تعديل الكستور

[STRQUEEN]

دُوب صلاةِ الْعصْرِ قِضْيِتْ
والخلايقْ..لقَّحَت فـ الْغيط جتتهِا
كلُّه بعد الشُغْل سطَّح
أصْل حرِّ الصيفْ حدانِا
شَرْد كيفِ النارْ بيدْبح
إلْلـِ نَامْ لُهْ فـْ ضِلِّ سَجَره
وِالْلِـ غَفَّلْ عـ القنايِه
و اللـِ مدِّ دْرَاعُه ريحُهْ لجَْلِ وِلْدِ صْغِيرْ ِيريَّح
و اللى ندَّتْ طرْحَه فُوقْ رجْلينْ بناتهِا
منها ستْرِ وْ منها بلِّة طلِّ تِنضح

الغرضْ..مارايدشِ اطَوِّل

فجأه ياسيادنا التقينا
حِسُّه جاىِ هناكْ بيزْعَق
دِه الغفير
اسْماعينْ وِلْد الرشايدِه
قلبُه سَوّ وْ عُمْرِ يَمُه الْخيرْ مـَ يِطرح
خيرْ يا بوزِ الإخْصِ خير
جاى تِسرقْ والا تُظلُم
والا يِمكنْ جاى تِفضح

الغرضْ..مارايدشِ اطَوِّل


جه بسلامتُه فْـ يدُّه حَبَّةْ شاىْ وِ ورقه
قال معاى مكْتوبْ وِ ميرى
قلنا طيِّب
قال و لزمنْ كله يِسمع
قلنا حاضر
قالْ وحتمًا يوم ما يحصلْ..كله يُبـْ صم
قلنا طيـ يب
قالْ و ويله الْلى عَـ يِفتحْ خَشْمُه يومْهِا
والا عقلُهْ يْوِزُّه يِشطَح
قلنا أممممممممممممممم
أمَّا مخُّه تْخين صحيح
حدِّ يِقْدَرْ فى الحكومِه..عادْ يفتَّح

الغرضْ..مارايدشِ اطَوِّل

اسماعين قالِ :"الْكَبِيرْ مِنْ حُبُّه فينِا
حَنِّ وِاتْعَطَّفْ علينِا
وِانُّه حَـ يْعَدِّلْ فـِ حاجِه
بيها تُبقى الْعيشَه أرْيَح"
البشرْ كُلَّتْها فِرحِت
عَمِّ حلمى قام يهيَّص
قال:"دا بُكرَه الْلَحْمه تِرخَصْ"
ردِّ سُمْعَه وْ قالْ لُه:إخرس
و ابراهيم قالِ:"الْكَبيرْ راحْ يبنى مشتشْفى تداوينِا
أو كهارِبْ
أو يِمِدِّلِّينا وصلِةْ مَيَّه تِشْرِح"
قُومْ غباشى وْ بِتُّه ردُّوا:"إيوا جايز...
مـ الكَبير درْيانْ ضرورى
بالْلـِ ريَّانْ،،،والْلـِ عايز"
ضِحْكِتُ امِّ لْسانْ صفيّه وْ
غمَّزَتْ عَـ الْلطْخِ جوزْهِا:
"الحبوبِ الزرْقا تاجى
هىَّ دى البُشْرَى الْلـِ تفْرِح"
كل حىِّ فْـ سوقُه سارِح
و العقولْ ياما عَـ تِسْرح

