05-09-2010, 11:25 PM
|
#1 | ||||||||||
  
|
  قصة عشق عبر النت علشان الكل يعرف النت بيوديكوا لفين ..... تصنيف الموضوع .. فوكاهى , مفاجأات واثاره  نبدأ قصة حب جديدة على النت بصوا هنبدا من الاول خالص لزوم الاثارةو هنخليها هايدي و دعدور دعدور: هاي هايدي: هاي دعدور: ممكن نتعرف؟ هايدي: ممكن دعدور: انا من اليكس دكتور اسنان ولا اعول هايدي: و اسمك اية؟ دعدور: بس ممكن متضحكيش ؟ هايدي: هو اسم مسخرة اوي كدة ... ئول متقلقش دعدور: اسمي دعدور هايدي: ههههههههههههههه سوري مش قصدي والله اهلا و سهلا يا دعدور انا هايدي من القاهرة فى كلية تجارة دعدور:ولايهمك يا قمر اهلا بيكي :-) دعدور:انتي عندك كام سنه انا 22 هايدي:انا 20 دعدور:ممكن أسألك سؤال ؟! هايدي:اتفضل:-) دعدور:انتي مرتبطة:-D هايدي :انا لأ:-) دعدور::-D:-D:-D:-D دعدور:ده أنا حظي حلو بأه هايدي:ههههههههه دعدور: دعدور:طب ممكن اطلب طلب هايدي:ها دعدور:ممكن اشوف صورتك:-)؟؟؟؟؟؟؟) هايدي : علي طول كده بس احنا لسه متعرفناش دعدور :ما هو ادينا بنتعرف هايدي : معلش خليها مرة تانية دعدور :اوك براحتك بس علي الاقل شوفي صورتي هايدي :اوك وبسرعه يروح دعدور يقلب الجهاز علي اجمل صورة من صوره ويوريلها لهايدي اللي تقوله :شكلك مش دعدور خالص دعدور ههههههههههههههه منه لله اللي كان السبب بقي هايدي : ياتري مين ده ؟ دعدور العايلة كانوا مصممين علي اسم دعدور اسم جد جد جدي وماكنش حد راضي يسمي ابنه كده المهم جت فيا في الاخر هايدي : معلش يا دودو دعدور : الله عليكي يا هايدي هي دي الاسامي ولا بلاش وهو مندمج مع هايدي يلاقي حد باعتله رسالةدعدور وهو بيكلم نفسه يييييييييييييييييييييييييييييي انتي تاني مش عارف دي عايزه ايه فكك مني بقي يلا دليت وبلوك المهم هايدي دلوقتي سوري يا هايدي اتاخرت عليكي هايدي ولا يهمك دعدور : قوليلي بقي انتي في سنه كام هايدي : 2 قولي بقي انت مرتبط دعدور بيكلم نفسه تاني بدانا بقي الاسئلة الصح ماشي يا هايدي ويكتبلها لا خالص انتي عارفه بقي الدراسة الصعبه بتاعتنا والشغل واخدين كل وقتي مش لاحق اعمل اي حاجه هايدي : عندك حق الله يكون في عونك هايدي : انت بتشرب سجاير  (جت على الجرح)دعدور : وهو بيرمي السيجارة من الشباك وتنزل السيجارة علي احد المارة ويصرخ ااااااااااااااااااااااااااااااااااااه ولا عمري في حياتي شربتها رغم كل المغريات:fisch:  هايدي :انا مش بحب اللي بيشربوا سجاير خالص وفي نفس الوقت يلا قي دعدور رسالة علي الماسنجر من هاني صاحبه من الزمان هاني : بتعمل ايه يا دعدور ؟ داخل تعمل ايه يا ولد دعدور :فكك مني دلوقتي انا مش فاضيلك دا انت عيل ايجز هاني :يبقي الموضوع اكيد فيه حريم يا لئيم قر يا وله واعترف دعدور : بعدين اما انك عيل خنيق صحيح هاني ماشي ياعم بس شوف اللي يعبرك ولم يهتم دعدور والماسنجر قعد يصدر جميع الاصوات الممكنة دليل ان الاستاذ هاني لسه عمال يكلم دعدور ولكن دعدور ولا معبره حد يسيب هايدي ويكلم هاني برده وبعدين ما هاني معاه طول عمره يعني هيروح فين ؟؟؟؟؟ معلش يا هايدي اتاخرت عليكي هايدي : كنت بتعمل ايه ؟ دعدور :معلش كنت بكلم مريض عيان اوي هايدي : كمان مدي المرضي رقم موبايلك انت طيب اوي يا دعدور دعدور : ربنا يخليكي يارب هايدي ممكن تحكيلي عن نفسك ؟ هايدي : عاوز تعرف ايه؟ دعدور :كل حاجه؟ هايدي : هههههههههههه حاضر يا فندم دعدور طبعا فرح جدا وكان هينط من الفرحه لولا خاف ان الناس تقول عليه انه اتهبل هايدي : انا هايدي عادل تجاره انجليش من كايرو دعدور في وقت ما كانت بتكتب كان بيدور علي جميع الاغاني الرومانسية اللي بيحبها زي العنب العنب و هبطل السجاير وانا مش عارفني الحاجات دي اللي مش بتطلع الا في المناسبات ويلاقي هاني برده بعتله رسالة ايه ده يا دعدور وكمان مشغل انا مش عارفني اقطع دراعي ان ما كان الموضوع فيه ان نسيت اقولكم ان هاني برده جار دعدور نرجع بقي لهايدي هايدي :هقوم انا بقي فرصه سعيده يا دكتور نتكلم تاني دعدور زعل اوي كان نفسه يكمل دعدور : انتي ماشيه هايدي اه دعدور :بسرعه كده هايدي : معلش نتكلم وقت تاني بقي دعدور: اوك وقفلت هايدي وصاحبنا لسه عايش في المود وغير الاغنية الي الاغنية الاكثر رومانسية علي الاطلاق ايظن  تاني يوم .................... فاصل ونواصل نراكم فى الحلقه القادمه تم أضـــــــــــافه الجزء التانى ........ مع أضافه اكبر مثلثل فى سيرفر الكــٍسندر بمناسبه العيد .. واسم الموضوع التانى ... حب مراهقيــــــن  الجــــــــــــــــــــــزء الـتـــــــــــــــــــــــــــــــــــانى فاصل ونواصل فى الجـــــــــــزء الاخيــر ....... التالت ... مع مثلثل حب مراهقين فى موضوع اخر يحتوى على 4 اجزاء كبار ........ أنتظرونــــــا تاني يوم اخونا دعدور فتح الماسنجر من الفجر وقاعد قدام الكمبيوتر مش راضي يقوم ومستني هايدي تبقي اون لاين المشكلة انها اتاخرت وكان خلاص فقد الامل برده لاقي هاني اون لاين هاني : ازيك يا دعدور دعدور :عايز ايه يا هاني انجز هاني : مالك قافش كده ليه وبعدين ايه اللي مصحيك بدري كده ده احنا دلوقتي نص الليل بتوقيت دعدور المحلي وفي الوقت ده بقت هايدي اون لاين طبعا كالعاده ما ردش علي هاني دعدور :هايدي انتي فين ؟ هايدي : ازيك يا دعدور انا موجوده بس انا بصحي متاخر انت بتصحي بدري ولا ايه ؟ دعدور:اعمل ايه بقي علشان الشغل والمرضي بتوعي !!!!!! دعدور ممكن اشوف صورتك المرة دي بقي هايدي ما ردتش عليه وكانت المفاجاه صورة الماسنجر تتغير لصورة بنت زي القمر بجد دعدور ما كانش مصدق نفسه كان هينهار من الفرحه بجد انه بيكلم هايدي معقول بيكلم القمر ده واختفت الصورة بسرعه بس دعدور كان طبعها في جمجمته خلاص حفظها في هارد دماغه دعدور : انتي حلوه بجد هايدي ميرسي يا دودو دعدور اطمئن قلبه وقعد يتكلم معها والغريب انه حاسس انه يعرفها من زمان وان هي فاهماه قوي وانهم قريبن من بعض وبدا يحس بنشاط زايد في قلبه والوقت عدي بسرعه هايدي : يلا بقي نتكلم في وقت تاني دعدور بيكلم نفسه لييييييييييييييييييييييييييييييييييييييه انا عاوز اتكلم دعدور : اوك انا لازم برضه اقوم بدري علشان الشغل وقفلت هايدي ودعدور شغل اغنيته المفضلة الرومانسية برده احلي حاجه فيكي  هاني من تحت : حماقي حماقي يا دعدور ماشي ياااااااااااااعم دعدور ولا هو هنا وفى سره ( وكمان حمار مش عارف حماقى من تامر ):doh: الظاهر الموضوع بدا يقلب بجد مع الاخ دودو