مقالة الاسبوع ، فى قسم بعيدا عن سيلك رود (متجدد اسبوعيا)

[! FiRe !]

انا جاتلى فكرة الموضوع ده وانا فى البلكونة
فقررت انفذها
وهى فكرة جديدة
انى هاكتب مقالة كل اسبوع عن اى حاجة
عشان اشارك الناس رأيها فى اللى بيحصل حوالينا
ولعلمكوا انا هاكتبهم كلهم بايدى ، مش ناقل من موقع تانى
والنهاردة اول مقالة من سلسلة مقالات Fire33 ، استمتعوا:
المقالة بعنوان:"بح...كان فيه منه وخلص!"
------------
"هو فيه رجالة اصلاَ!!!"
كلمة اصبحت على السنة الكثير من بنات اليودمين دول ، كل ما تيجى تسأل واحدة متجوزتيش ليه يا حلوة ، تقولك الجملة المعتادة ، هو فى رجالة اصلا، تقولها طب ليه ماوافقتيش على العريس اللى اتقدملك ، بعد ما تطلع فيه القطط الفطسانة ، تزرع الجملة اياها ، هو فيه رجالة اصلا" ، وده موضوع مقالتنا النهاردة:

وسعوا شوية كده.....عزيزاتى الانسات ، مصر مليانة رجالة لدرجة انو مبقاش فيها بنات اصلا...، "ايوووون مصر مافيهاش بنات ، واللى مش مصدق يجى ورايا للسطور اللى تحت.

بتعرفى تطبخى يا حلوة؟... اعتقد ان معظم الشباب اللى متجوز حديثا بيعانى من المشكلة دى ، لأن الست هانم ملهاش علاقة بالمطبخ ، لأنها كانت مشغولة السنين اللى فاتت من عمرها بالـmake up والمراية وسماع اسامة منير ، لتكون النتيجة بعد الجوازوفور د***ها المطبخ:
ارز شايط
مكرونة محروقة
فرخة مغسوله بالرابسو.

وياريت المسألة تنتهى لحد كده ..لأ... دا كمان فيه غرامات مادية مش بس الخساير اللى حصلت فى المطبخ، لكن كمان فلوس اكل التيك اواى اللى هيجى فى ديلفرى من بره
دا غير الميزانية اللى هتضرب، يعنى اتجوزتك يا حبيبتى عشان تعينيى لقيتك خربتى بيتى ، واوعوا تفتكروا ان الضعف العام اللى بيعانى منه الطفل المصرى بسبب الفقر بس ، لأ...صدقونى السبب الرئيسى ان الامهات الشابات مش بيعرفوا يعملوا اكله عدله
لا للراجل ولا للبيبى.

طيب تعرفى يا حلوة تعملى ميزانية؟

الحق يتقال معظم بنات اليومين دول شطار طحن فى عمل ميزانيات للـmake up ، وسى ديهات عمرو دياب واليسا وتامر حسنى والبرفانات ، لأ... وممكن تكون رومانسية فتربى قطة فى البيت... والقطة عايزة اكل او السلحفاة والسلحفاة سخنت عايزة دكتور ، وتلاقيها مهتمة بالورد.. يعنى يعيش الورد والقطة والسلحفاة ويموت الراجل من الجوع.

"انتا مش مهتم بيا"
شعار خراب كل البيوت المصرية على ايد الامورة الشابة يبدأ من هنا ، وعلى شاكلته :
"انتا مبتحبنيش زى الاول" ، ومن هذة الجمل الشاب المسكين يحاول الاثبات للامورة انه يحبها ومهتم بها....سينما يلا....مصيف يا دوب نلحق....الشهر اللى جاى يومين فى شرم...وبسبب الاثبات ده غالبا ما بيتفصل اللوح صاحبنا من شغله!!
ولو محاولش يرضى الحلوة تلاقيها رافعة عليه قضية خلع، الله يرحمك يا امينة ، يا اميرة الامرا ويرحم ايامك اللى كنتى بترضى فيها بأى حاجة من سى السيد ، وعمرك !! ما قولتى مش مهتم بيا!!.

ثم فين البنت النهاردة اللى تقدر تستحمل ظروف الشاب؟...وتقدر تتحمل مسؤلية بيت ورعاية اولاد؟...وتقدر تحافظ على اسرار الراجل ومش تنشرها ، لحسن بعيد عنكوا اليومين دول بنشوف فضايح الراجل يقول لمراته سر يرجع تانى يوم يلاقيه عند صاحبته نورهان وزميلتها فى الشغل رحاب وجارتها فواكة وصاحبة القهوة المعلمة فتكات!!....

ثم ايه حكاية " استكلالى ومشاعرى ، واحساسى وشخصيتى"

فين ايام امهاتنا وجداتنا اللى كانت الواحدة منهم ستر وغطا على راجلها...
تعرف تحافظ على بيتها وتربى ولادها.... وتخفف على جوزها مشاكل الشغل والحياة
وتستقبله بالمية والملح
مش عايزين ميه سخنة وملح ، بس عايزين زوجة عدلة!!!!

بذمتكم الشاب يتجوز مين ؟
ويروح لواحدة تحرق دمه وتطفحة الكوته ، شبكة ومهر وعفش وعربية وفستان
اصل عايزة فرحى يتحكى بيه!!.

دا لو دفع فيها 50 جنيه بالمواصفات اللى فاتت دى
تبقى واقفة عليه بخسارة.

عزيزاتى الانسات .. حلال فيكم العنوسة .... ومبروك عليكم اللقب وزيادة العدد
واللى ليه شوق فى حاجة اميلى تحت هاكتبه فى اخر الصفحة!!.

قال مش لاقيين رجالة قال...... حاجة تفقع وتفور الدم.


الاميل للخناقات
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الماسينجر للشتيمة
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انتظرونا فى الاسبوع الجاى مع مقالة جديدة
فى امان الله