سؤال لو سمحت

[Omar_Mohamed96]

انا عندي ويندوز 7 و كنت عايز انزل ويندوز xp و عرفت من شوية ناس ان ويندوز 7 مبيئبلش ويندوز xp
و سالت ايه الحل ءلولي اني لازم افرمت الكمبيوتر او افرمت partition c
ازاي بئا هفرمتو و هوا الويندوز مفتوح عليه

[Solitary]

هو مش موضوع مش بيقبله بس هو بيخفيه

يعنى الاول لو نزلت xp sp3 وتمام على ال C وجيت بعديها نزلت xp sp2 على ال D الاتنين هيبانولك اما تشغل الجهاز وهايطلب منك تختار هاتدخل على انهى ويندوز

لكن لو عندك xp ونزلت win7 ال xp هايفضل شغال بس مش هاتقدر تدخل عليه عشان ال win7 ÷ايخفيه كإنه مش موجود بس هو موجود وواخد مساحه وموجود

[Omar_Mohamed96]

ماشي متشكر جدا علي ردك بس كل دة اساسن ميهمنيش
انا عايز اعرف ازاي انزل windows xp بدل من 7

[Solitary]

بداله يبقى تشترى اسطوانه ويندوز xp وتسطبه من بره يعنى اما تطفى الجهاز مش والجهاز شغال

فى التسطيب هايجيلك اختيار انك تحط الويندوز على بارتشن ايه
شوف بقى البارتشن الى فيه ال win7 واختاره

بعد كده هايقوك فى نسخه احدث من الويندوز نازله فى البارتشن ده وهايقولك يا تفرمته وتسطب عليه يا تختار واحد تانى فإنت تختار انك تفرمته

هايقعد 5 دقائق يفرمت بعد كده هاينقل الملفات من الاسطوانه للجهاز ويبدء تسطيب ال xp

بس

[Omar_Mohamed96]

بص انا بحط ال cd و بعمل restart و الboot بيبدء و بيجيب شاشة زرقة و يكتب copying files بعد كدة يقول error
ال setup اساسن مبكونش ابتدا خالص

[Solitary]

بيجيب error ايه يعنى بيقول ايه ؟

[Omar_Mohamed96]

لما بصطبو من جوا لما بيكون الويندوز مفتوح يعني بيقول error بتاعة ال version ال انتا قلتها ديه
و مش بيجيب لا format ولا اي حاجة
و لما بسطبوا من برا ب ال boot بيقولي ان في virus في الجهاز و يقولي setup cannot continue
لو سمحت هات الايميل بتاعك

[Solitary]

خلاص اعمل سكان على الملفات المهمه واضغطها وخدها على اسطوانه وريح دماغك وفرمت الهارد

او انزل اى سيبر قوله عايز xp sp3 فيه فورمات

[Omar_Mohamed96]

طب السطوانة تتكلف كام
انا عارف انك ملكش دعوة بس عشان اعرف بس

[Solitary]

يعنى اخرها 3 4 جنيه او بالكتير اوى 5 جنيه بس لاحظ لو ماشتغلتش هايبقى لازم فرمته كامله ... يعنى ده مجرد حل ممكن اه وممكن لأ

او اشترى اسطوانه فاضيه بجنيه وروح موقع arabseed او myegy ونزل النسخه الى تعجبك وفى هنا كمان نسخات شوف الى يريحك ونزله واحرقها على الاسطوانه ببرنامج daemon tools وشغلها واتعامل

[Omar_Mohamed96]

ok شكرا جدا لاهتمامك

[Solitary]

تحت امرك وربنا يوفقك

[Omar_Mohamed96]

المشاركة الأصلية كتبت بواسطة Solitary عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يعنى اخرها 3 4 جنيه او بالكتير اوى 5 جنيه بس لاحظ لو ماشتغلتش هايبقى لازم فرمته كامله ... يعنى ده مجرد حل ممكن اه وممكن لأ

او اشترى اسطوانه فاضيه بجنيه وروح موقع arabseed او myegy ونزل النسخه الى تعجبك وفى هنا كمان نسخات شوف الى يريحك ونزله واحرقها على الاسطوانه ببرنامج daemon tools وشغلها واتعامل

مهوا انا منزل كذا windows من myegy بس بيقول error الي انا قولتهملك دول

[Alone iN The Sky]

احب اوضح جاجة

ماينفعش يظهرلك ايرور وانت على الدوس وتقول انه بسبب فيرس

الدوس مش بيشتغل عليها برامج ولا بيشتغل عليه فيرس ولا يشتغل عليها اى لغة من لغات الحاسب غير اول لغة من اوامر الــ 0 و 1 وبيتم ترجمتهم لارقام حروف الى انت بتكتبهم لكن مافيش شىء تانى بيشتغل ابدا عليه تانى

والايرور اللى بيظهرلك ده هو اما الاسطوانة بايظة او ناقصة ملفات بسبب خدش بسيط جدا مش بيبان بالعين بيكون فقد ملف فيها - او بقى عندك مشكلة بالرامة بتاعتك

بكلا الاحوال انت هتفشل بتحميل ويندوز جديد على جهازك لنها اول مرة ليك - ولو جازفت فيها خطر انك تفرمك كل الهارد لو مش بتعرف تترجم انجليزى كويس

انصحك تنزل اى مركز كمبيوتر وتدفع 10 جنية وتستسلمم جهازك بعد ساعة كل شىء فيه تمام

[Omar_Mohamed96]

المشاركة الأصلية كتبت بواسطة Alone iN The Sky عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

احب اوضح جاجة

ماينفعش يظهرلك ايرور وانت على الدوس وتقول انه بسبب فيرس

الدوس مش بيشتغل عليها برامج ولا بيشتغل عليه فيرس ولا يشتغل عليها اى لغة من لغات الحاسب غير اول لغة من اوامر الــ 0 و 1 وبيتم ترجمتهم لارقام حروف الى انت بتكتبهم لكن مافيش شىء تانى بيشتغل ابدا عليه تانى

والايرور اللى بيظهرلك ده هو اما الاسطوانة بايظة او ناقصة ملفات بسبب خدش بسيط جدا مش بيبان بالعين بيكون فقد ملف فيها - او بقى عندك مشكلة بالرامة بتاعتك

بكلا الاحوال انت هتفشل بتحميل ويندوز جديد على جهازك لنها اول مرة ليك - ولو جازفت فيها خطر انك تفرمك كل الهارد لو مش بتعرف تترجم انجليزى كويس

انصحك تنزل اى مركز كمبيوتر وتدفع 10 جنية وتستسلمم جهازك بعد ساعة كل شىء فيه تمام

انا منزل كذا نسخة xp و مش معقول هتكونو كلهم بايزين او ناقصين ملف
و شكرا جدا لاهتمامك