عُك وليّس ، كله كويس

[! FiRe !]

عُك وليّس كله كويس

كلمة او جملة انتشرت جدا فى شوارعنا وبيوتنا ومدارسنا وكل الـ..... المهم يعنى ، المفيد فى الموضوع اننا بقينا نختصر كل حاجة ، وظهرت لغة جديدة ، تعتبر عامية العامية ، الفاظ غريبة ، مش هقول اجنبية وغزو غربى ، انما الفاظ غريبة ، يعنى سؤل بسيط ، يعنى ايه " عك وليس كله كويس " !!!!!، واسأل واحد صاحبى اقوله عارف ايه المشكلة ، يقولى " ان الملاية مدلدلة " !!!! ، مش عيب اننا نهزر ، ولا عيب اننا ننكت ، بس مش فى كل حاجة ، وظاهرة الاشتغالات بقا ، على قفا من يشيل ، " جبت الطبة " "ايه؟ " " عوصو مربى " ، يا فرحتى ، دا كلام ميصحش ، يا جماعة النبى قال : " ان الرجل ليلقى بالكلمة من غضب الله لا يلقى لها بالا حتى تكون عليه حسرة يوم القيامة " او كما قال ، المفروض ناخد بالنا من كلامنا ، ومش كل حاجة هزار ، لازم يكون فيه شئ من الجدية ، وبعدها الهزار له وقته ، نبقا نهزر براحتنا ، ويا سلام لو نتناقش فى الموضوع وكل واحد يقول رأيه وليه احنا بقينا نعمل كده .