يا جماعة ياريت تساعدوني انا كان معايا اكونت ويزارد كليرك لفل 40

[shico852]

بسم الله الرحمن الرحيم

انا كنت بلعب اللعبة من سنتين وبدأت اللعبة ترخم وصعب ان الواحد يدخلها فسبتها وجيت اخش اليومين دول بقت بتخش علطول

المهم

انا كنت عامل في سيرفر يورانوس شخصية ويزارد وكليرك وكل ما اجيب لفل اجري علي الاسكلات ازود فيها واتفرج علي الاسكيلز اللي نزلت جديدة

بالعربي كده ماكنتش اعرف حاجة عن اللعبة بس قريت عن البيلدات وكدا

بالعربي برده انا حمار في موضوع الفارم والجاب ولا افقه عنو شئ وقريت كل المواضيع في كل المنتديات عنه ومفهمتش

لانو بصراحة بيكلمو الواحد كأنو يعرف ولو شوية في اللعبة

انا عرفت دلوقتي اني اللي عملتو غلط واني المفروض ماكنتش زودت في الاسكيلات عشان يبقي معايا اسكيل بوينت كتير يفيدني لما اكبر

فعملت اكونت جديد نفس البيلد بس مازودتش في المايستري ليفل خالص كلو صفر

بس وانا بقرأ في المواضيع هنا لقيت الناس بتتكلم في اسكيل بوينت بالهبل وارقام عجيبة اللي يقول انا عملت عشرة مليون اسكيل بوينت ويقولو لازم يكون معاك اكونت كبير يعني علي الاقل يكون لفل 100 طب انا ماعرفش حد بيلعب اللعبة معاه اكونت كبير يبقي انا كده مش هاعرف اكبر فيها خالص

بجد انا تعبت يعني الاكونت اللفل 40 وصلته للفل ده بالعافية

وفي الاخر بلغيه اهو وعملت واحد غيره هو دلوقتي لفل 14 معاه اسكيل بوينت 4537

وخايف بعد ما يكبر حد يقولي انتا ماشي غلط ارجو الرد بسرعة واسف عشان طولت عليكم وعشان طريقة كلامي زي مايكون بعاتبكم ولا حاجة او ممكن حد يقول ايه العجرفة دي بس انا خايف الا اكون ماشي غلط في اللعبة وشكرا