" شرح الكارتون "

[♥♪♫♪BrêâkDâncêr♪♫♪♥]

" بسم الله الرحمن الرحيم "



أولاً :- " الكارتون مش نوع واحد ، الكارتون أنواع كتير جداً وكل نوع ليه طريقه "

• في نوع تصميم مشابه للكارتون يسمى بالــ Vector ، وده ملوش أي علاقه بالكارتون
وصعب شويه للمبتدئين ، وبيحتاج وقت لتطبيقه تطبيق صحيح واحترافي..

• احنا في الموضوع ده هنتكلم عن طريقه سهله وبسيطه لتحويل الصوره لكارتون
وان شاء الله يكون الشرح وافي وبسيط



" الرسم الكارتون "

هنحول صوره عاديه من الشكل ده



للشكل ده



وطبعاً بالمرور على المراحل دي ، واخرى سيتم ذكرها

• الصوره اللي هتطبق عليها الدرس (يفضل اول تطبيق يكون على نفس صورة الدرس)

يلا بينا

• احفظ الصوره اللي هتعمل عليها الدرس دي وافتحها مع الفوتوشوب



• طبق الفلاتر اللي في الصور دي ، بنفس النسب





• هتختار من الــ Filter Gallery ده قائمه اسمها Sketch
وفيها فلتر اسمه Photocopy


ملحوظه :- يمكن تغيير نسبة فلتر "الفوتوكوبي" "Photocopy" على حسب الرغبه في الوضوح

• دلوقتي تطبيق الفلاتر خلص
ناقص بس شوية حاجات بسيطه زيها زي الفلاتر كده ^_^


• أول حاجه ، التحديد Select

وده لازم يكون مظبوط علشان ميبوظش شكل الصوره


ملحوظه :- لا تلغي التحديد اللي هنعمله دلوقتي على الشعر حتى بعد الانتهاء
علشان هنعكسه ونشتغل ع الوجه ، وهكذا ، لضمان عدم وجود فراغات بيضاء
بين كل لون ولون


انا استخدمت الــ Pen Tool في التحديد للشعر






يمكنك استخدام طريقتك المفضله

الــ Pen Tool اسهل واكتر اداه احترافيه للجزء ده
واللي ميعرفش يتعامل معاها ده شرح فديو ليها
بس مش مني الفيديو ده
انا بس بحثت وجبته هنا علشان انت متتعبش ، ومتحتاجش حاجه من برا الموضوع علشان تطبق الدرس

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا رب الفيديو يفديكوا
علشان انا اللي فاهم الآداه دي أصلاً
مبقتش فاهمها بعد ما شفته :D
وكان في واحد تاني بيتكلم انجليزي وفجأه بقى عربي خليجي وحاجات كتير كتير


ملحوظه :- استخدم الـ Path مش الــ Shape
والفديو موضح فين الـ Path وفين الـ Shape

• لعمل سيليكت ( تحديد ) بعد ما تقفل الباس CTRL + Enter
عملت Path وعايز تشيل الجزء اللي جواه ده من السيليكت ( التحديد )
بتضغط ALT + CTRL + Enter
عملت Path وعايز تضيفه للسيليكت ( التحديد ) الحالي
Shift + CTRL + Enter

• بعد ما تخلص التحديد ( Select ) ع الشعر بتعمل حاجه بسيطه اسمها فيزر Feather
زي تنعيم كده ، دي بتنعم الطروف من قبل ما تلون ولا تعمل حاجه ، بيبقى في زي تدرج صغير كده بين الشعر والوجه ، من غيره الصوره ممكن تطلع مش حلوه.



• الاختصار بتاع الفيزر الافتراضي Shift + F6
لو الاختصار ده مشتغلش معاك ممكن تجيب الفيزر من المسار التالي في قائمة الفوتوشوب
Select --> Modify --> Feather
واعمل الــ Feather Radius دي 2 Pixel او 1 Pixel واديلو OK

ده وقت تلوين الشعر اختار الفرشه ( Brush ) وخلي الاعدادات زي الصوره كده




وبعدين اختار اللون اللي هتلون بيه الشعر



كود اللون اللي انا اختارته ( ffe139 )

بعد ما تخلص تلوين المفروض هتبقى بالشكل ده




اعكس التحديد ( Select ) بــ CTRL + Shift + i
او من قائمة الفوتوشوب
Select --> Inverse

كده هتلون الوجه براحتك ، بعيد عن الشعر واللون الاشقر مش هيتأثر

بس في نقطه ، العين والشفايف مينفعش يتلونو بنفس لون الجلد
وكمان قطعة الفستان اللي على كتف المزه دي

هتعمل على كل حاجه من دول Path بالــ Pen Tool
طبعاً ده مش هيضيع التحديد ( Select ) اللي شغال دلوقتي
نيجي بقى وقت ما تشيلهم من التحديد ( Select ) زي الشعر
اول ما ترسم Path عليهم ، تدوس ALT + CTRL + Enter
هتلاقي التحديد بقى على الوجه ودراع البنت بس


خلص تلوين الجلد
وبعدين اعكس التحديد ( Select ) تاني

المره دي اختار لون للفستان ، ولون للشفايف ولون للعيون

ملحوظه ، انت لما بتيجي تشيل العين من التحديد علشان تلون الجلد ، بتشيل العين كلها ( ابيض ونني )
انما لما تيجي تلونها ، بتلون النني بس

حلوه نني دي


اكواد الألوان اللي انا استخدمتها

• الجلد : ( fdc09f )
• الشفايف : ( f84e88 )
• قطعة الفستان : ( f84e88 )
• النني : ( 43adff )
• الشعر : ( ماهو مكتوب فوق يا عم )
هو وجع دماغ وخلاص :D


المفروض تطلعلك كده ^_^








اعتذار على حجم الصور الكبير ( مش قوي يعني )
بس ده كان لازم علشان الصور تبقى واضحه بكل ما فيها للقاريء
علشان مفيش خطوه تقف قدامكم ولا حاجه

انا جاهز لأي استفسارات