مكتبة هل تعلم السينمائية

[SŦorm]

اولا الموضوع كبير وفية معلومات كتير جدا
ثانيا المعلومات من قديم لجديد

جاك نيكلسون كبر وهو بيعتقد أن أمه هي أخته وان جدته هي أمه .. في ناس قروا المعلومة من قبل بس مافهموش هنشرحلكوا.

الفكرة ان امه وجدته كانوا عاملين بيت للمتشردين والأيتام وكانت جدته صاحبة البيت وامه بيسموها الأخت الكبرى وخلفته في سن صغيرة فهو لما كبر بقى يناديها بالأخت زي باقي النزلاء.. وينادي جدته بأمي .. لما وصل 37 سنة أمه فهمته انها أمه مش أخته زي ما كان فاكر وان امه هي جدته





من الحاجات اللي أتربينا عليها أن فاندام بتاع المصارعة هو أخو فاندام بتاع الأفلام .. في الحقيقة الاتنين مالهمش اي علاقة ببعض فاندام الأصلي هو بتاع الأفلام ومن بلجيكا وعمره 54 سنةأما فاندام بتاع المصارعة فخاد الأسم بسبب الشبه بينه وبين فاندام وعمره 44 سنة ومن أمريكا





سلفستر ستالون في بدايته أضطر يبيع أعز صديق له وهو ***ه بـ 25 دولار عشان يجيب أكل، بعدها بيومين شاف مباراة لمحمد علي كلاي فجاتله فكرة فيلم روكي فكتب السيناريو في أسبوع وراح عرضه على منتجين فعرضوا عليه 135 الف دولار بشرط مايمثلش فرفض!، بعدها كلموه وعرضوا تاني 200 الف دولار ومايمثلش رفض برده، مع انه ماكنش لاقي ياكل!!.. في النهاية وافقوا بس ادوله 35 الف دولار بس .. فراح اشترى ***ه تاني بـ 3 الاف دولار والفيلم حقق 200 مليون دولار أرباح!!





هيو جاكمان قرر ان يكون الجزء القادم من X-Men الأخير له ومش هيقدم تاني شخصية ولفرين اللي عايز حاليا يقدم الشخصية بدلا منه بطل فيلم Kingsman





جوني ديب في أول أفلامه A Nightmare on Elm Street من 31 سنه كان بياخد 1200 دولار في الاسبوع وماكنش عاجبه الدور نهائيا وكمان كان بيقول انه كان بيعتقد انه بيخدع نفسه ومش هيوصل لحاجة!

جوني ديب أغلب أفلامه هو اللي ابتكر طريقة كلام وأداء الشخصية وأغلب المخرجين كانوا بيرفضوه في الأول بسبب غرابة الأداء وكتير من الأدوار اترفض فيها جوني بسبب اصراره على أدائها بالشكل اللي هو عايزه! دلوقتي متوسط أجره السنوي 25 مليون دولار وثروته تخطت 400 مليون دولار ===




المخرج جيمس كاميرون عشان يقبلوا انهم يعملوا فيلم The Terminator .. باع حقوق سيناريو الفيلم بدولار واحد بشرط انه يخرج الفيلم الفيلم حقق 78 مليون دولار وبقى من أفضل أفلام التاريخ وحقق نقلة رهيبة للسينما العالمية وحققت سلسلة الأفلام "الأأربعة" مليار و 400 مليون دولار يعني أكتر من 10 مليار جنيه مصري!!




السنة اللي فاتت على قناة بي بي سي كانوا بيذيعوا حلقة قديمة من مسلسل Family Guy الحلقة كانت بتتكلم عن ان روبين ويليامز حاول الانتحار وفشل وبتسخر منه .. بعد مالحلقة انتهت مباشرة .. كان أول خبر انتحار روبين ويليامز!!





كريستيان بيل عشان تصوير فيلم The Machinist كان بياكل في اليوم تفاحة وعلبة تونة لمدة شهور عشان يوصل لوزن 45 كيلو!!





في المشهد ده من The Dark Knight بنوا مستشفى كاملة .. بمبنى كامل عشان يفجروها في المشهد ده بس.. يعني مش جرافيك ..لما الريموت باظ ده كان مشهد حقيقي برده مش موجود في السيناريو وكان المفترض ان يحصل انفجار وماحصلش فهيث ليدجر قعد يلعب في الريموت واتفاجئ فعلا لما لقى الانفجار قريب منه وكان رد الفعل مش موجود في السيناريو لو كان هيث ليدجر ماتصرفش كان زمان كل ده ضاع على الفاضي





كريستين ستيورات ..معروف عنها انها ريحتها وحشة ومابتستحماش.. وحبيبها السابق كان بيشتكي من ده كتير .. وفي تصريحات ليها عن الموضوع ده قالت ان حبيبها السابق روبرت باتينسون برده زيها وريحته وحشة ومابيستحماش كتير وان ده شئ مشترك بينهم





3 منازل لجوني ديب.. منهم جزيرة كاملة .. يذكر ان جوني ديب في شبابه كان عايش في عربية صاحبه وماكنش لاقي بيت





فيلم The Conjuring .. واحد من أقوى أفلام الرعب في التاريخ كثير من الناس أشتكوا انهم شافوا وحصلهم أشياء غريبة بعد ماراحوا الفيلم.. فقامت دور العرض بجلب رجال دين لمباركة المكان، اتقال وقتها ان جزء من الدعاية ولكن تفاجئ الجميع بان دول ودور عرضت منعت عرضه حفاظا على حياة الجمهور!





فين ديزل نشر من حوالى أسبوع صورة له بزي جيش .. قامت صحيفة الوطن وبعض القنوات كتبوا أنه أرتدى زي الجيش المصري ... الصورة من فيلم جديد بيصوره ديزل مع كريستين ستيورات بيحكي عن العراق وهو طالع جندي مشاة وده زي الجيش الأمريكي "المشاة" .. إسم الفيلم "Billy Lynn's Long Halftime Walk"





من أكتر حاجات العرب والمصريين مش فاهمينها .. كين واندرتيكر مش اخوات .. الفكرة كلها ان المصارعة عرض ترفيهي بمعنى سيناريو بيتكتب والمصارعين بيأدوه كأنه مسلسل "بمعنى مسلسل رياضي أسبوعي" العالم كله عارف كدة عادي "إلا أحنا" فكرة انهم يعملوهم أخوات كانت في التسعينات لما الأتحاد كان هيفلس فقرروا يعملوا فكرة ان أبو أندرتيكر "بول بيرر" أتجوز أم كين والأتنين أكتشفوا أنهم أخوات وبقوا فريق واحد طبعا الكلام ده كله تمثيل كأنه مسلسل وبول بيرر مش ابوه في الحقيقة أبوه في المصارعة التمثيل بس زي كدة عماد حمدي وعبد الحليم حافظ في فيلم الخطايا :)




كريستين ستيوارت في أولى أدوارها تقاضت 5 دولارات وده كان من 14 سنة 2001 .. كانت شبه الصبيان





في المشهد ده من فيلم The Godfather استخدم المخرج رأس حصان حقيقية مع انه كان قايل للممثل انهم هيستخدموا واحدة مزيفة، ولما جيه الممثل يمسكها ولقاها حقيقية أصيب بنوبة هلع حقيقية والمخرج قعد يصوره عشان المشهد يطلع حقيقي





ميجان فوكس، وهي في المدرسة كان زملائها بيكرهوها وبيقولوا عليها غريبة الأطوار وكانوا وقت الفسحة يقوموا ضاربينها ويكبوا الأكل عليها، اللي خلاها بعد كدة تاكل أكلها في تواليت المدرسة من كتر خوفها منهم! وبعد كدة سابت المدرسة خالص!!





أنجلينا في طفولتها، زي الأبتدائي عندنا كونت عصابة بنات وهدفها هو تقبيل الصبيان، فكانوا يمسكوا الصبيان ويبوسوهم لغاية لما يعيطوا وسموها "عصابة فتيات التقبيل، وبعد شهور انفصلوا لما أولياء الأمور قدموا شكاوى واستدعوا والدة أنجلينا للمدرسة





في أحد أجزاء سلسلة أفلام Pirates Of The Carribean مطرت السماء بشكل شديد جدا على فريق العمل اثناء التصوير والانتاج رفض يجيب جواكت عشان تكلفة الفيلم كانت ضخمة، فقام جوني ديب اشترى فورا 500 معطف مضاد للماء بتكلفة اجمالية 40 الف دولار يعني حوالي 300 الف جنيه على حسابه الخاص من أجل حماية فريق العمل!





الفيلم الأسطوري Gladiator .. راسل كرو أصيب اصابات كتير جدا في الفيلم من ساقه وقدمه وظهره واصابات خطيرة كتير، وفي مشهد مصارعة النمور الشهير استخدموا خمس نمور حقيقية في تصوير المشهد وكانت المسافة بين رسل كرو والنمور اقل من خمسة متر وجابوا طبيب بيطري متجهز بمخدر قوي جدا في حالة هجوم النمور على راسل كرو!!




