حل مشكلة الفاك نيم

[omar34]

السلام عليكم و رحمة الله و بركاته

الموضوع ده أنا فكرت فيه بعد ما دخلت السيرفرات الخاصة و شوفت نسبة سكامر عالية جدا و لاحظت إن في ناس بتشتكي من إن في واحد تاني عامل فاك نيم لاسمه و كمان في مرة واحد أخد بان بالغلط

طيب هل المشكلة دي ليها حل؟؟؟

طبعا ليها حل بس حل نقول بنسبة 80 إلى 90 % من مشاكل الفاك نيم

علشان ما تقعش ضحية لفاك نيم آخر و تاخد بان أو سمعتك على السيرفر تنزل لازم تتبع الخطوات التالية :

الخطوة الأولى /

لما تيجي تعمل اسم للكراكتر بتاعك حاول تختار اسم يخلو من حرف (L) سموول مش الكابتل لان الكابتل مفيهوش مشاكل.
و ابعد عن حرف (i) كابتل مش سموول لان السموول مفيهوش مشاكل

طيب ليه؟

طبعا الأغلبية عارفة إن حرف ال L لما تكتبوه سموول بيتشابه مع حرف (i) لما تكتبوه كابتل فيبدو الاسمان من الوهلة الأولى أنهما اسما واحدا و بالتالي ممكن ناس كتيير تقع ضحية لسكامر عمل فاك نيم لواحد كويس مش بيعمل سكامر و يعمل اسم مشابه تماما للاسم الموثوق فيه بين الناس و دي عادة بيقع فيها الناس اللي بتبقى جديدة في اللعبة

و طبعا حلها زي ما قلت ابعد عن الحرفين دول .

الخطوة الثانية /

في ناس عملت أكونت فيه حرف من الحرفين اللي فاتوأ
و في ناس بتحب إنها تحط حرف منهم علشان اسم هو بيحبوه مثلا
طيب دول يعملو إيه؟؟؟

حلها بسيط

بسرعة تروح انت تعمل أكونت جديد فاضي و تعمل فيه فاك نيم لنفسك و بالتالي لو حد حب يعمل فاك نيم ليك مش هيعرف و بالتالي انت بكده حميت نفسك و حميت سمعتك على السيرفر .

مثال :
لو واحد عمل اسم لشخصية مثلا I_LOVE_YOU

الاسم هنا بدأ بحرف (i) بس كابتل يبقى ممكن واحد يعمل فاك نيم ليك و بدل ما يبدأ الاسم بحرف الاي الكابتل هيبدؤه هوه بحرف (L ) بس مش كابتل لا هيخليه سموول و هيكون اسمه كده

l_LOVE_YOU
طبعا لو سكامر محترف بيحاول يعرف شخصيتك أوروبي أو صيني و شكلك كمان و نوع الشخصية و يعمل زيها بالظبط

و خدوا بالكم معظم اللي بيعمل الفاك نيم هاي لفل مش نووب يعني محترفين

طيب حلها إيه

زي ما قلنا لما تعمل أكونت اعمل أكونت تاني و حط فيه الفاك نيم بتاعك

الخطوة الثالثة /

ممكن واحد لفل 125 دلوقتي قرأ الموضوع راح يعمل فاك نيم لنفسه لقى الفاك نيم غير متاح ده معناه إن في واحد عمل فاك نيم ليه بقصد أو بدون قصد

طيب حلها إيه

يطلع بكل احترام و يقول في جلوبال كذا مرة كده و يعمل بارتي ماتش كام يوم ينبه الناس إن في فاك نيم للاسم ده و إن اللي عمله إما أنه يقصد أو لا

طيب و بعدين
يعلن على السيرفر إنه مش بيبيع إلا عن طريق شخصية تانية جديدة يعملها و ميكونش ليها فاك نيم أو يعملها و يعمل الفاك نيم بتاعها و يعلن للكل إنه مش بيبيع بالشخصية الأولى و إن أي حد يقولك أنا ببيع يبقى متصدقهوش

أما مشكلة إن اسمك فيه _ و الاسم التاني مفيهوش أو العكس أو إن اسمك فيه __ و التاني فيه _ أو إن اسمك فيه e و التاني فيه ee أو أي حاجة زي دي ده مش مشكلة بالنسبة ليك يعني عمره ما هيجبلك بان بس ممكن يعمل مشكلة للناس لو مش ملاحظة و باتاللي انت أو أي حد لو لقيت حد اسمه بيتشابه مع اسمك و عرفت إنه بيبيع نبه الناس بس من باب الاحتياط إن الاسم ده مش بتاعي و إن الفرق بينهم كذا و توضح من باب النصيحة للسيرفر لأن الأخ التاني ممكن مايكونش اسكامر فانت تنبه الناس على السيرفر بس و في الآخر مفيش أي مشاكل عليك انت

أرجو الموضوع يكون مفيد لبعض الناس
و كله يحاول يحمي نفسه و يحمي أصحابه على السيرفر من إنهم يقعوا ضحايا لسكامر عامل فاك نيم .