.•°« ◙ احـــــــــــــــــــــــــا ◙ »°•.

[teto333]

أنا جمعتكوا إنهاردة لسببين :

أولا عشان مش فاضي بكرة

ثانيا عشان نناقش موضوع مهم جدااااااااا

و هوا ده موضوعنا
احـــــــــــــــــــــــــا

طبعا عدد ضئيل من الشعب هوا اللى عارف معنى الكلمه دى

- فى اللهجه المصريه و اللهجات التانيه:

احا (ا ح ا) اختصار لجمله: انا حقا اعترض او انا حقى اعترض
احه (ا ح ه) اختصار لجمله: ارفض حدوث هذا
احا: مشتقه من اح: كلمه بتتقال لما تكح او تتلسع او تتخبط و بتتقال بردو للاطفال الصغيرين للتعبير عن الغضب (كخ)
احا: فى بلاد زى الاردن معناها الكحه و بلاد تانيه معرفهاش معناها اصيل زى مثلا لما نقول "انا مصرى احا" = "انا مصرى اصيل"

- فى اللغه العربيه:
احا: كلمه كان بيقولها البدو للمعيز و الخرفان و الكلام ده
احا: مشتقه من الاحاح و الاحاح ليها معانى كتير حسب النطق فا تيجى بمعنى:
العطش الشديد، الحزن الشديد، الغيظ، الحقد، الكراهيه و الكحه او العطس
احا: مشتقه من اح نفس معنى الاحاح الاتنين اصل واحد و معانى واحده بردو
الغيظ، الكراهيه، العداوه، و الكحه و الكلام ده

فى الحكايات اللى بنسمعها:
بيقولك فى العصر الفاطمى; طلع قانون يمنع الناس انها تقول لفظ "احتج"، فا المصريين ساعتها حورو الكلمه
و خلوها "احتا" (من يومنا و احنا معارضين)
الفاطميين اكتشفو الموضوع ده، راحو المصريين قلبوها لـ"احا"، و بعدين القانون اتلغى و الكلمه اتشهرت.

فى اغلب الحالات احا كلمه تعتبر اسلوب اعتراض شديد اللهجه
و أنا مش حكلم فى النقطة دى انتوا عارفينها لوحدكوا لما حد بيعمل حاجة تعصبك

ليه الاعتقاد دلوقتى بان الكلمه مش محترمه (قبيحه):
فى الوقت اللى الاعتقاد ده ظهر فى مصر، كانت الدوله لسه بتبنى نفسه، و كانت العقول مشوشه
بسبب الانجليز و الفرنسيين و الناس دى
و حصل الانقسام بين المصريين الاغنيا و الفقر، الجيل الجديد من الاغنيا كانو متعلمين فى اوروبا
و مش ناقصهم حاجه عشان يقولو احا
اما الجيل الجديد من الفقرا فا كانو دايما بيقولو اح، و كان عندهم التطلع للاغنيا (عايزين يبقو اغنيا زيهم)
فا كان التقليد فى الكلام من الاغنيا
و هنا كلمه احا كانت لسه عاديه و لكن، مينفعش تتقال ادام حد غنى او حد صاحب علم تعبيرا للاحترام يعنى
و هكذا لغايه ما الناس بقو يربو اولادهم ع ان احا دى كلمه مش محترمه زى ما الاغنيا بيربو ولادهم :d
طبعا دلوقتى الكلمه موجوده ع انها قبيحه محدش بيقولها غير اطفال الشوارع، و لما الاطفال المتربيه
يسألو اهاليهم يعنى ايه احا يسمعو الاجابه المعتاده "كلمه وحشه" :d

من المواقف المشهوره لكلمه اح، هيا لما الريس جمال عبد الناصر طلع و قال هاتنحى عن الحكم
و كان رد الشعب ليه فى مظاهره شعارها "احا احا لا تتنحى"

بالنسبة للناس اللى مش عاجبها الوان الخطوط مش حقلهم غير كلمة واحده احــــــــــــــــــــا

منــــــــقـــــــــــــول من بعيد عن سيلك رود بس علشان ننشط الناس هنا شويه علشان الناس بتحب الكلام ده