جروت من فيلم Guardians of the Galaxy قبل عمل المؤثرات اللي عمل صوت الشخصية فين ديزل وكان بيقول جملة واحدة بس طول الفيلم فكله قعد يألس عليه الكلمة سجلها أكتر من 1000 مرة وكمان سجلها بـحوالي 7 لغات مختلفة





جوني ديب في كواليس Edward Scissorhands قال في الفيلم 169 كلمة فقط!! وعشان يعمل الدور أضطر يخسر من وزنه مايقرب من 15 كيلو .. الفيلم يعتبر من أفضل أدواره في تاريخه مع انه يعتبر ماتكلمش!!





تلت أفلام بيصورها جوني ديب في نفس الوقت .. والتلاتة بشخصيات مختلفة تماما!!!.. أيه اغرب شخصية في رأيك؟

1- Pirates of the Caribbean 2- Black Mass 3- Yoga Hosers




توم كروز من فيلم Tropic Thunder يذكر ان في ناس كتير دخلت الفيلم واتفرجت كاملا عليه وماعرفتش انه توم كروز سواء من الشكل أو الأداء !!





ودى صوره بتضم نجوم فيلم هاري بوتر أيام الفيلم ودلوقتى .. طبعاً أشكالهم إتغيرت خالص :)





الجزء الأول من Paranormal Activity اتصور في عشر ايام بس بتكلفة 10 الاف دولار وحقق ايرادات 193 مليون دولار يعني ضعف ميزانيته بـ 12866مرة!!!

ماكنش في سيناريو ولا حوار واكتفوا ان الممثلين ارتجلوا الحوار والاحداث مع المخرج





واحد من أكثر الأفلام رعبا فيلم The Exorcism of Emily Rose الفيلم عن قصة حقيقية حصلت في السبعينات لبنت في العشرينات اسمها اناليز .. فجأة وبدون مقدمات اصابتها اعراض غريبة تطورت انها بقت بتاكل حشرات وبتقطع في جسمها وبتتكلم لغات متعددة عمرها ماتعملتها من قبل وبتقول ان في جسمها 6 شياطين مختلفة ومش هيسبوها الا مايموتوها، الصورة اللي فوق للشخصية الحقيقية قبل الأعراض وبعد الأعراض والشخصية ماتت فعلا زي الفيلم بسبب نقص الغذاء




فيلم The Illusionist واحد من أشهر أفلام السحر، البطل قبل تصوير الفيلم خاد تدريب مكثف من أشهر السحرا في العالم، لغاية لما بقى ساحر حقيقي ينافس أفضل السحرا في العالم، مش بس كدة، أغلب الخدع اللي استخدمت في الفيلم حقيقية ومعقدة جدا وبتعود لمئات السنين من الزمن وقام القائمين على الفيلم بالبحث سنوات في كتب السحر والاعداد بها شهور قبل التصوير .. مع ان ممكن بسهولة تتعمل جرافيك!





شيا لابوف أثناء تصويره فيلم Wall Street كان بياخد كورسات مكثفة في البورصة، فعجبته الحكاية فطبق اللي بيتعمله واستثمر 20 الف دولار في خلال أسبوع تحولت الفلوس لـ 400 الف دولار





الفيلم اللي كل البنات بتضرب بيه المثل The Notebook ..البطلين ماكنوش طايقين بعضهم لدرجة أن البطلة طلبت من المخرج ان أغلب المشاهد المشتركة بينهم يجيبوا كومبارس بدالها.. فجابوا كومبارس وصورت أغلب المشاهد المشتركة!!





براد بيت من أفضل ممثلي هوليوود، ماكملش دراسته عشان التمثيل، ابتدى يشتغل في الصحافة بس فشل فيها وبعدين اشتغل شغلانات كتير عشان يصرف على نفسه زي سائق ليموزين وجرسون في مطعم وكمان كان بيلبس لبس فرخة قدام أحد المطاعم عشان يجيب الزبائن.. وتدريجيا وبصعوبة دخل هوليوود لغاية لما جاتله فرصة بدور كبير في أحد الأفلام استغلها وحقق نجاح كبير





توم كروز وهو صغير ..كان عنده عيب من صغره في سنانه كان مبوظ شكله تماما وتسبب العيب ده في معاناته ورفضه في بدايته في هوليوود.. لغاية لما عمل عملية قلل العيب بيها بشكل كبير





دي صوره بتوضح ازاى كريستيان بيل على مر السنين وهو بيتخن وبيخس كل شوية عشان أفلامه .. وعشان يبان فى أفلام بالمظهر اللى يليق بالأدوار اللى بيقوم بيها فيهم





مخرج فيلم Saw .. اللي تحدى الجميع عشان يعمل الجزء الأول ورفضته اغلب شركات الانتاج، لدرجة انه أفلس تماما عشان يعمل فيلم قصير يعرضه على الشركات لغاية لما شركة ادته تمويل مليون دولار.. وعمل الجزءالأول اللي حقق 100 مليون دولار!! وبعدها بسنوات أخرج الجزء السابع من سلسلة Fast & Furious اللي حقق مليار ونصف مليار دولار!!




النجم كريس برات بطل فيلم Guardians of the Galaxy.. قبل وبعد الفيلم..اشترطت عليه الشركة المنتجة قبل التصوير ب٩ اشهر لما كان تخين انه يخس ويكون جسم رياضي والا مش هياخد الدور.. وفعلا خس وكون جسم رياضي وحقق نجاح كبير في أولى بطولاته.





مش كل الاجانب لما بيكبروا بيبقوا أحلى.. الطفل ده بتاع فيلم The Sixth Senseوده تطور الطفل على مر السنين واخر صورة سنة 2014 ..





كاتبة روايات هاري بوتر اللي اترفضت رواية هاري بوتر 11 مرة وكمان انطردت من شغلها مرتين!.. لغاية لما الرواية اتنشرت واتعملت افلام وحققت نجاح مذهل لدرجة ان الفلوس كانت بتجيلها في عربيات مصفحة بتراقبها الأقمار الصناعية والشرطة ويقدر دخلها في الساعة بـ 28 الف دولار يعني اكتر من 200 الف جنيه في الساعة





البنت اللي عملت دور العفريت في The Ring بعد ما كبرت ودي صورتها وهي صغيره لما عملت الدور





تعرفوا ان الممثلة اللي عملت دور الطالبة Moaning Myrtle في أفلام هاري بوتر سنها الحقيقي حاليا 50 سنة!! وسعتها كان سنها 37 سنة وقدرت تجسد طالبه عندها 14 سنة بس!!





بول ووكر, أغلب مشاهد السباق اللي شوفتها في أجزاء Fast & Furious هو اللي عملها بنفسه وكمان أغلب السيارات اللي كان بيسوقها برده بتاعته، بول ماكنش بيحب التمثيل بس كان بيعشق السيارات وكان ناوي بعد انتهاء سلسلة فاست انه يعتزل التمثيل ويتفرغ للسيارات وللأعمال الخيرية





جوني ديب تخيل انه في بداية حياته اضطر انه يعيش في عربية ملاكي عادية لشهور كانت بتاعت صديقه وعشان يوفر طعامه اضطر انه يقف في الشارع ويعزف بالجيتار ويغني ويبيع أقلام جاف!!



جوني ديب بعد ماتخن وغير شكله عشان دوره فى فيلمه الجديد Yoga hosers والفيلم هيتم صدوره هذا العام ولكن لم يتم تحديد موعد رسمي ليه بعد





توم كروز أعلى برج الخليفة "أعلى برج في العالم" بدون أي وسيلة أمان!! أثناء تصوير فيلم Mission: Impossible - Ghost Protocol





كل العالم عارف أن توم كروز مجنون

1 - المسافة بين السكينة وعينه 0.6 سم يعني حوالي نص سم 2 - كان متعلق علي ارتفاع 124 طابق في دبي خارج برج خليفة 3 - قعد علي قمه برج خليفة علي مسافة 2,717 قدم بدون أي وسيلة أمان 4 - كان متعلق علي باب طيارة عسكريه علي مسافة 5000 قدم في الهواء




532 سيارة دمروها في Transformers 3 و 230 في Fast & Furious!!





أوبرا وينفري من أغنى نجوم هوليوود بثروة 2.7 بليون دولار. أوبرا من عائلة فقيرة ,والدها كان حلاق ووالدتها بتشتغل في البيوت وكانت أوبرا بتساعدها أحيانا. بالرغم من الظروف الصعبة اللي مرت بيها كملت أوبرا تعليمها وحصلت على منحة جامعية مجانية ولكنها واجهت مشاكل كثيرة جدا في الجامعة بسبب العنصرية وحصلت على أول عمل ليها كمذيعة ولكنها سرعان ما طردت منه ولكن بعد ذلك أصبحت أشهر مقدمة برامج في العالم.





في سلسلة The Lord of the Rings والهوبيت.. تخيلوا ان اللغة اللي سمعتوها للجن في الرواية مش مجرد كلام عشوائي ولكنها لغة كاملة اخترعها كاتب الرواية مخصوص للفيلم بقواعد نحوية كاملة .. وعشان يصوروا الفيلم أضطر الأبطال لتعلم اللغة بشهور قبلها!!



