الى كل الاعضاء تعالو بسرعه رمضان جاي علينا وفي مشكلة هتتحط علينا

[MR_YuGi]

السلام عليكم ورحمة الله وبركاته

أولاً :

أحب اقول الاول لجميع الاعضاء والأمة الاسلامية

كل سنه وانتم طيبين بمناسبة شهر رمضان الكريم

ثانياً :

طبعاً شهر رمضان جاي علينا بمعنى :-

ان أذان المغرب هيتراوح ما بين الساعة 6:35 لحد 6:55 طوال الشهر كله وكل واحد على حسب المدينة اللي موجود فيها في فرق دقايق ما بين كل محافظة يعني في الاغلب هيبقى من 6:30 لحد 7:00

والفورتريس في الجيم بتبدأ الساعة 6:30 وبعض الاحيان بتبدأ الساعة 7:00

فكده هتكون في مشكلة في وقت الفورتريس وهيقى مفيش عدل فيها

لأن الجيلد اللي محافظ على فورتريس مش هيعرف يكمل حفاظه عليها

والجيلد اللي بيجي أتاك مش هيعرف يكمل الاتاك بتاعه ويفوز بيها

فبكده الوقت ده مش مظبوط بالنسبة للطرفين

وإذا تم الاقتراح بأن الفورتريس يتم تغيير وقتها وتبقى بعد صلاة التراويح برضه كده مش هتبقة مظبوطة لان كل مكان وليه عاداته
لان في مناطق اتعودت انها تصلي 8 ركعات ومناطق بتصلى أكتر لحد ما نوصل لـ 20 ركعه

والعشاء هيتراوح الأذان بتاعه ما بين الساعه 8:00 لحد 8:30 وكمان في ساعه هناخدها في صلاة التراويح يعني هنخلص على الساعة 9:00

وبعد الصلاة الناس بتحب تعييش حياتها يعني تزور الاقارب والاصحاب والخروج والفسح ..... الـخ

فبكده وقت الفورتريس مش هيبقى فيه عدل لو بقى بعد صلاة التراويح

فأنا بطلب من عمر ومحمد أو بأقترح عليهم انهم يخلو قت الفورتريس الساعة 4:00 أو 5:00 بعد العصر

وده اقتراح حلو ومناسب لجميع الاطراف

لان في الوقت ده الناس بتبتدي تروح بيوتها وترتاح او تقضي وقتها في اي حاجة لحد ما يحين معاد الفطار

وأرجو ان يكون في استفتاء للوقت بتاع الفورتريس في شهر رمضان علشان محدش يتظلم وكمان نستمتع بأحلى متعه موجوده في الجيم وهيا وقت الفورتريس

وأرجو ان الأعضاء تتفق معايا في الوقت ده اللي هوه :

الساعة 4:00 أو الساعة 5:00

والله ولي التوفيق

وتفضلو بقبول فائق الاحترام