نداء للمشرف " Crazy_7madah " وللرجالة اللى فى القسم معانا

[inushyasama]

السلام عليكم ورحمة الله وبركاته

تحية طيبة لجميع العرب .. مصرى كويتى كلو أخواااااااات :)

** أستئذن حضراتكم فى عرض شئ يحدث فى المنتدى :

-**- دلوقتى اللى بيحصل فى المنتدى ده من مواضيع كتير جداً عن أشخاص حبايبنا كلهم والله وغاليين جداً علينا وكلوا عارف كده ..

فجأة تلاقى واحد مننا يقوم واخد كام صورة من اللعبة ويعمل موضوع ويقولك فلان عمل كذا كذا اوعى حد يكلمه اوعى حد يصدقه اوعى اوعى ...................... الخ ,

وبالتالى : أن كل الناس تدخل الموضوع وتقول أى حاجه فى أى حاجة :

- واحد يقولك " دا مش متربى - مش محترم - ............................ " شتميه يعنى .
- واحد يقولك " هو أنتم فى سيرفر إيه أساساً " رد ملوش أى لزمه .
- واحد يقولك " lolz lolz " ويخلع وأهى مشاركة والسلام .
- وواحد يقوم بدور الدفاع عن الشخصية دى وبالتالى هتلاقى الموضوع بدل ما هو 3 أو 4 ردود هتلاقى 900 رد فى 500 صفحة وده كله ليه " علشان واحد جاب صورة من اللعبة والناس تدخل تشتم وتجرى "

ومش لازم نحدد المواضيع بالإسم اللى بتحكى الكلام ده


يا ريت يبقى فى قرار حسام من المشرف ويحذف المواضيع اللى زى دى منعاً لإثارة الجدل والمشاكل بين الأصحاب وبعضهم .. لأن فعلاً زى ما حضراتكم شفتم المواضيع والردود .. الناس لو تقدر تاكل بعضها هتعمل كده .

والأمثلة :

- واحد يدخل يقول " فلان مش متربى واللى يقول غير كده يورينى نفسه " وأمثالها ....... الخ .

فيا ريت يا جماعة :

1- نلتزم شوية ومش كل حاجة نعمل منها مشكلة .
2- أى حد بينه وبين واحد تانى مشكلة يحاولوا بأى طريقة يحلوها .
3- أى حد سمع كلام مش حلو عن واحد , يكلم اللى هو عايز على الخاص مش على الملأ بحيث أنه ما يبقى فيه مجال للردود العنيفه اللى تزعل الناس من بعضها .

ويا ريت ما حدش يزعل من الكلام .. منتظر رأى حضراتكم فى الكلام ده
وتحية طيبة لكل الناس اللى فى المنتدى .. سلام عليكم