جيم كاري أسطورة الكوميديا.. اللي عاش أغلب حياته في فقر شديد وتحديدا لما فقد والده عمله واضطرت الأسرة تنتقل للعيش في عربة واضطر جيم عشان يساعد والده يشتغل كبواب ويسيب المدرسة وهو عنده 15 سنة، وبالرغم من هذا لم يتخلى عن حلمه وواصل في تأدية الستاند أب كوميديي، ويذكر ان أول ستاند أب شو ماكنش معاه فلوس عشان يشتري ملابس مناسبة، فقامت والدته بتفصيل بدله صفراء مضحكة له وبعد شهرته أستخدم بدله بنفس الشكل في فيلمه القناع





نجم الراب الأسطوري أمينيم، أول أمريكي أبيض حقق نجاح باهر في الراب في العالم، يذكر ان من أحد أهم لحظات في حياته أنه ذهب لحي سود لحانة بيكون في مسابقات الراب والخاسر دايما كان بيضرب بشكل كبير وخصوصا لو كان أبيض ولما صعد المسرح نال سخرية شديدة وتهديد بقتله إذا فشل ولما بدأ الغناء سرعان ماتحول الهجوم لتحية واعجاب كبير، يذكر أيضا أغنية فيم 8 ميل لأمينيم فازت بالأوسكار ولكن أيمينم لم يحضر العرض لانه أعتقد انه لن يفوز





احمد العوضي ممثل مصري يا جماعة .. جاله دور مهم في مسلسل #العهد اللي بيتعرض دلوقتي.. محتاج شخص بعضلات .. راح الجيم وعمل تمرينات قاسية وفي 3 شهور بس قدر يتحول التحول ده عشان يكون مناسب للدور حسب الوصف





رغم معاناته من الاضطهاد في هوليوود إلا أن بروس لي إلا أنه نجح في أن يكون الأب الروحي لأفلام الفنون القتالية. بروس أثناء تمثيله أحد أفلامه ماكنتش بتظهر حركاته القتالية في الكاميرا بسبب سرعتها، وفي باقي أفلامه كان المخرجين يضطروا إلى إبطاء سرعة القتال في المونتاج عشان تظهر.. بروس لديه قوة ومهارات رهيبة منها على سبيل المثال أنه بيجيد إمساك حبات الرز المتساقطة في الهواء بأعواد الأكل!





في الجزء الثالث من ترانسفورمرز دمروا 532 سيارة .. بعضهم بيتجاوز تكلفته المليون دولار وتم صناعته خصيصا من الشركات العالمية للفيلم ,, طبعا كان ممكن بسهولة يعملوا المشاهد دي جرافيك وبعض الخدع او باستخدام عربيات قديمة رخيصة




أنجلينا جولي في شبابها كانت بتشتغل منظمة جنازات وكانت بتحلم تبقى أفضل منظمة جنازات.. مش كدة بس في فترة في حياتها أشتغلت أستاذة جامعية ..





توم كروز من أوسم نجوم هوليوود، بس بيظل قصر قامته عقدة كبيرة بالنسبة له!

فعلى سبيل المثال، كروز في كثير من أفلامه كان يضطر للوقوف على أشياء عشان يبدو أطول أو على الأقل في طول الأبطال المشاركين في الفيلم زي ما عمل مع كاميرون دياز في فيلم Knight and Day.

وكمان أثناء زواجه من نيكول كيدمان اللي تعتبر من أطول نجمات هوليوود كانت نيكول محرومة تماما من لبس الأحذية ذات الكعب العالي وقالت اول لما أطلقوا “أخيرا هلبس كعب براحتي!





من المشاهد الشهيرة في سلسلة أفلام Home Alone،في الحقيقة الصورة دي لولد مش بنت. الولد هو ابن مدير التصوير وكان مقصود أن يظهر بملابس بنت، والفكرة كان صاحبها المخرج اللي كان شايف ان السخرية من بنت بالشكل ده شيء قاسي جدا حتى لو كان تمثيل!!





في امريكا كان في حفلة سينما للأطفال والأباء المفروض يعرضوا فيلم كوميدي انيمشين ليهم .. فقاموا عارضين ليهم Insidious 3 بعد دقايق بدأ الأطفال يعيطوا ويصوتوا من مشاهد الرعب خصوصا انهم عرضولهم تريلر فيلم الرعب Sinister 2 قبلها اللي فيه طفل مربوط بحبل وبيصرخ





تعرفوا ان في سلسلة روكي كان الضرب فوق الحلبة والمبارة حقيقية!!!

لأنهم كانوا عايزين الفيلم يطلع حقيقي فقرروا يكون الضرب حقيقي مش تمثيل لدرجة ان في أحد الأجزاء راح سلفستر المستشفى لمدة 9 أيام من الأصابات اللي خادها بسبب بعض الضربات في الفيلم ===




طبعاً اللى على الشمال زى مانتو عارفين ده نجم الأكشن الكبير شون بن .. واللى على اليمين برضو شون بن بس فى صغره .. كان شكله يشبه البنات إلى حد كبير




هيو جاكمان كان قبل شهرته بيشتغل مهرج وكان بيقول انه كان سئ جدا وكل مايروح حفلة الأطفال يعدوا يشتموا ويشتكوا منه لانه ماكنش عنده خدع ولا مضحك.. كان بياخد في الحفلة 50 دولار.. دلوقتي دخله السنوي في حدود 60 مليون دولار





Tobey Maguire بطل أفلام Spider Man تنطبق عليه نظرية الفامبير لان من يوم ما مثل لحد دلوقتي و شكله متغيرش و لا كبر توبي كمل ال 40 سنه من يومين و شكله اهو زي ما انتوا شايفين متغيرش من 2002





عارفين أفضل أفلام التاريخ The Shawshank Redemptionسنة 2007 تم عرض الفيلم في أحد السجون الأمريكية .. فسجينان قرروا تطبيقه وجابوا أدوات حفر صغيرة وحفروا نفق زي الفيلم وكمان غطوه ببوستر زي الفيلم بالضبط وهربوا من السجن بعد شهور قليلة من عرض الفيلم .. وسابوا بعدها رسالة شكر للضابط اللي ادالهم ادوات الحفر اللي ساعدتهم فى الهروب .. فقام الضابط بالانتحار بعدها .. زي رئيس السجن في الفيلم





20 سنة مرت على فيلم Baby's Day Out دول التوأم اللي عملوا شخصية الطفل وشكلهم دلوقتي سبب استخدام توأم ان قانون العمل بيحدد عدد ساعات معينة لعمل الأطفال في الأفلام والمسلسلات عشان كدة بيستخدموا أطفال توأم في التصوير عشان يخلصوا بسرعة





التطور الطبيعي لميجان فوكس .. معلومتين عن ميجان غريبين .. ميجان ممنوعة من دخول متاجر وول مارت أكبر متاجر في العالم بسبب انها اتمسكت من سنوات قبل شهرتها وهي بتسرق مكياج .. ولما راحت في تجربة أداء ترانسفورمرز كانت تجربة الأداء انها تغسل عربية المخرج

[SŦorm]

جيم كاري في فيلم How the Grinch Stole Christmas خضع قبلها لتدريب تحمل التعذيب في سلاح البحرية الأمريكية عشان يقدر يتحمل أثناء التصوير مكياج شخصية جرينج اللي كان بياخد 8 ساعات تركيب .. غير العذاب اللي بيواجهوا والمكياج متركب .. تخيلوا كم العذاب ده والدور طلع كوميدي ورائع .. الفيلم فاز بأوسكار أفضل ميكاب وجيم كاري أترشح للجولدن جلوب أفضل أداء !!





روبرت داوني من فيلم Tropic Thunder هو ده روبرت .. طلع في الفيلم كشخص زنجي وفي ناس ماكنتش عارفاه الا من تتر الفيلم .. اترشح بسبب الدور ده للأوسكار بسبب اجادته الشديدة لحركات وصوت الافارقة وغيره .. اول ما جاله الدور رفضه خوفا من اتهامه بالعنصرية بس لما لاقاه دور مضحك ودمه خفيف قبله





أندي سيركس .. في أداءه لدور سيزار في كوكب القرود ضحكوا علينا يا جماعة .. وادى أكثر من حيوان في أفلام تانية السبب انهم بيجبوا شخص حقيقي .. عشان تكون تعابير الوش حقيقية





فين ديزل مش مجرد ممثل أكشن عادي .. في فيلم Find Me Guilty بوظ جسمه الرياضي اللي محافظ عليه اكتر من 20 سنة وزاد اكتر من 15 كيلو دهون في شهر عشان يكون مناسب للدور .. خسهم بعديها تاني بشهر





توم كروز بيكمل 53 سنة منذ أيام قليله ...توم في شبابه كان نفسه يبقى مصارع وكان بيمارس المصارعة الحرة لغاية لما أصيب واعتزل المصارعة وبعدها دخل مدرسة للرهبان عشان يبقى راهب ولكنه فشل فيها وماكملش .. وبعدها اتجه لهوليوود




