How would you like saree blouse etc. and you do not know if he loves you or not

[k_a_r_i_m_]

السلام عليكم ورحمة الله وبركاته
بسم الله الرحمن الرحيم . موضوعنا النهارده عبارة عن راحة نفسية من اللى انت كاتمه فى قلبك ومش عايز تقوله لحد او شىء من الكسوف ده امر عادى وعند اى حد كده بس ايه رايك لو نعمل قناع ونبقى فى الموضوع ده مجهولين الشخصية هنفضفضى كلنا مع بعض وصدقنى لما تقول حاجة انت نفسك تقولها لواحد واثق فيه بالنسبة لكتم السر ده . ده شىء صعب اوى بس زى مقولتلكم هنبقى نظام مجهولين الشخصية سيب دماغك وقلبك لوحدهم وقول اللى انت نفسك تقوله من غير كسوف وصدقنى احنا هنا عارفين ازاى نقدر مشاعر البن ادم اللى قدمنا وانا هبدأ بالكلام بدون كسوف

الاسم. مجهول الشخصية
السن.18 سنة
عدد اللى عشقتهم بمعنى الحب الحقيقى .1
من صغرى وانا طموح بالنسبة لحجات كتيير محصلتش فى حياتى و متحققش حاجة منها كان املى كبيير اوى فى الدراسة انى ابقى حاجة بس للاسف كنت عايز اركب القطر من بعد اما فاتنى طول عمرى اهلى يكلمونى على 3 اعدادى ان هيا دى السنة اللى هتحدد مستقبل حياتك كلها بس انا كنت مستهتر بمعنى الاستهتار علشان حاجة واحدة مشيت وراها على اساس شهواتى هيا الفلوس من وانا عندى 12 سنة أشتغلت مع اخواتى و ابدتها من النصف جنيه لحد 800 جنيه و فىه حجات كتيير اوى بقيت بعملها عمرى ما حسيت انى اقدر اعملها فى حياتى لكن الحجات دى بعدتنى عن مستقبلى الدراسى لدرجة الفشل الأبدى بالنسبة للدراسة ولكن فى حاجة غريبة من ساعت لما فكرت كويس اوى فيها فهمت ان البن ادم يكفى اوى انك تكون فاهم مش لازم تحفظ الكلام وانا اللى الدنيا علمتهولى محدش يقدر يشرحولى بقلم و كتاب دى بالنسبة لحياتى اللى عشتها
بالنسبة للحياة الشخصية . محدش يقدر يصدقنى ان بنات كتييييير اوى كانو نفسهم انى حنى ارمى السلام بس او انى انطق كلمة صغيرة بس كل ده مكنش اللى فى بالى انا فى بنت سحرتنى مفمتش انا ليه مش قادر اعرف بنت غيرها ليه طول عمرى عارف انى بشوفها بس هيا مبتشوفنيش و عمرى معرفت اكسر حاجز الخوف ده معاها جملها ده ميتقدرش بدهب و من كتر جملها مبقدرش حتى انى لوصلها ودايما بحس ان الموضوع ده ممكن يتحسب بالمديات وفكرت كتيير لقيت ان مينفعش على اساس الماديات ولسه برده مش قادر اكلم بنت غيرها ووالله العظيم انى عمرى معرفت بنت فى حياتى لان اخدتها نصيحة من جدى الله يرحمه ان البنت اللى مصبرتش بالكلام يخدها الواد الجبان

موضوع غريب بس انا بجد اللى كتبته لانى معنديش ثقة كبيرة بأنى اقدر أقول لحد على كل الكلام ده بس زى مقولت طول مانا مجهول الشخصية اقدر اكلم بحرية ومن غير كسوف
اللى انا محتاجه انى مش عايز ردود شكر انا محتاج انى اسمع كل الناس اللى عايزه تفضفض بجد تحياتى لكل اعضائنا الكرام وشكرا للمتابعة