لما نشوف هيحصل ايه دعدور بقي بيجب واحده اون لاين فاكرها بنت حلوه اموره واستايل بتقوله انها هايدي وفي تانيه تجارة عربي دعدور لو بس حبة كان دقق في الحوار كان فهم الحكاية بجد مش هزار الجـــــــــــــــــزء التالت تم دمجه مع الجـــــــــــــــزء الرابع نبدا بقي في اخر جزء من حكاية دعدور بسم الله دعدور كل يوم يقعد مستني هايدي لما تبقي اون لاين ويتكلم معاها بالساعات في كل حاجه لانه بجد حاسس انها فاهماه اوي دعدور بدا يفكر انه يرتبط بيها لانه مش هيلاقي حد يفهمه قدها وبعدين اذا كان علي خطوبته لبنت عمه دعدورة مش مشكلة هيفشكلها هو اصلا مش بيحب عمه اصلا وبعدين مش عايز العيال يتعقدوا حد يبقي باباه ومامته دعدور ودعدورة انما دعدور وهايدي لايقين اوي وكمان المستوي الثقافي متقارب عمال يفكر يفكر لحد ما قرر هيدخل العيال اي حضانه كله ده وهو مستني هايدي تبقي اون لاين الغريبه انه في اليوم ده ما جتش ولا اليوم اللي بعده لمده اسبوع ودخل دعدور في مود اكتئاب جامد جدا ومشغل اغنية المهمات الصعبة انا مش عارفني حتي هاني الغلس مش موجود مسافر دعدور حس بالوحده المطلقه وكل يوم قاعد قدام النت مستنيها تظهر بلا جدوي حس بجد انه لازم الموضوع يقلب رسمي مش معقول تضيع منه بعد ما لاقها لحد يوم الخميس دعدور قاعد مكتئب في اوضته واذا بصوت الماسنجر يجلل في الاوضه ليعلن بقدوم هايدي دعدور : هاااااااااااااااااااااااايدي هايدي : ازيك يا دعدور عامل ايه ؟ دعدور : وهو بيكتب بسرعه جدا انتي فين؟ بقالك اسبوع بحاله مش اون لاين ايه خير حصل حاجه فيه حاجه اتخطبتي ؟ ؟ ؟ ؟ انا بجد كنت قلقان كل ده كل ده يا هايدي هايدي:بس حرام عليك اديني فرصه اتكلم دعدور : وهو يلتقط انفاسه اسف اسف والله اتفضلي هايدي : الحمد لله سكت اخيرا مافيش حاجه كنت مسافره والله سوري بجد وما تخفش ما تخطبتش دعدور : هههههههههههههههه طب الحمد لله ااقصد كل شييء قسمه ونصيب هايدي :ثواني وراجعه في نفس الوقت يطلع الماسنجر صوت يعلن بقدوم الصاحب الرزل هاني هاني : دعدور ازيك يا ولد بذمتك ما وحشتكش دعدور : طبعا لا انت جيت تاني هاني : طول عمرك ندل يا وله وده اللي مصبرني عليك دعدور طبعا ولا رد عليه ولا عبره هايدي : انا جيت دعدور : نورتي الدنيا كلها هايدي : ده نور الشاشه يا دودي دعدور : هههههههههههه هايدي ممكن اطلب منك طلب هايدي : اوك ما فيش مشاكل دعدور: عاوز اقابللك هايدي : ليه ؟ دعدور محدثا نفسه طب اقولها ايه دي فكر يا دعدور فكر يا دعدور دعدور : بصراحه يا هايدي ومن الاخر انا عاوز ارتبط بيكي رسمي هايدي : !!!!!! ايه ؟ دعدور : بجد والله مش اشتغالة هايدي : بس انت مش شايف ان الموضوع ده بسرعه جدا دعدور بدا يقلق دعدور : هايدي بجد انا معجب بيكي جدا الا اذا كان ليكي راي تاني فيا هايدي : لا لا يا دودي ما تفهمنيش غلط بس يا دودي انا بكره هكون في اليكس نتقابل ونتكلم اوك دعدور برده يكلم نفسه الله عليك يا دودو يا جامد متمكن يا ولد والله عليك مقدره علي الاقناع والله عليك وانت عايش في دور البؤساء دعدور : براحتك يا هايدي مش عاوز افرض عليكي حاجه انتي مش عاوزها (يارااااااااااااااااااجل ) وانتهي المكالمه علي انه خلاص هيقابلها بكره علي كوبري ستنالي الساعه سته دعدور خلاص عدت معاه هيقابل البنت اللي حبها وعاش قصه حب عنيفه عبر الاسلاك وشغل اغنيته الرومانسية تملي معاك واذا بصوت هاني المعتاد عمرو دياب كمان ذوقك بقي بلدي بشكل يا دعدور عيل بيئة صحيح خلاويييييييييص هنخلص اهو بعد ما خلض دعدور كل الاغاني اللي بيحبها بدا يستعد للقاء الكبير مع هايدي دعدور مناديا من الشباك: هااااااااااااني انت ياوله يا هاني هاني : نعم عاوز ايه ؟؟ دعدور : هكون عاوز ايه فين الكوتشي والتى شيرت بتوعي مش مستلفهم من شهر هاني : خلاص خلاص هجبهم وطالعلك بس غريبة ايه اللي فكرك بيهم اه اكيد عندك معاد مع ان دعدور : انجز وهاتهم وفي ثواني كان هاني بيرن الجرس بغلاسه تررررررررررررررن حاضر حاضر جاي يا هاني ترررررررررررررررررررررررن دعدور : انت مش هتبطل غلاسه بقي هاني : عادي ما طول عمري غلس ايه الجديد ادي المطلوب كله نضيف وجاهز علي اللبس دعدور : اوك احسن برده هاني : مش هتقولي رايح فين دعدور : لا هاني : طيب انا نازل بقي دعدور : قفل الباب وبرده ماردش عليه وفصل الجرس دعدور جهز نفسه وجهز العده من بالليل البنطلون والتي شيرت والكوتشي والساعه واكيد اكيد الجيل لزوم السباكي ونام وهو بيحلم هيقولها ايه في الصباح الباكر بالتوقيت الدعدوري الخامسة بالتوقيت بتاع الناس الطبيعه كان جاهز ونزل من البيت بعد ما خلص اربعه برفيم علي نفسه وراح كوبري ستنالي وفجاه يقابل مين هناك صاحبه اسامه ازيك يا واد يا دعدور دعدور : اسامه ايه اللي جابك هنا اقصد انت عامل ايه اسامه تمام اسامه : بتعمل ايه هنا ؟؟ دعدور : ابدا تغيييييييير ويررن موبايل دعدور ايه نمره هايدي اخلص من ده ازاي بقي اسامه : ايه يا دعدور ما ترد ويرد دعدور : الووووووووووووووووووو هايدي : ايوه يا دودي غريبه: الصوت اللي في الموبايل سمعه كمان من وراه ويبص دعدور وكأن اتوبيس داس عليه رايح جاي يلا قي مين يلا قي مين دعدور : انت ؟ هاني : ايوه يا دودي عامل ايه ؟ اسامه : بس يا هايدي بقي هههههههههههههههههههههههههههههه اسامه : الله الله اجري يا هايدي هنضرب بالكوتشي هاني : اخص عليك يا دودي كده تضرب هايدي ودعدور مستمر في الجري وراهم بفرده الكوتشي وبيصرخ بصوت هيستري والله ما انا سيبكم يا ولاد ال.......... لما اقابلكم فى الحته يا ولاد ........ اللهم انى صايم وحيات ابوكو ياولاد ......... لهح,,,,,,, عليكوا نفر نفر ياولاد التيت تيت تيت تم الحذف للخطوره :drunk: ودى نهــــــايه دعرور ... وهو لو كان ركز كان حس ان دى اشتغاله لان فى اليوم الى هايدى مشيت فيه سافر هانى بردوا ... .gif "111 (20)") |
||||||||||
|
التعديل الأخير تم بواسطة pop_spider ; 07-09-2010 الساعة 10:04 AM
|
| إعلانات google |
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ۞۞۞۞ أى أكونت مسروق يدخل هنا سيرفر ( Mars ) ۞۞۞۞ | matrix2010x | Feronia | 36 | 13-05-2011 12:59 PM |
| ۞۞۞۞ رابطه عشاق نادي مانشستر يونايتد ۞۞۞۞ | MrZema | قـسـم الـريـاضـة الـعـامـة | 1 | 31-05-2010 12:44 PM |
| ۞۞۞۞ مسابقة أعلى DMG لأعضاء سرفر AlexandeR ۞۞۞۞ | D00M | Bellona | 40 | 17-12-2009 12:14 AM |
.gif){kind=icon}
العرض الشجري