ده ماركوس فلينت اللي كان في الجزء الاول من هاري بوتر بعد ماكبر واتغير





الفنان الراحل عمر الشريف الممثل المصري الوحيد في التاريخ اللي تم ترشيحه للأوسكار والوحيد اللي فاز بجولدن جلوب بـ 3 جولدن جلوب





قبل تصوير ذا ماتريكس .. خاد كل الفريق تدريب مكثف عند واحد من أساطير مدربي الفنون القتالية في التاريخ .. عدى الممثلة كاري آن موس اللي خدت 6 شهور اضافية تدريب عشان تتعلم ركلة واحدة!! .. اسمها ركلة العقرب!! طبعا .. سهل جدا يجيبوا دوبلير مع شوية جرافيك .. بس اصروا ان المشهد يبقى حقيقي وتبقى غالبية الحركات في السلسلة كلها بينفذها الأبطال نفسهم





جوني ديب في زيارة منذ أيام لمستشفى لسرطان الأطفال بلبس كابتن جاك ...ماكنش بيطلب تبرعات ولا هو اللي طلب صحافة تصوره.. كانت زيارة للأطفال ودي مش اول مرة يزور مستشفى أطفال ودائم التبرعات ليها .. يذكر انه مشغول جدا في تصوير الفيلم ويوم زي ده بيكلفهم تكلفة اضافية





مؤسسي بيكسار وصاحبها ستيف جوبز ولاسيتر ..لاسيتر كان شغال في ديزني وكان عنده فكرة صناعة أفلام كارتون بالكمبيوتر.. ديزني وافقته كام سنة وبعد خسارات بسبب أفلام الكمبيوتر طردته!.. راح لشركة عالمية تانية واسسوا شركة بيكسار .. بعد كام سنة تخلوا عنه وباعوا الشركة لستيف جوبز بـ 10 مليون دولار .. قام ستيف جوبز بتعيين لاسيتر كمسئول عنها معاه وبدؤا في انتاج أفلام بالكمبيوتر لغاية لما اكتسحوا ديزني تماما وكل شركات أفلام الكارتون.. اضطرت ديزني لانقاذ نفسها تشتري شركة بيكسار بـ 7.4 مليار دولار .. يعني 370 ضعف الرقم اللي اشتراها بيه ستيف جوبزستيف جوبز ملكيته في ديزني اصبحت 7% من الشركة وحفيد ديزني نفسه 1% والمسئول عن الشركة والقسم الابداعي كاملا هو لاسيتر اللي طردوه من قبل!!





أندي سيركس وهو بيأدي دور الغوريلا في فيلم كينج كونج ... زي ما قلنا فى جزء سابق من الموضوع انهم بيستخدموا نجوم محترفين عشان يعملوا تعابير حقيقية مؤثرة .. مع انهم يقدروا يعملوها بالجرافيك بس هما عايزين شئ أقرب للحقيقة يأثر في الناس .. زي مشهد البرج ده




جاريد ليتو اللي عامل دور الجوكر الجديد أكبر من ليوناردو ديكابريو بـ 3 سنين .. ممكن ناس متصدقش بس دى الحقيقه جاريد ليتو عمره 43 عام





سناب في هاري بوتر الحقيقي .. الشخصية كانت مقتبسة من شخصية حقيقية اسمها جون نيتلشيب، وده كان استاذ كاتبة روايات هاري بوتر في المدرسة .. واقتبست شخصية وطريقة كلامه وشكله وعملت سناب المدرس في مدرسة السحر





الجوكر الأسطوري خلف الكواليس : زي ماقلنا من قبل انه حبس نفسه في غرفة في فندق شهر كامل للتمرن على الشخصية ونبرة صوتها ..لغاية لما تقمصها طول الوقت تقريبا .. في نفس الوقت كان بيمر بمشاكل مع عائلته، تسبب بعدها انتهاء الفيلم في مضاعفة اكتئابه مرات وبقى ياخد ادوية اكتئاب اكتر لغاية تسببت الادوية دي في وفاته .. الدور ده كان سبب رئيسي في وفاته بالإضافة الى مشاكله العائلية بالطبع





الجاكت الشهير لشخصية باين من الجزء الأخير لسلسة باتمان أخذ مايقرب من سنتين في تصميمه!!.. مصممة الجاكت عملت أبحاث تاريخية كثير جدا وابحاث حولين شخصيات مشابهة ودرست الشخصية بقوة وعملت دراسات مكثفة عنها ولما نولان شرحلها هو عايز ايه كان لازم تختار شئ مناسب لشخصية ثورية عسكرية .. لغاية لما لقت جاكت قديم جدا للجيش السويدي اللي خدت منه الالهام في صناعة الجاكت ده





كيانو عنده مؤسسه خاصه لمرضي السرطان و دي لمساعده مستشفيات السرطان للاطفال و تمويلهم و للمساعده في مجال الابحاث عن السرطان دا غير انه بيساند مؤسات تانيه كتير لعلاج مرضي السرطان .. ببصرف عليها جزء كبير من دخله .. عمره ماراح وطلب من الناس تتبرع هو اللي عمل مؤسسة بنفسه عشان يساعد الناس بنفسه مش يطلب من الناس





نيكولاس كيدج .. واحد من أجن نجوم هوليوود في فيلم فامبير كيس كان المفروض ياكل صرصار وهو مقروف اوي ... فعشان يعمل المشهد صح .. قرر ياكل صرصار حقيقي .. وكاله فعلا!!.. المشكلة مش في كدة .. المشكلة ان المشهد اتعاد.. فبدل صرصار واحد .. أكل صرصارين .



جيت لي.. مش مجرد ممثل أكشن وخلاص .. جيت لي مصنف كواحد من أفضل مقاتلي "الووشو" يعني الفنون القتالية في التاريخ .. وعلق جاكي شان عليه من قبل لما عملوا فيلم سوا ..ان دي اول مرة يخوض قتال مع حد بالاحتراف ده .. جيت لي توقف عن التمثيل بسبب مشاكل في الغدة الدرقية بيعالجها دلوقتي وممكن تسببله مشاكل ضخمة صحية لو عمل أفلام حركة!!





فين ديزل كمل 48 سنة أول امبارح .. فين طبعا من أهم الممثلين في هوليوود ومن اكتر ناس بيحبوا مصر ويذكر ان لما جيه مصر دخل المصريين حفلوا عليه في صفحتوا لغاية لما صوت ليهم في التعليقات .. والعيال تعد تشتم ومش عارفين بيشتموا مين وليه .. بيشتموا وخلاص .. دلوقتي عرفنا ليه الفيلم مش هيتصور في مصر





فيلم The Conjuring واحد من أقوى وأفضل أفلام الرعب في التاريخ..الفيلم عن قصة حقيقية وحصلت حوادث مفزعة فعلا في البيت ده قبل انتقال العائلة اللي اتعمل عنها الفيلم، وكان المعروف منها وفاة بتسمم واغتصاب وقتل طقلة عندها 11 سنة.. ووفاة اتنين غرقا .. ووفاة اربع رجال اتجمدوا حتى الموت .. ويقال ان 8 عائلات ورا بعض حصلهم حوادث مفزعة في البيت ده!! .. والأغرب ان في صلات قرابة بين العائلات دي بدون مايعرفوا





هيث ليدجر خلال مراحل عمل المكياج.. يذكر ان هيث هو اللي عمل مكياج الجوكر بنفسه واشترى حاجات بنفسه وعمل بيها المكياج .. بعد كدة بقى خبراء المكياج يعملوا نفس المكياج له بمواد اكثر تطورا عشان يحافظوا على نفس الشكل





صامويل جاكسون ونيكولاس كيدج .. الفرق بينهم 15 سنة صامويل مابيكبرش .. تقريبا من اول فيلم عرفناه فيه وهو نفس الشكل سواء كبير او صغير





النمر في فيلم Life Of Pie كان حتة اسفنجة في المشهد ده




جاريد ليتو .. الجوكر الجديد .. برده بيخس ويتخن زي ماهو عايز .. ده الفرق بين شكله الطبيعي وشكله في فيلم Chapter 27 و Suicide Squad





الخبر ده منتشر واغلب بنات مصر شيرته : التصريح مش حقيقي .. هو اتسأل في البداية فقال شوفوا ازاي هما اغبية وهبل .. عمري ماتصور انهم سيدات .. وبعدين وضح التصريح بعدها وقال انهم مش اغبية ولكن هما دمهم خفيف وبيظهروا اغبياء ومافيش ستات دمها خفيف كدة!وفي أقوال اخرى وغالبا مش حقيقة انه قال ان الستات بتبقى سخيفة لما تحاول تهزر





فيلم The Conjuringواحد من أقوى وأفضل أفلام الرعب في التاريخ الفيلم عن قصة حقيقية وحصلت حوادث مفزعة فعلا في البيت ده قبل انتقال العائلة اللي اتعمل عنها الفيلم، وكان المعروف منها وفاة بتسمم واغتصاب وقتل طقلة عندها 11 سنة.. ووفاة اتنين غرقا .. ووفاة اربع رجال اتجمدوا حتى الموت .. ويقال ان 8 عائلات ورا بعض حصلهم حوادث مفزعة في البيت ده!! .. والأغرب ان في صلات قرابة بين العائلات دي بدون مايعرفوا





