشعب لكن انا بقولك ان اه فى نسبة كبيرة من الغلط على الشعب لكن لازم نشوف سياسة الحكومة الاول <وعلى فكرة انت حرضتنى > وعلى فكرة متهايئلى انا اتحرضت :d ^^

[abogad]

على فكره اللى انته بتتكلم عنه دا موجود فى دوله اسمها مصر:d

[!_ToGoO_MorY_!]

عندك حق

[rayvan2]

والله الاجابة مبتعجبش الناس لما انا بقولها فا بطلت اقولها خالص.....

بس هى فى كلمتين احنا تيييييييييت وهما تتتتتتتتتتتتتتتتتتتتتتتتتتتتتتتتتتتتتتتتتيت

الحدق يفهم

[ecsroman]

والله عندك حق فى كل كلمة قلتها هى دى مصر ...

[GeN!us]

والله عندك حق
الواحد زهق

[a7mad63]

علشان انتا اكيد فى مصر
الواحد جاب اخرو من البلد دى

[mido_egy]

وااله عندك حق بس هانعمل ايه ديه مصر

[iP4wn]

شكرا