الغرضْ..مارايدشِ اطَوِّل

كلِّ دَوَّنْ..واسْماعين عمَّالْ بيقرا
واحنا نسمع
مـ حنا غصبٍ عن أبونا..بُدْ نِسمع
بس أقولْ لَكْ حدِّ فاهِم..يُبقى بَمْزَع
لما فين ... حدِّ المغارب
سُمْعَه خلَّص
هَمّ مِنْ وَسْطينا شايب
إسمُه مُرقص
لُه فـِ قلْبِ الْكفْرِ هِيبِه
قالْ:" يا عيبِه
الكَبير ذاتْ نفسه ياجى يْعدِّل الكسْتورْ بتاعنِا
والله يا كْبيرْنا جميلكْ زادْ وِ غَطَّى،
بس قولْ لِىْ يَااسْماعين
إحْنا فينْ وِ الْبرد فين
د احْنا شفنا الحرِّ تَوْ"
اسماعين بَرْطَمْ وِخَدْ مِنْ شايُه شفطَهْ وْ
لمْلَمَ اوْراقهْ وِقَامْ كيف الشِوال
بس قبل الرُّوحه لفّ وْ تفّ عَـالقاعْدين وِ قال:
"أحْلقِ الْلِشْنابْ دَهِيِّه..وانسِتِر وَسْط الحريم
لوْ نَفَرْ منْ بينكو يفهمْ شعْرَه مِن فِهْم البهيم"
نَطّ فوقْ ضهْرِ الحُمارهْ وْ
شَدِّ قفطانُه المقيَّح
غارْ فـِ داهيِهِ
أما حقَّه انَّكْ سَقِيل
تاجِى زىَّ امْشير علينِا..وانْ نطقنا تدورْ تصيَّح

الغرضْ..مارايدشِ اطَوِّل

كل راجلْ خدْ عِيالُهْ..وِ المواشى
حمَّل احمالُه وْ سحبْهِا وْ تنُّه ماشى
و اتَّكَلْنَا عَـ الكريم
بسِّ طول الْليل و مَرَتى فْـ سيم وِ جيم
دايْرَه تِفهمْ كل حاجِه
إيهْ تقولْ... طَبْعِ الحريم
هىَّ تِسألْ ، وآنى افهِّم
هىَّ تِسألْ ، وآنى افهِّم
قاعْده جارِ الزيرْ تنبَّط:
"طبْ وِكِيف الْعيشه تُبقى اسْم الْلَه أرْيَح
يعنى و اشمعْنى الكَبير
عينه عـ الكسْتور بتاعنِا
يكْتبه فـ مكْتوبْ وِميرى،
قالْ وِ يبْعتْ بُه غفير!!
طب يا خويا..
مِنْ كبيركْ مَنْحِرِمْشى
والله لاشْتالُه بْجمالُهْ فْـ ننِّ عينى
بسَّ اخافْ يِطْمعْ فـِ رِمْشِى
دول توبين كسْتورْ- هِهئِ - وْ قصِّ وِ امشى"
آه يا معدومْةِ الضمير
دالكَبير ياوْلاد كَبير
خابِرِ انِّ الْبرْدِ قاسى
عينه عـ الكسْتورْ..وِدُكْهَم
قالْ يقولوا كْبيرْنا ناسى
أمَّا كفْرِ..تْقولْ حَمير
بكره لَمَّا السقعه تِهجِم
والعيالْ صِحِّتْها تِعدم
تعرفى قِيمْة الكَبير
واما كستورْنا المعدَّل..
فوقْ عيالنا بْشارْتُه تِطرح
كله يِفرح
والمعايش تُبقى صُح ارْيح و أريح
وابقى اشوفْ وِشِّ الخبير
اسْماعينِ ابْنِ العبيطِه
اللـِ جانا الْغيطْ بيرمح
شايل اللَوْراقْ فـِ يَدُّه
وآدِى دَقْنى انْ كان عـ يفهم
قالْ وَ عَـ يمَسْخِرْ علينِا
و المتمّه يْقوم يقبَّح

الغرضْ..مارايدشِ اطَوِّل

أما اقوم انْعسْ لى حَبِّه
واللى فيها يْبان وِ يصبحْ


Copied :))

[Mr_Techno]

حلوه اوي

[poiu]

شغال

[ahmedmazin]

بالتوفيق دائما
شكراً

[☜ ĂиTaKą ☞]

يا عينى ع الكـلام

[firebeso]

مشكور

[GedoBack]

يسلموا

[DeaTh_Rule]

اية الحلاوة دى

[Hanamontana]

تسلم ايدك

[STRQUEEN]

^^
شكرا يا شوباب :)
بس عايز ردود أكتر

[!_ToGoO_MorY_!]

تسلم على الكلام الجميل ده

[Jallad City]

كــــلامــ ... مـــتـــنــاســق وجــمــيـــل


شــــكـــــر اً



It's worth reading