تعرفوا ان تايتنيك هو أكثر فيلم جمعا للإيرادات في مصر في تاريخ السينما المصرية!!! بإيرادات تساوي 52 مليون جنيه دلوقتي اما الجزيرة 2 ايرادته 35 مليون جنيه ... ايرادات الفيلم وقتها كانت $4,552,211 وبحساب التضخم تساوي دلوقتي$6,768,414.51 .. يعني قيمتها بالضبط دلوقتي 52.938473





فيلم FURIOUS 7 .. الفيلم احتوى على أغنية بتهاجم اسرائيل والاحتلال كساوند تراك ودي طبعا من الحالات النادرة .. الغريب ان الفيلم اتعرض في اسرائيل وجاب ملايين وهما ولا خدوا بالهم ونجح نجاح رائع هناك





كريستيان بيل وبرادلي كوبر كانوا عايزين يعملوا مقلب في جينيفر لورانس أثناء تصوير فيلم American Hustle فكان في مشاهد هتتصور في المقابر الحقيقية وجينفير كانت رافضه تروح وخايفة وفي الاخر أضطرت تروح فقبلها راحوا وكتبوا اسمها بالكامل على قبر وكتبوا تاريخ ميلاد 15 أغسطس 1980 و 15 اغسطس هو تاريخ ميلادها برده وزودوا تاريخ وفاة 1 ابريل .. هي شافت القبر وان نفس يوم وشهر الميلاد ونفس الأسم .. فانهارت في العياط وفكرت انها هتموت برده في 1 ابريل عن سن 23 سنة يعني بعد أيام





فيلم X-Men القادم هتكون أحداثه في مصر دول صورتين نشرهم المخرج واحدة للأثار وواحدة للقاهرة محطمة سنة 1983طبعا الصورة بتاعت الاثار رهيبة وجميلة .. احنا مش متأكدين هل هما بيصوروا في مصر ولا لا .. بس بنسبة 90% دي ديكورات .... أغلب الشركات بتهرب من التصوير في مصر بسبب الاجراءات والروتين اللي بيطفش الناس دي!! يذكر ان نيوزلندا خدت في تصوير افاتار اكتر من 100 مليون دولار!!.. واحنا بنطفشهم!!





القصة الحقيقية لأنابيل بطلة أفلام Annabelle و The CONJURING .. القصة الحقيقية سنة 1970 .. لما جيت الدمية دي هدية لبنت جامعية .. بعد فترة بدأت الدمية تتحرك وكل ماتنقلها في مكان ترجع تلاقيها على السرير .. ماركزتش اوي وفكرت بتنسى .. لغاية لما مرة رجعت من الجامعة لقتها على سريرها وايد الدمية عليها دم .. جابوا وسيط روحاني فشاف الدمية وقالهم ان البيت ده قبل مايتبنى لاقوا بنت أسمها أنايبل هيجنز عندها 7 سنين مقتولة في مكان البيت .. المهم صديق البنت دي كان بيكره الدمية وبيطالبها انها تتخلص منها وهي مش راضية وبعدها بدأ يجيله كوابيس مرعبة ان الدمية بتموته .. وفي يوم هي وصديقها سمعوا صوت في غرفة النوم .. فدخل لقى انابيل مش على السرير وهو بيدور عليها حس بوجع شديد في صدره بص لقى خربشة قوية على صدره ودم عليه من قوة الخربشة كأنها أيد بضوافر كبيرة ..وبعد يومين الجروج دي خفت تماما!! جابوا طارد أرواح ومراته فأخذوا الدمية وعملها جلسات طرد أرواح كتير .. وقعد يقول للدمية .. انتي مجرد دمية ماتقدريش تأذي أي حد أثناء الجلسات.. وبعدها مباشرة عمل حادثة نجى منها بأعجوبة .. في النهاية بنى القفص الزجاجي ده عشان ماتتحركش تاني!!





المشهد ده اللي فيه لوجو فيلم باتمان ضد سوبر مان .. من فيلم I'm Legend سنة 2007 .. تخيلوا لما يكون بيحضروا للفيلم وعاملين اللوجو قبلها بـ 9 سنين وعشان يعملوله دعاية يحطوا اللوجو في فيلم قبلها بـ 9 سنين





لما اتعرض السيناريو على أحد الشركات الكبيرة اترمالهم وقالوا عليه "أسوء ما كتب على الاطلاق" ؟؟ فراح الكاتب والمخرج لشركة تانية وانتجته .. فجاب 26 مرة ضعف انتاجه وبقى خامس أفضل فيلم في التاريخ وخاد الأوسكار واترشح لستة اوسكار كمان




بول وواكر لا شك انه ممثل رائع .. كان على وشك الاعتزال بعد انتهاء سلسلة فاست .. وكان هيتفرغ للعمل الخيري





ده جوناثان ليبنيكي الطفل من فيلم Stuart Little بعد ماكبر .. الفيلم كان بيتعرض فى 1999 وقتها كان عنده 9 سنوات فقط





فيلم E.T. the Extra-Terrestrial .. الفيلم ده كان بيتعرض واحنا صغيرين على القناة التانية لو فاكرين.. تخيلوا ان سيناريو الفيلم لما اتعرض على شركة انتاج رفضته وقالت ضعيف.. فودوه شركة تانية وانتجته بمبلغ 10 مليون .. ونزل الفيلم وحقق ايرادات 795 مليون دولار!! ... وخاد 4 جوائز أوسكار !!





بين أفليك قابل كريستيان بيل في الكوميك كون وبيل بيشتري بدلة باتمان لابنه .. فبين أفليك سأله عن نصايح منه لأداء شخصية باتمان فرد بيل وقاله "خليك متأكد أنك تستطيع التبول من خلال البدلة"





بريان كرانستون نجم Breaking Bad قبل تصوير المسلسل أخد كورسات مكثفة في تصنيع مخدر الميث اللي كان بيصنعه في الفيلم من علماء بيعملوا في شرطة مكافحة المخدرات بأمريكا .. لغاية لما أصبح محترف بشكل كبير وقادر على صناعة المخدر لوحده وبدرجة عالية .





جوني ديب وهيلينا كارتر يعتبرو من أفضل ثنائيات هوليوود .. زى ما إحنا شايفين فى الصوره شاركو مع بعض فى الأفلام اللى فى الصوره كلها أبرز الأدوار كان فى فيلم Alice in wonderland





في فيلم guardians of the galaxy تطلب من خبراء المكياج وضع 18 قطعه صناعيه و وضع المكياج علي الممثل و المصارع دايفيد باتيستا و العمليه كانت بتاخد كل يوم 5 ساعات و كانت بتتطلب ان باتيستا يكون واقف طوال ال 5 ساعات و كريس برات كان مستعجب بيقول انه عمره ما اشتكي ابدا و الوقت عشان يشيل المكياج و القطع الصناعيه دي كان 90 دقيقه





=== في فيلم Mission: Impossible 2 .. كان في مشهد بين توم كروز ودوجري سكوت .. فكان المفروض ان السكينة بتقرب اوي من عين توم .. فالمخرج وتوم اتقفوا ان المشهد يكون حقيقي ويمثله توم ودوج والسكينة حقيقية والمسافة بين عين توم ودوج تكون 6 ملي يعني حوالي نص سم .. عملوا المشهد وتوم كروز مارمش فيه .. حركة بسيطة جدا . كانت كفيلة يكون المشهد ده الاخير في مسيرة توم كروز .. بمناسبة الجزء الجديد فهو أفضل الأجزاء على حسب كلام الجمهور وهينزل في مصر 12 اغسطس وفي باقي الدول العربية في نفس التوقيت تقريبا





طبعاً زى ما ذكرت فى جزء سابق من المواضيع إن دى سامارا العفريتة اللي رعبتنا في طفولتنا في فيلم The Ring .. الصوره للتذكير فقط لأن الجزء الثالث من الفيلم هيتم عرضه فى نوفمبر القادم بس سامارا لن تقوم بالدور هذه المره





الصوره دي للنجم العالمى ليوناردو دي كابريو أما كان صغير كان بيعمل دعايا لنوع من اللبان .. شكله متغيرش كتير





الممثل Adrien Brody عمل واحد من أقسى التحضيرات في تاريخ السينما وهو بيحضر لدوره في فيلم The Pianist. مش سهل خالص إنك كأمريكاني غني جدًا وبتركب Porsche ومتدلع تفهم عقلية واحد يهودي فقير معدم خسر كل حاجة في ألمانيا النازية، عشان ينقل نفسه من الحياة إللي هو فيها للدور إللي هيعمل فيه العكس التام، ساب حرفيًا كل حاجة كان بيملكها، ساب الشقة الفارهة جدًا إللي قاعد فيها وراح حاجة أقل من الرديء، وساب موبايله وعربيته وكل حاجة وعاش أفقر عيشة ممكنة، وعلاوة على كدا خس كتير جدًا من جسمه إللي كان بالفعل نحيف جدًا، وعلاوة على كدا عشان يدخل نفسه في حزن تام، قطع علاقته بالgirlfriend بتاعته إللي بقالهم مع بعض كتير جدًا وبينهم عِشرة كبيرة عشان لما يبكي الموضوع يبقى حقيقي أكتر حاجة ممكنة وقعد شهور في البؤس دا يعيش الدور قبل ما يقدمه على الشاشة، وكمان أتعلم البيانو من الصفر وحفظ مقطوعة لChopin إللي عملها في أخر الفيلم وضحى بكل حاجة تقريبًا. ولحسن حظه إن كل إللي عمله دا أترد له أضعاف مضاعفة والفيلم بقى من أنجح الأفلام إللي أتعملت على الإطلاق.





