29.999 الف شاب من شباب البلد ماتو فى مدبحة الاقصر 86 يا برطه.....!!!!

[! FiRe !]

موضوعى النهاردة ملوش علاقة بالعنوان ، لأن بكل بساطة الموضوع بيشرح حاجات ملهاش دعوة بحاجات ، يعنى مثلا:

قصة اننا شعب كحيان وعيان وفجعان وكل الصفات على وزن (فعلان) زى جعان وتعبان ...الخ
ملهاش ادنى علاقة بمنظرنا امام السياح ، والعنتظة اننا بنقول لكوريا الشمالية " عليكم بضبط النفس " ، قال يعنى ظبطنا كل حاجة وفاضل نظبط غيرنا.....!!!! ( ميحكمش )

وقصة العشوائيات والدويقة والانهيارات لا تمط بصلة خالص للمنتجعات الشرماوية اللى مش بيدخلها مصريين ، الا رجال الاعمال المنتسبين لمصر بالاسم.....!!!! ( دا لو اعتبرنا ان دول ستات ، قصدى مصريين )

نيجى لحتة قريبة شوية من العنوان ، وهى الشباب ، قصة ان الشباب مش لاقى شغل ، وفاضى للحشيش والنسوان ، ومعاكسة بنات الناس اللى ملهمش ادنى ذنب فى انهم مزز ، ملهاش دعوة خااااااااالص بالمواهب الشبابية من فرق الباليه الايقاعى !!!! ، وحفلات ماما توتان ( عدم ذكر اسماء حتى لا يكون اعلان ) ، والشباب المغتربين فى فرنسا اللى بيرفعوا شأن مصر امام العالم .


واحب اقول فى الآخر ، ان صدق الحمار اللى قال:
" وكل ده ومصر يا ولاد ، مصر يا ولاد ، حلوة الحلوات "

والسلام عليكم