" العروسة اتجوزت ، بس العريس مش هيتجوز ، لانه دخل الجيش" ( اقوى قصة لاعضاء المنتدى )

[super_man619]

بسم الله الرحمن الرحيم

اهلا يا جماعه انا و صديقي الصدوق فاير كنا بنفكر نعمل موضوع و طلعنا بموضوع فكرته فاجره

، القصه بتحكي عن الحرب التانيه بينا و بن اسرائيل و عن مشاركه اعضاء المنتدي هنا فيها كلهم في كتيبه واحده

و مناصب مختلفه و مفارقات مضحكه طبعا و معلومات حقيقه عن حرب اكتوبر يعني هتتبااااس هتتباااااااس ، نبدأ على

بركة الله

"افتح يا ابنى عشان نشوف النشرة ، عايزين نعرف الدنيا فيها ايه

حاضر ، لحظة واحدة ، اهو اهو فتحتها

وقد اعلن رئيس الوزراء الاسرائيلى بنيامين نتنياهو ان زيادة التوتر فى المنطقة ليس فى مصلحة اى من الاطراف ، وان

على مصر اتخاذ موقف اكثر جدية تجاه القضية الفلسطينية ، بالاضافة الى انه صرح بضرورة الزام الفلسطينيين تحت

ضغط مصرى بإيقاف هجمات الصواريخ على المدن المسالمة ، وقد اظهر ان اسرائيل لن تغير سياستها فى الدفاع عن

نفسها ضد اى كيان او دولة كانت ، وان الحق الشرعى لاسرائيل فى الوجود محفوظ بالدرع والسيف ، وبعد الفاصل

ننتقل الى الاخبار الاقتصادية والزميل......

الاب : اهى كملت ، هى وصلت لانهم يتبجحوا كمان علينا ، والله عشنا وشفنا ، اليهود اللى خليناهم يجروا قدامنا زى

القطط فى سينا ، جايين بيتفرعنوا على مصر ، وقال ايه ايقاف الهجمات .

Mr.VIP : معلش يا والدى ، هنعمل ايه يعنى ، هو قضاء ومكتوب علينا ان محدش من العرب عايز يرد على قلة ادبهم دى .

الاب : والله يبنى دا الكتيبة بتاعتنا كانت مورياهم الويل ، كنا معلمينهم الادب .

Mr.VIP: خلاص بقا الامر لله ، انتو عملتو اللى عليكو ، الدور والباقى علينا احنا .

جائنا الان خبر عاجل ، اعلن السيد وزير الحربية والسيد وزير الدفاع اعلان حالة التعبئة ، ورفع درجة التأهب القصوى ،

وعلى جميع المجندين من تاريخ 21/10/2000 حتى تاريخ اليوم التوجه الى اقرب منطقة تعبئة وتسليم انفسهم ، وقد

تقرر مد فترة التعبئة لمدة اسبوعين من تاريخه

الاب : بسم الله الرحمن الرحيم ، يا ساتر يا رب ، يا ترى ايه اللى حصل

Mr.VIP : ان شاء الله خير ، ممكن يكون تمرين بس عشان التوتر اللى حاصل ، انا هخش البس دلوقتى عشان الحق .