انا فلاشه نت والرصيد بيخلص بسرعه ممكن الافاده

[™ MooKa ™]

انا فلاشه نت اتصالات مشترك فى باقة 25 جنيه شهريا منجز ميكس مبلحقش اكمل اسبوع ده من البارتى الكامل اللى بفتحو ولا من ايه مع العلم انا بفتح سلك رود بس ممكن حد يساعدنى

[abdopasha2011]

والله معنديش خلفية بنت الفلاشة استنى حد يفيدك

[انس المحمدى]

اه جيت على الجرح

والله يا صاحبى قلبى معاك :)

انا فلاشة فودافون زيك

بس للعلم سيلك رود مش بتاخد رصيد نهائيا غير حاجة بسيطة

انا فاتح 6 اكونتات فى البوت

وبشحن زيك بـ 25 بس طبعا علشان انا بستعمل النت كتير بشحن كل اسبوع تقريبا

وسعات كل 3 ايام^_^ حسب ما بتطلب :)

[Privacy]

حضرتك سيلك رود ملهاش دعوه فى الرصيد اللى فى الفلاشه
انتا بيكون ليك كم معين من النت شبه التليفون كده 2 ميجا فى اليوم او حسب مش عارف احدد بالظبط
احتمال انك تكون بتستخدمهم فى التصفح او هكذا اما المشكله مش فى البوت او اللعبه .

[GeZzZ]

علي ما اذكر ان في نظام في اتصلات هو انسب نظام اسمه بلاحدود ب 19 جنيه سيبك من منجز دا نصبايه
ينقل لقسم المناقشه هاتستفاد اكتر هناك
دا مش مكنه ولا اه ؟ :]

[™ MooKa ™]

تمام خلاص ماشى اللى تشوفوه بس انا انهارده اضيقت روحت محول على باقه 40 جنيه اللى هيا الدوبل قولت اشوف يمكن تقعد شويه بس كده انا فهمت ان اللعبه مش بتاخد رصيد ولا كتر الاكونتات اللى بفتحها بتاخد رصيد بس معلش لو حد عرف ان فيه طريقه كويسه فى الفلاشه نت اتصالات يقولى وشكرا للاهتمام

[FallingStar]

انا كنت مشغل الفلاشة بردو من فترة كبيرة اول ما منجز نزل : )
كنت بلعب كونكر و سيللك رود و البنج زى الفل و حتى لما باقة التحميل بتخلص و السرعة بتقل ..البنج بيفضل تمام !!

ياريت توضح بقى !! انت قصدك الشركة بتبعتلك رسالة تقولك اشحن تانى ولا لا
عشان ممكن تكون الاشارة بتضعف بس : P

[انس المحمدى]

اطمنك اللعبة ما بتاخدش رصيد

المشكلة فى التصفح والمصيبة الكبرى اليوتيوب ^_^

[N0 L0VE]

بص انا كنت بستعمل usb modem اتصالات من 2010 لحد 2012 وبصرحة شفطو منى فلوس بالهبل لحد ما اكتشفت ثغرة قبل ما يعملو نظام منجز باربع شهور كنت بشغل النت ببلاش وكانت سرعة التحميل بتوصل 450 كيلو بايت فضلت شغال على كده 4 شهور وطبعا انا كنت فاكر انى انا بس اللى عارف الثغرة طلعت مصر كلها عارفة الشركة فى الكام شهر دول اتفشخت راحو عاملين نظام منجز بيديك تقريبا 2 جيجا تصفح وتحميل ولما تخلصهم السرعة مبتكملش 32 كيلو بايت علشان تفتح صفحة نت عايزلك 5 او 10 دقايق اخرك تفتح اكونت واحد سيلك رود اه هما كمان عملو ايه لما نزلو نظام منجز وقفو تشغيل الفلاشات القديمة علشان هى اللى بتعمل الثغرة وسرعة بتاعتها كانت 3.5 وعملو الفلاشات الجديدة علشان يتحكمو اكتر ويذلوك هو نظام نصب من الاخر احسبها صح بتشحن كام مرة فى الشهر

احسنلك تقدم على التيليفون الارضى بخمسين جنيه وهتدفع كل 3 شهور 50 جنيه كلام فاضى وتقدم على خط 512 انضفلك عندك فودافون والروتر ببلاش وبيعملو عروض حلوة
او تاخد وصلة من حد فى نفس البيت ده فى اضعف الامور

[™ luffy-san ™]

يا برنس انا كنت فلاشة نت و بفتح سيلك رود 3 اكونت و مولعها و الباقة مش بتخلص خالص :] بيفضل ف اوقات النص و اوقات الربع بس كنت بستخدم فيس بوك معاها

[Ahmed Olivie]

المشاركة الأصلية كتبت بواسطة انس المحمدى عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اه جيت على الجرح

والله يا صاحبى قلبى معاك :)

انا فلاشة فودافون زيك

بس للعلم سيلك رود مش بتاخد رصيد نهائيا غير حاجة بسيطة

انا فاتح 6 اكونتات فى البوت

وبشحن زيك بـ 25 بس طبعا علشان انا بستعمل النت كتير بشحن كل اسبوع تقريبا

وسعات كل 3 ايام^_^ حسب ما بتطلب :)

بس دا يبقي خراب بيوت يا انس اني كل 3 ايام اشحن 25 جنيه ... انا معاكو فالمأساه ديه انا كمان بستخدم usb
الحل اننا نقاطعها ونقدم علي asdl
علي الاقل السرعه غير محدوده

[Ahmed Olivie]

كان الله فعونك

[_TheDevil_99]

اشترك فى النظام ابو 19 جنيه
طالما بتفتح سيلك رود بس

[™ MooKa ™]

حصل يا باشا بس برضه الرصيد بيخلص و النت كمان بيخلص مع الرصيد و بتجيلى رسالة تعجب فى شاشة النت اللى جنب الساعه تحت بس حولت دلوقتى باقة 40 جنيه فى الشهر و ادينى بجرب :) (:

[saad8811]

وصل من الشركة 95 وخلاص سرعة غير محدودة او شوف كام واحد جمبك جمعه مع بعض واشتركه فى لينك او تى داتا