فوربس أعلنت قايمة النجوم الأعلى أجرا في 2015 .. دي القايمة وأولها روبرت داوني عن فيلم افينجرز الأخير .. كان المعلن انه خاد 40 مليون بس للجزء الأخير بس طلع انه أخد 80.. هنا انضم 3 هنود للقايمة ويذكر ان الهنود في وقت ما كانوا بيسرقوا منا الأفلام وكنا بنتريق على أفلامهم .. مين يستحق يكون أعلى أجر فيهم؟ دي القايمة

1. Robert Downey, Jr. - $80M 2. Jackie Chan - $50M 3. Vin Diesel - $47M 4. Bradley Cooper - $41.5M 5. Adam Sandler - $41M 6. Tom Cruise - $40M 7. Amitabh Bachchan - $33.5M 8. Salman Khan - $33.5M 9. Akshay Kumar - $32.5M 10. Mark Wahlberg - $32M




من يومين كانت ذكرى مارلين مونورو ... الجمال الطبيعي بدون عمليات تجميل ... مارلين ماكنتش جميلة بس .. مارلين كانت يعتبر من أذكى نساء العالم بدرجة ذكاء 168 .. مع العلم ان اينشتاين كان 160





أليكس برويس .. مخرج أفلام زي Knowing , I, Robot , Dark City المخرج من ابوين يونانين مصريين ومعاه دلوقتي الجنسية الاسترالية ... سابوا مصر سنة 66 بسبب المشاكل اللى حصلت فى مصر وقتها .. زي اجانب كتير مش اليهود بس الجميل انه بيخرج واحد من أضخم الأفلام في 2016 وعن مصر واسمه Gods of Egypt بطولة جيرراد باتلر بطل فيلم 300





ردود قعل المشاهير وقت إعلان فوز هيث ليدجر بـ الأوسكار .. هيث تاني شخص يفوز بالأوسكار بعد وفاته .. ونولان كان مختاره لدور الجوكر حتى قبل كتابة السيناريو





لمشاهدة الفيديو



[YOUTUBE]Jrt2xoy5UHo[/YOUTUBE]


جيسون ستاثام في فيلم The Expendables 3كان على وشك انه يموت لما وقعت الشاحنة بتاعته في البحر وغاصت على عمق 60 قدام .. سلفستر ستالون قال انه لو حد غير جيسون كان من المؤكد انه هيموت لان جيسون بطل أولمبي سابق في السباحة .. ومهاراته في السباحة أنقذته من الموت .. الأبواب بتاعة الشاحنة كانت مغلقة تماما بحيث انها ماتتفتحش ووزن الشاحنة كان 3 طن واستطاع جيسون الهروب على عمق 60 قدم وينقذ حياته من موت مؤكد!





كواليس فيلم Gods of Egypt اللي اتكلمنا عليه فى الموضوع السابق وان مخرجه من اصل مصري .. الفيلم كل احداثه عن مصر ايام الفراعنة وبيقوم جيرراد باتلر بدور الاله سيت "اله الظلام" الفيلم بيتصور في استراليا . لان طبعا مصر مافيهاش اي معدات ولا اي شئ يدعم تصوير الأفلام وكله بيهرب منها





أحمد يسري مصمم خدع بصرية شارك ضمن فريق جرافيك عالمي اسم الشركة " Double Negative London "، فازو بجائزتي أوسكار بفيلم Interstellar و Hugo وشارك مع الفريق في أعمال ضخمة منها Mission: Impossible - Rogue Nation الجزء الجديد لتوم كروز Man of Steel فيلم سوبرمان 2013





جوليا روبرتس لما طلعت في فيلم Valentines Day كضيفة شرف ليها كام مشهد مع برادلي كوبر خدت نص مليون دولار في الدقيقه يعني ما يقارب الـ 8000 دولار لكل ثانيه ظهرتها علي الشاشه علي الرغم من انها قالت أيامها انها عاملاه عشان خاطر صديقها مخرج الفيلم كمجامله ليه





من أسبوع كان عيد ميلاد الرائع والمبدع نولان .. 45 عام ... عشر أعمال منها 7 في قائمة أفضل 250 فيلم .. أبرزها Inception و The Dark Knight

[SŦorm]

فيلم The Theory of Everything ... اللي بيتكلم عن قصة حياة العالم ستيفين هوكينغ .. يعتبر أعظم عالم على قيد الحياة .. لما فكروا في فكرة في البوستر قرروا يعملوا بوستر بصورة مقلوبة .. عشان ستيفين هوكينغ يشوفه بشكل معدول وعشان ..العالم كمان يشوف العالم بالطريقة اللي بيشوف بيها هوكينغ العالملان المرض المصاب بيه هوكينغ بيمنعه من تحريك راسه ودايما بتبقى راسه مايله بالشكل ده ..الفيلم فاز بجايزة أوسكار أحسن ممثل





الفنان الراحل علي حسنين واداواره في ديزني .. قامت صفحة ديزني العربية بنشر أدواره اللي اداها في أشهر أفلام ديزني .. مصر يعتبر واحده من أفضل الدول في الدوبلاج لأفلام ديزني في أكثر من تصنيف عملته ديزني .. ربنا يرحمه





في فيلم The Curious Case of Benjamin Button الراجل الكبير جرافيك %100، مش ممثل كبير ولا حاطين لـ براد بيت ميكاب ولا أي حاجة من كدا، %100 معمول من كمبيوتر، براد بت كان بيدي تعابير الوجه وبتتعمل على الوش الصناعي. دا من أكتر الأفلام إللي الناس مبتصدقش عنه إنه جرافيك خالص.





مايكل كلارك اللي كان في فيلم The Green Mile كتير مايعرفوش ان الممثل الضخم العملاق ده توفى سنة 2012 بسبب أزمة قلبية.. في فيلم جرين مايل ماستخدموش أي خدع جرافيك او وقفوه على أي حاجة عشان يبان ضخم .. كل اللعب كان في التصوير وتم استخدام زاوية وطرق تصوير عشان تظهره بالشكل الضخم ده مايكل كلارك اترشح للأوسكار بسبب الدور ده والفيلم يعتبر من أعظم أفلام التاريخ





فيلم By the sea لأنجلينا جولي هيكون واحد من اخر اعمال تقدمها كممثلة للسينما وفي اخبار قالت انه قد يكون الاخير .. الفيلم بمشاركة زوجها براد بيت





فيلم Interstellar .. أحد أفضل أفلام التاريخ .. جوناثان نولان الأخ الأصغر لكريستوفر نولان قام بكتابة السيناريو في أربع سنوات .. راح وقتها الجامعة ودرس الفيزياء وكل مايتعلق بالثقوب السوداء وقابل عدد ضخم من أعظم العلماء المعاصرين .. بعدها قام كريستوفر نولان باعادة كتابة السيناريو واضافة العنصر العاطفي واهتم بالدراما .. وبعدها جابوا علماء من افضل علماء العالم بمتابعة التنفيذ .. ده كله عشان صناعة فيلم!!





من فترة صدر فيلم وثائقي جديد بيكشف حاجات كتير عن هيث ليدجر قبل وفاته .. بيحكي والد هيث ازاي التمثيل دمر حياته .. فدمر خصوصيته لدرجة انه اصيب بأزمات نفسية نتج عنها طلاقه وبقى يتنقل بين الفنادق وساب بيته بسبب ان الصحفيين كانوا دايما منتظرينه برا .. فتسبب التمثيل في فقدانه عائلته وخصوصيته وبيته ومات في النهاية لوحده في غرفة بفندق!!.. مضايقات من الصحفيين ماوقفتش عن كدة ففي أحد العروض قام صحفي بسكب ماء عليه بطريقة مهينة الأمر اللي تسبب له في أزمة نفسية بعدها .. كان كل غرضه هو التمثيل فقط مش الشهرة!





سنة 1996 .. توم كروز كان راجع من التصوير .. فشاف وهو ماشي حادثة على الطريق بتتعرض ليها سيدة .. وقف بسيارته وخدها ووداها مستشفى عشان ينقذ حياتها .. ولما طلع انها ماعندهاش تأمين صحي دفعلها 7 الاف دولار "ما يقرب من 50 الف جنيه" عشان تدخل المستشفى .. ده كله وماكنش يعرفها وكانت مجرد حادثة عادية على الطريق شخص خبطها وجري!!





