شرح عمل سكريبت وانت كلينت عادى للأى بوت الجديد

[ahmedzizoa]

طبعا ده موضوع قديم لعمل سكريبت بس لو انت شغال كلينت بالبوت
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


دلوقتى حشرح لكم طريقة عمل سكريبت وانت شغال كلينت سيلك رود عادى بدون بوت
المطلوب:
1/ ورقة وقلم وتعمل خط بطول الصفحة وتقسمها نصين
2/ كباية شاى او قهوة عشان متملش
3/ تركز شوية
4/ تبدا بالصلاة على النبى

نبدأ على بركة الله


اول حاجة تدخل على اللعبة عادى كلينت من غير بوت (سهلة دى)
ثانى حاجة تقف فى المكان اللى حتبدا فيه السكريبت (برضه سهله)
تالت حاجة تبدأ تحدد الاحداثيات اكس + واى للنقطة اللى انت واقف عندها
ازاى ؟ بص على اعلى يمين الشاشة حتلاقى الاحداثيات



تنقل اكس زى ماهى باشارتها حتى لو كانت سالبة
وكذلك واى برضه باشارتها حتى لو كانت سالبة وتحطهم فى الورقة اكس تحت الصف بتاعها
وواى تحت الصف بتاعها

تبدا تتحرك عند الخطوة التانية وتعمل نفس اللى فات
بس نصيحة مهمة حاول تخلى المسافة بين النقطتين اكبر ما يمكن عشان مش تقعد تكتب كتير وكمان تخليك ماشى فى اقرب طريق مختصر وميكونشى فى حاجة توقف البوت زى صخرة مثلا او شجرة او ...... الخ

سجل كل النقط نظام اكس وواى لحد ما توصل للمكان اللى حتضرب فيه
طب لو انت عاوز تخلى البوت يعمل حاجة وهو ماشى مثلا يركب حصان او يضرب سبيد او يختفى بالنسبة للويزارد عشان الوحوش مش تضربه لو هو رايح كهف جانجان

تيجى وانت بتكتب السكريبت بالعربى برضه عند النقطة اللى انت عاوزه يعمل البفة دى اكتبها بالعربى برضه بعد احداثيات النقطة وبعد كده كمل السكريبت عادى


الكلام اللى فات ده كله كان بالورقة والقلم (شغل مساطب يعنى)
اللى جاى بقى ترجمته للسكريبت
تفتح نيو تيكست (نوت باد) ونكتب فيها الاوامر بالطرية دى
go(-24573,6579
ونقفل القوس وبعدين Enter سطر جديد يعنى
وهكذا زى ما فى الصورة اللى جاية
بحيث ان الرقم الاول بيساوى اكس والرقم التانى واى


نلاحظ انك لما بتعوز تعمل بفة زى انك تختفى مثلا بتكتبها بعد النقطة اللى انت محددها بالطريق اللى فى الصورة دى cst(Invisible ونقفل القوس مثلا
وبعد ما تخلص تعمل حفظ وخروج وتسمى السكريب باسم معين انت عاوزة وتحفظة فى فولد حلو وتسميه Scripts مثلا (خليك منظم شوية)

نيجى بقى لشوية مصطلحات بتكتبها

مثلا فى الخانة اللى بعد cst اكتب اسم البفة بين قوسين عشان يعمل البفة دى زى مثلا cst(Invisible عشان يختفى ودى مهمة جدا عشان الوحوش مش تضربك وانت ماشى

نيجى بقى لبعض الاوامر:
1/ الامر teleport(2095,1 ومعناه استخدم التليورت للتنقل من مدينة الى مدينة
2/الامر wait معناه انتظر ودى بيتحط دايما بعد ما تتنقل من مكان لمكان تانى عشان يستقبل الداتا
3/ الامر horse اركب الحصان
4/ الامر kill انزل من على الحصان
5/ الامر buff(on1 معناه خلى السلاح الاول نشيط (عشان يستخدم بفات السلاح الاول)
6/ الامر buff(on2 السلاح التانى نشيط
7/ الامر buff(off1 السلاح الاول غير نشيط ( عشان مش يستخدم بفات السلح الاول)
8/ الامر buff(off2 السلاح التانى غير نشيط
ملحوظة دائما بداية الاسكريبت بتوقف نشاط السلاح (8 او 7) او الاتنين مع بعض حسب احتياجك
وفى اخر السكريب بتنشطهم تانى (5 و 6)
وده بيستخدم مثلا لو انت ويزارد بارد ورايح كهف جانجان ممكن توقف سلاح البارد عشان مش يدى بفات السرعة مثلا وهو ماشى وتنشط سلاح الويزارد عشان تدى بفة الـ Invisible عشان الوحوش مش تشوفك وانت ماشى وتضربك وترجع من اول السكريبت تانى وفى آخر السكريبت لازم تنشط السلاحين وده مهم جدا
9/ الامر zerk مفهوم طبعا عشان تستخدم الزيرك
10/ الامر end وده لازم تحطه فى نهاية البوت عشات يبدا يضرب فى المكان اللى هو وصله


اتمنى اكون فدتكم بحاجة جديدة
Done

[S_salah_S]

جامد والله يا كبير تسلم مانا كنت بعمل كدة بس للاسف معنتش بعرف بسبب ال تيلوبرت شكرا جزيلا

[ahmedzizoa]

نورت اولا
ثانيا بيتهيالى انك كنت عامل شرح ازاى تتنقل من مدينة للتانية بالبوت وانت كلينت ليس
صح؟
انت كل اللى حتعمله انك تعمل ريكورد سكريبت وبعدين تتنقل من المدينة اللى انت فيها للمدينة التانية
وبعدين هوب سيف سكريب
وبعد كده تتدخل على الملف اللى انت سيفته حتلاقى الامر بتاع التنقل جاهز
تاخده كوبى وباست وتحطه فى السكريبت اللى بتعمله زى ما انا شارح فوق
وبكده نكون حلينا مشكلة التليبورت وضحكنا عليهم
وعلى راى المثل (سكة ابو زيد كلها مسالك)

[MohandMomo]

ممكرن شكريبت تيمبل هنتر

[ahmedzizoa]

المشاركة الأصلية كتبت بواسطة MohandMomo عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ممكرن شكريبت تيمبل هنتر

ما انا قلت لك فى موضوعك قبل كده انى انا ليفل 97

[™_ EthereaL_™]

البوت بقا بيض اوي فين بتاع زمان

[ahmedzizoa]

البوت بقا بيض اوي فين بتاع زمان

ان شاء الله يرجع زى زمان
على يد العبد لله
بس ده بعد شهر 10 اكون فيضيت خالص له