شوية عجبوني من علي الفيس بوك 2

[goosa]

مرحباً بكل أعضاء منتدنا الكرام



بما أن الموضوع شوية عجبوني من علي الفيس بوك هو اللي لاقي إهتمامك
و حست ساعتها أنا بشرف علي قسم

و بما أن مفيش حد بيعمل أي مواضيع خالص
قولت أعمل داه

شوية عجبوني من علي الفيس بوك 2



نبتدي بحاجة لذيذة

قـوانين الكــســـل



قانون الكسل 1
إذا وقع منك مكعب تلج ، زقوا تحت الثلاجة
----
قانون الكسل 2:
كل ما كان ريموت التلفزيون بعيد ، يزيد حبك للبرنامج المعروض
----
قانون الكسل 3:
إذا اتدلقت ميه ، مسيرها تنشف لوحدها
----
قانون الكسل 4:
إذا كنت متأخر ، متروحشى احسن
----
قانون الكسل 5:
متشحنش تليفونك ، لحد ما ينبهك انه باقي 3%
----
قانون الكسل 6:
قوانين وشروط الإستخدام ، اضغط موافق وخلصنا
----
قانون الكسل 7:
عندما يستفسر منك شخصا عن شيئا ما استخدم فقط جمله وحيده
!!بعدين اقولك
----
قانون الكسل 8:
ليه ترتب سريرك إذا كنت اصلا هترجع تنام فيه فنفس اليوم !!



مش هكتب حاجة علشان مكسل



واحد طلب من واحده على الفيس ايميلها ..
كتبتلو :[email protected] m

$
$
$
$
$
$
$
$
$

قام الشاب كتبلــها
i.am.your.father, Ya BENT, EL KalB @youareDead.com



الفاتحة علي روحها



لما النسيم بيعدي بين شعرك *_*
حبيبتي بسمعه


بيقول حراااااااااااااااااااااااااام



أحمد ميكي سارق منها شعر دبور
مش هي اللي بتقلدوا







*** إنما إيه



ليه فى مصر مابنقراش لأطفالنا قصة قبل النوم ؟؟؟!



انظر الاجابة :

الأم: كان يا مكان في قديم الزمان
الطفل: فين المكان ده ؟
الأم: في بيت صغير في الغابة
الطفل: بييت من؟؟!
الأم: بيت ست ورجل
الطفل: ما عندهمش ولاد ؟؟
الأم: لا
الطفل: ليييييييييييه؟؟
الأم: اسكت خالص واسمع من غير ماتتكلم!!!!!!!!!!
الطفل: حاضر
الأم: في يوم من الايام !
الطفل: انهى يوم قصدك ؟؟

وتنتهي القصة بعلقه و قلم على وشه
و ينام وهو بيعيط

كم انت عظيم ايها الطفل المصرى



زي الناس اللي هتفرحني و تكتب مشاركة

و ألقيها بتقوللي بايخة

علي الطلاق
لأسحب منوا ازازه الحاجه الساقعه
و اكتب جمبه سوء استماع و سخريه



الطفل في أمريكا أذا ضربته أمه بالقلم على وشه بيتعقد وبيتعالج عند دكتور نفسي وأحتمال كمان لما يكبر يبقى مجرم
الطفل المصري

يفضل ميت من الضحك ويقولها

أصلاً موجعتهوش



راجـــــل مــــــــــش مـــــــــــــــــــــــــــــــــــان



واحدة بتقول لجوزها : من ساعة متجوزتك مبفكرش فى أي راجل،
.
.
.
.
.
.
قالها: للدرجة دى بتحبيني؟

قالتله: لأ، للدرجة دى انت كرهتني فى الرجالة، قطيعة تقطعك انت وكل الرجالة.



ديه لو مراتي كنت نطيت في كرشها



لما كان ابو جهل في عزا ابنه جهل افندي
.
.
.
.
.
وكان رامي ودنه سمع حد بيقول
هل عزيت أبا جهل
فرد عزيت و لا ع الفحم
فضحك الجميع وخرج جهل من القبر من شده الضحك وقلب العزا مسخره



و الله أبوا جهل ده أتمرمط الفترة ديه هوا و عيلتوا



للمتشائمين من الأحداث اللى بتعيشها مصر فى الفتره الأخيره
.
.
.
.
.
.
.
.
مش هتحسوا بقيمة الأحداث دى إلا السنه الجايه لما تبقى كل الأيام دى أجازات رسميه



ياتري صحيح هتبقي أجازات رسمية؟!

داه علي كدة هنشتاق للمدارس



يقول أندريه شينيه: "إننا نطيل الكلام عندما لا يكون لدينا مانقوله."
الكلام ده صحيح جداً






لأننا في الامتحان بنكتب في السؤال اللي نعرفه صفحة
والسؤال اللي منعرفهوش صفحتين



محدش يسالني مين أندريه شينيه انا معرفهوش اصلا

و اللي هيعمل نفسوا فيلسوف و يفتي

فاكرين اللي قال بايخة فوق
:wine:

اللي خت منوا ازازة الحاجة الساقعة

هدلؤها عليك



مرة مشرف كل أما يخش القسم بتاعوا
يلاقيه زي ماهوا
يدخل الصبح أو بالليل زي ماهوا
مفيش أي جديد

ياخوننا حرام عليكم بجد زهقت



خدوا بقي أخر واحدة ديه



من تحت عشر بطاطين ولحاف! وبجوانتي عصام الحضري وشراب ابوتريكة..أرسل اليك تلك الرسالة..
بعد التحية ..ايها الجو المصري العزيز..لـقد تعودنا منك علي الاعتدال وسط احترام متبادل بيننا..ولـكنني تألمت كثيرا لما بدر منك في الأيام الأخيرة،مما جعل فيروس الانفلونزا اقرب أصدقائي ..
ومن أجل ذلك اقول لك بكل صدق:أنت هتستهبل ..انت فاكر نفسك في اوروبا..عايز استحمي يا أخي..أنا زهقت..ايه بقي؟..
قرار أخذ الدوش بقي قرار... مصيري يحتاج الي تفكير عميق..كل ما أقول يا واد اجمد وخش من قلب من حديد تحت الدش ..مجرد ما أسمع صوت الميه،أجري تحت البطانية،زي العيال الصغيرة..
يــا أخي أنـــــا ســمعت كـل الاغاني الوطنية عشان أسخن وآخد القرار..وبقت الحــاجة امي تدعي لي في كل صلاة ،يارب المرة دي
وسؤال أخير :هل يا تري تسمية البنت اللي بنرتبط بيها ب (الجو)من باب الصدفة لا مؤاخذة يعني؟



أسيبكم و أقوم أستحمي بقي

ســـــــلامــــــــوز

[Paranoid]

ههههههههههههههههههههههههههههههههههههه

حلوه :)

[omarik0]

هههههههههههههههههههه
جامدة

[MA_Love]

جامده
اجي استحمى معاك
ههههههههههههههههههههههههه

[goosa]

منورين

المشاركة الأصلية كتبت بواسطة MA_Love عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

جامده
اجي استحمى معاك
ههههههههههههههههههههههههه

إيه قلة الأدب ديه

تصدق بارضوا ماستحمتش

[arshmieds]

ههههههههههههههههه
اصلى يا نجم

[MadOmar]

هههههههههه جامده اوووي
انا في ظل الاحداث الراهنه قررت اني استحمى بالبطانيه

[winnie]

فقط !!! y.png" border="0" alt="" title="Triggerhappyy" class="inlineimg" />

[_lala_]

برنس
موضوع جامد