إمبارح كان عيد ميلاد بن أفليك الـ 43 .. بالرغم من الأنتقادات اللي بيواجهها بين أفليك كتير .. إلا ان اخر كام سنة قدم أفلام من أهم أفلام السينما العالمية وأبرزها كان Gone Girl اللى إتعرض السنه اللى فاتت وعمل ضجه قويه جداً




كيانو ريفز كان مرتبط بـممثلة مش مشهورة أسمها جينيفر سايم .. خلف منها بنت وماتت بسبب انها اتولدت قبل 9 شهور .. اصيبوا بأكتئاب وبعد فترة قليلة توفت صديقته كمان في حادث سنة 2001 ,, من وقتها لم يرتبط كيانو نهائيا بأي امرأة بعدها على مدار 15 سنة طلعت اشاعات ارتباط عليه ولكن لم تكن أي اشاعة حقيقية .. وقتها بدأت تتغير ملامح كيانو لحزن دائم لدرجة ان طلعت حمله ساخرة بتعتبره رمز للحزن.. الجميل برده ان وقت وفاتها واللي تعتبر نقطة فارقة في حياته كان بيصور أعظم أعماله "ماتريكس" واضطر انه يكمل التصوير وقتها عشان ميعاد العرض مع معاناة شديدة ده السبب الرئيسي ان كل افلامه تقريبا في حزن دائم ظاهر عليه





زي ما ناس قرأت ان المسلسل البريطاني The Night Manager هيتم تصوير بعض المشاهد في مصر في الداون تاون .. المسلسل من بطولة الممثل العالمي توم هيدليستون "بطل فيلم Thor" والممثل العالمي بطل مسلسل "House MD" هيو لوري .. ومجموعة أبطال عالميين تانيين .. على حسب الخبر ان الفريق واجه صعوبة في استخراج تصاريح التصوير وتعقيدات وروتين ماشفهوش في أي دولة في العالم.. فالتصريح أخد مثلا في المغرب عشان يطلع خمس ساعات أما في مصر أخد 21 يوم !!





تخيل بتنتقم من البنت اللي سابتك .. فتكتب قصة فيلم عنها..هو ده اللي عملوا "سكوت نيوستاتر" لما كتب فيلم عن قصة حياتهم وهو فيلم "500 Days of Summer" .. الفيلم مبني علي قصة حقيقة، لما بنت بريطانية تخلت عن سكوت نيوستاتر، الشاب الأمريكي اللي لعب دوره "جوزيف جوردون ليفيت"، أما البنت البريطانية اللي تركته لعبت دورها "زوي ديشانيل"، بيقول الكاتب "سكوت نيوستاتر"، في مقاله اللي نشر في أغسطس 2009 بجريدة The Daily Mail، إنه بعد ما خلص السيناريو، قابل نفس البنت، ولما إداها السيناريو عشان تقرأ ويعرف رأيها .. قالتلوا إنها حبت القصة عشان شخصية توم "اللي لعبها جوزيف" قريبة جداً ليها، وملاحظتش أن هي وشخصية سمر نفس الشخص.الفيلم إنتاجه تكلف 7.5 مليون دولار، ولكن إرادته فاقت الـ 60 مليون دولار، وبعض النقاد إعتبروا الفيلم إنه الأنجح علي الإطلاق في سنة 2009، الفيلم إترشح لجائزتين جولدين جلوب، عن أفضل فيلم كوميدي أو موسيقي، وعن أفضل ممثل في فيلم كوميدي أو موسيقي، بس للأسف لم يفز بأي واحدة منهم





دي أنجلينا أثناء تصوير الفيلم اللي اخرجته واترشح لـ 3 أوسكار "Unbroken"أثناء التصوير من كتر ماهي مركزة في شغلها كانت بتنسى تاكل!!.. لدرجة انها فقدت وزن كبير من جسمها وأصبحت هزيلة جدا بالشكل ده .. وبنفس الوقت كانت قررت انها تعتنى بعائلتها بنفسها فكانت بتروح وتأدي دورها كزوجة وتطبخ وتهتم بولادها





فيلم Screamواحد من أشهر أفلام الجريمة والرعب .. والماسك يعتبر أشهر الماسكات في التاريخ ... الفيلم مقتبس عن قصة حقيقية لقاتل قتل خمس طلاب سنة 1989 وقام بتقطيع بعضهم واغتصاب جثثهم وكمان قام باعادة تشكيل اجسامهم بوضع راس ضجية على جسم ضحية اخرى وهكذا.. وبعدها بسنة قتل أبوه أيضا + انه مشتبه قي قتل عائلة من ثلاث أفراد.. تم اعدامه سنة 2006 .. تم القبض عليه سنة 1991 والفيلم اتعمل 1996





فيلم أفاتار أكثر فيلم حقق ايرادات في التاريخ بما يقرب 2 مليار و800 مليون .. اللغة اللي كانوا بيتكلموا فيها في الفيلم اخترعوها ماكنتش تخريف .. فالمخرج جاب عالم اللغويات الشهير بول فرومر وطلب منه لغة حقيقية لما يتم نطقها ماتكنش ظاهره انها لغة بشر .. فقام الكاتب باختراع اللغة اللي ليها قواعد لغوية كاملة وقواعد نطق وقواعد صوتية واملائية وحروف متحركة وثابتة وساكنة وكل شئ موجود في لغة حقيقية ,, وطور اللغة من 2005 حتى عام 2009 سواء من أجل الفيلم او لعبة الفيلم!





الأسطورة والت ديزني اللي رسب في دراسته وبعدها أنضم للإسعاف وأصبح سائق إسعاف ولكن مافضلش في الشغلانة كتير وبدأ مهنة رسم الأغلفة والشخصيات الكرتونية للصحف والمجلات وواجه صعوبات وتحديات كثيرة جدا منها ان كتير من العملاء كانوا بيهاجموه وبيقولوا انه ماعندهوش موهبة وبيقاطعوه وبعدها أسس أول شركة لرسم الأغلفة والإعلانات والشخصيات الكارتونية بس الشركة أفلست بسرعة!! .. وبالرغم من كل ده وأفلاسه.. جمع أموال وأسس شركة أخرى لانتاج أفلام الرسوم المتحركة اللي بعد كدة أصبحت واحده من أكبر الشركات في العالم وأكثرها أسطورية وخلال مشواره الفني لوحده حصل على 26 جائزة أوسكار!!!





ده كيانو ريفز كان ماشي في الشارع كعادته فقرر بدل مايعد وحيد يقعد شوية مع أحد المتشردين ويعزم عليه بسجاير وبعدين ينام جنبه




كيانو والفلوس .. كيانو لسنين طويلة جدا ماكنش عنده منزل بالرغم من شهرته وفلوسه .. بس اضطر بعد 10 سنوات من شهرته انه يشتري منزل عشان اخته المريضة بالسرطان فيقدر يعتني بيها .. لغاية لما ماتت ورجع يقضي أيامه تاني في الفنادق!!.. وبعدها عمل مؤسسة لعلاج السرطان وبقى يصرف فيها جزء كبير جدا من أمواله فيها .. مش كدة بس ده تبرع بـ 70% من اجره في فيلم ماتريكس لفريق المؤثرات الخاصة كانوا أكتر من 75 شخص .. ولما اتسأل قال انهم الأحق بالمال وان المال لا يمثل له الكثير





فيلم interstellar .. زي ما قلنا ان أخو المخرج بدأ يشتغل على السيناريو وراح درس الفيزياء في الجامعة وبنفس الوقت اشتغل كريستوفر نولان على نظريات علمية تانية وراح ناسا ودرس أخر مشاريعهم واشتغلوا على السيناريو علميا 4 سنوات!! .. بعدها قام كريس بتعديل السيناريو لابراز العنصر البشري أكتر .. بعدها جابوا احد العلماء لتنفيذ العمل بشكل علمي وأثناء عمل العالم ده على شكل الثقب الأسود اللي كان ممكن يرسم نقطة سودة زي أي فيلم وخلاص!! .. اشتغل علميا عليه وأكتشف اكتشاف علمي مهم وقام العالم بنشره في بحث علمي عالميا!! الفيلم حضر عرضه الخاص علماء كتير أبرزهم ستيفين هوكينغ اللي يعتبر أعظم عالم على قيد الحياة!!





داني تريجو "ماشيتي" لما المخرج قاله على فكرة ماشيتي سنة 2007 قعد سنتين كاملين يتصل بالمخرج بالـ 7 و 8 مرات ويصحيه من النوم في أوقات غريبة لغاية لما عمله الفيلم !! .. الفيلم نجح طبعا وحقق 44 مليون دولارداني تريجو سنة 2015 فقط مثل في أكثر من 30 فيلم ومسلسل!! ده في سنة واحدة!!!





