و الله انت ما راجل !!!

[WELFA]

أنت راجل أنت؟؟..تقدر تقولانت شايف الرجولة أزاي؟
هو معنى الرجولة أختلف عن زمان؟؟ طب ايه الجديد في حياتنا عشان معنى الرجولة والالتزام يتغير بالشكل الفظيع ده

الرجولة يعني تحمل مسؤولية النفس والغير واعتماد على النفس.. والاخلاق الحلوة .. والاستقامة والقرب من ربنا والحنية والصراحة والرجولة في المواقف.. وضبط الاعصاب عند العصبية.. والصوت العادي مش العالي وحاجات تانية كثير...........اكيد كل رجل من زمان شوية يعرف المعاني دي

دلوقتي بقى طرق علينا رجوله جديدة..لازم تشرب سجاير عشان تبقى راجل لازم تعلي صوتك لازم تكون مان ومش أي مان لازم تكون عصبي مع مراتك عشان تعرف تشكمها لازم تكون مفتري في الشغل عشان الموظفين يخافوا منك ويسمعوا كلامك......لازم تكون راجل بالمواصفات دي

والمصيبة الكبيرة...لازم تقلد كل شيء......سقط بنطلونك.........وبين ما تحت البنطلون ياراجل.........الناس كلها ماتعرفش ايه اللي تحت البنطلون أنت بينلهم........ولازم تبين سرتك

الرجولة في نظرك إيه؟؟
صوت عالي ولا لبس ع الموضى ولا اخلاق صعبه ولا بعد عن ربنا

في إيه؟!
عشان تبقى راجل لازم يجيلك سرطان يعني؟؟ وأمراض لا حصر لها من التدخين بانواعه والشيشة و و و و

أنت مش راجل طول ما انت بتشرب سجاير لان الراجل هو اللي بيحافظ على نفسه وبيحافظ على غيره وانت بتضر نفسك وبتضر غيرك... والرجل مايلبسش لبس يبقى مكسوف يمشي بيه قدام ناس انت نفسك بتقول عليهم ناس محترمة

دي مش رجوله يا بوب....الرجولة مواقف وقلب طيب وخير وحب والتزام في اللبس والحياة الزوجية والعطف والحنان والعطف والعفو والتسامح والعقل ومعاني ثانية كثيرة

عايز تكون ضمن حملة "إسترجل"
أحنا مش بنعنفك ولكن أحنا بنحبك لانك ممكن تكون اخ أو أبن أو صديق............الرجولة الصح هي اللي ترضي ربنا والرجولة الغلط هي اللي تغضب ربنا.......فكر في الحاجة قبل ما تعملها وشوفها ترضي ربنا ولا لأ لو ترضيه اعملها وتوكل على الله لو تغضبه أرجوك سيبها

وربنا يحميك ويحفظك وترجل راجل من تاني بس راجل بمواصفات رجولة الرسول صلى الله عليه وسلم اقرأ في سيرته وأعرف المعنى الصح للرجولة وربنا يقويك يارب