اشتون كوتشر من النجوم المحترمين جدا برده ..و هو عنده 13 سنه أخوه كان محتاج عمليه زراعة قلب لان كان بيموت بسبب مرض أسمه Cerebral Palsy..أشتون و هو في المستشفي هو وعيلته عرفوا ان مش هينفع العمليه تتعمل عشان مفيش قلب متوفر فـ اشتون قرر ان ينتحر من علي سطح المستشفي و ياخده قلبه و لكن الده وقفه و قعد يقنعه انه ميعملش كده وهو مُصر!!.. وهما بيحاولوا يقنعوه جالهم خبر ان بقي فيه قلب متوفرو وهيقدروا يعملوا العملية .. وعملوها وفضل أخ أشتون عايش




مشهد تصفيق الجوكر تصرف فردي إرتجالي منه لم يكن مذكور بالسيناريو بل إلتقطتها احد الكاميرات بالصدفة، ثم أضافها المخرج كريستوفر نولان في المونتاج للفيلم





فيلم Poltergeist .. واحد من أفضل أفلام الرعب الكلاسيكية المشهد ده والزوجة وبعدين الزوج في بركة فيها هياكل عظمية كتير ومرعبة .. كانت الهياكل العظمية حقيقية!!.. مش بلاستيك أو دمى!! .. الفكرة كلها ان وقتها لما جيهم يعملوا الفيلم وحبوا يجيبوا هياكل عظمية مصنوعة بدقة لقوها غالية والعظام والجثث الحقيقية أرخص .. فاسترخصوا وجابوا جثث وعظام حقيقية .. وفي النهاية الممثلين هما اللي اترعبوا مش الجمهور ..تخيل نفسك بتعوم مع هياكل عظمية حقيقية كدة





عام 2008 توفت زوجة ليام نيسون بعد حادثة توقف فيها دماغاها عن العمل وفصلوا عنها أجهزة الحياة.. القصة هنا مش انه مارضاش يتجوز او انه عمل خير كتير من أجلها .. ولكنه تبرع بأجزاء من جسدها "قلبها وكليتها وكبدها" وانقذوا ثلاث أشخاص اخرين من الموت وده كان باتفاق مع زوجته قبل وفاتها ان يتم التبرع بأعضائهم بعد وفاتهم .. بحيث انه يشوفها عايشها في اجسام اشخاص اخرين وانها تفيد الناس وتعمل خير بعد وفاتها





فاكرين الجزء الأول من Captain America ؟ في المشاهد اللي عملوا كريس ايفانز بجسم هزيل وقصير كانت مشاهد معقدة جدا .. فجابوا شركة متخصصة وعشان يصوروا مشهد واحد كانوا لازم يصوروا نفس المشهد أربع مرات بطرق مختلفة!!

الاول : كـ مشهد عادي و كريس و جميع الممثلين موجودين في المشهد ..الثاني : و كريس وحده أمام خلفيه خضراء الثالث : كـ مشهد عادي و لكن كريس غير موجود باقي الممثلين موجودين .. في المشهد الرابع : بممثل بديل يقلد حركات كريس في المشهد الاصلي ..و تم وضع علامات علي ذقن كريس لترمز لعينين لينظر لها الممثلين في المشاهد ===


جيمس وان مخرج فيلم SAW- مخرج استرالي ماليزي لما حاول يعمل فكرة فيلم SAW في البداية .. تم رفضها من اغلب الاستديوهات، لغاية لما اضطر يرهن أغلب ممتلكاته ويعمل فيلم 7 دقايق هو واصدقائه وعرضوه بعدها على شركات الانتاج اللي ادتلهم تمويل مليون و200 الف دولار، عملوا الفيلم وجاب 103 مليون دولار ..بعدها قام جيمس باخراج مجموعة من أفضل أفلام الرعب ..Dead Silence و Insidious و The Conjuring وبعدين جاله فرصة لاخراج أحد اضخم أفلام هوليوود Furious 7 .. وحقق الفيلم مليار و 500 مليون دولار وبعدها بدأت استديوهات هوليوود تعرض عليه أضخم اعمالها لدرجة انه بقى يرفض اعمال ضخمة كتير عشان مش فاضي!!





ليوناردو ديكابريو ومارك والبرج .. اصدقاء من الصغر بس قبل مايكونوا أصدقاء كانوا أ‘عداء، قبل أول فيلم ليهم مع بعض لما تم ترشيح مارك انه يشارك ليو البطولة كان رافض بشدة والسبب ان مارك قبلها بشهور في مباراة سلة جمعته بليو وقام بضرب ليو في المباراة وشتمة شتيمة بذيئة .. يذكر ان مارك اتسجن مرة بسبب انه ضرب رجلين في الشارع مع بعض ضرب مبرح





جوني ديب وأنثى جوني ديب "هيلينا بونهام كارتر" .. يذكر ان تقريبا المخرج في كل أعمالهم واحد وهو زوج هيلينا السابق اللي طلقها عام 2014.. وجوني كان دايما بيهزر وبيقول انه مش عارف ليه كل فيلم يخليني أقتلها واما المخرج كان بيقول ماحدش مسموح له بقتل زوجتي الا جوني ديب ..هيجتمعوا تاني في فيلم Alice Through the Looking Glass في 2016





جيم كاري.. في فيلم القناع قال متخصصي الخدع البصرية والجرافيك ان بسبب جيم كاري تم توفير ملايين الدولارات بسبب الحركات الغريبة اللي كان بيعملها جيم بجسمه واللي كانت هتتكلف مبالغ ضخمة.. ويذكر ان بدلته الصفرا كانت من تصميم والدته لما صممت بدلة شبهها بالضبط في أول ستاند أب كوميدي عمله





الأسطورة بروس لي.. أثناء تصوير أفلامه اضطروا يجيبوا كاميرات أحدث أكثر دقة عشان يقدروا يصوروا حركاته من شدة سرعتها وبعدها قاموا بتخفيفها في المونتاج .. بروس كان مقاتل خرافي سواء في الحقيقة او في الأفلام.. ويذكر أنه أصيب باصابة في عموده الفقري واتقاله انه مستحيل يشفى منها وفي خلال شهور اتشفى تماما ورجع أفضل من الأول!!



جوني ديب استلم أعلى نقد ايجابي في حياته في فيلمه الجديد Black Mass، ونقاد كتير شبهوه بمارلون براندو في العراب، وانه أدى دور حياته.في نفس الوقت قام موقع ساخر بنشر خبر غير حقيقي ان جوني هيعمل دور العراب في جزئين جداد والخبر نقله اليوم السابع ونقلته الصفحات بعده وده غير





لما دينزل واشنطن كان صغير، والدته كان عندها محل كوافير وهو كان عندها فشافته ست مشهوره انها بتقول نبوءات كتير، فقالت له ولوالدته ان ابنك لما يكبر هيتكلم وصوته هيوصل للملايين وفعلا حصل





آل باتشينو كان شغال قبل مايتشهر في السينما كمرشد "اللي بيقعد الناس على كراسيها" وانطرد بعد فترة عشان لقوه واقف قدام المراية وبيتغزل وبيشكر في نفسه





كريستيان بيل في أول مشاركة له في السينما كان برفقة الراحل "عمر الشريف" في فيلم Anastasia: The Mystery of Anna .. كان عنده 12 سنة وقتها .. يذكر ان بسبب أداء كريستيان في الفيلم ده خاد بطولة أفلام ضخمة بعدها والفيلم فاز بالجولدن جلوب




في فيلم سبايدر مان ماخدوش وقت في اختيار صاحب الدور ولكن المشكلة الأكبر كانت في اختيار العنكبوت اللي هيعض بيتر باركر!!، فقعدوا أيام يدوروا على عنكبوت كويس وعملوا تجارب أداء لمئات من العناكب لغاية لما لقوا عنكبوت مناسب بس كان نوعه سام "الأرملة السوداء" فجابوا عالم حشرات مشهور وجابلهم عناكب جديدة كتير فلقوا عنكبوت مناسب بس مشكلته انه لونه مش مناسب، فجابوا خبير تجميل خاص بالحشرات عمل تجميل للعنكبوت عشان يغير لونة باللون المناسب عشان مشهد 3 ثواني





The Boxtrolls | تخيلوا لما يتم بناء مدينة كاملة من الكرتون والشمع والصلصال بكل تفاصيلها الدقيقة زي مانتوا شايفين عشان فيلم، وعشان يصوروا الفيلم كانوا بيحركوا الشخصيات حركات بسيطة لغاية لما مشهد كامل يتعمل، فتخيل ان مشهد واحد مثلا دقيقة عشان يتعمل بياخد 3 او اربع ايام .. الفيلم اترشح للأوسكار كمان.. و طبعا صناعته خرافية وأخد مجهود جبار عشان يعملوه!!





فيلم Poltergeist .. الفيلم ده تقريبا من أكثر الأفلام الملعونة في التاريخ.. بعد 3 شهور من صدور الفيلم أحد أبطال الفيلم تم قتلها بواسطة صديقها .. بعد الجزء الثاني بشهور برده 2 من أبطال الفيلم ماتوا أيضا بشهور بمرضين مختلفين السرطان ومشاكل في الكبد.. بعد الجزء الثالث.. ماتت بطلة الفيلم الأساسية في سن 12 عام وتم الاختلاف على تشخيص سبب موتها وقبله مات البطل الأساسي اللي كان عامل دور الشيطان ولم يتم تشخيص المرض.. بعد سنوات عدة مات 3 أشخاص أيضا مثلوا في السلسلة منهم حالة قتل واحدة!، وشخص رابع نجى باعجوبة من حادث تحطم طائرة مات فيها كل الركاب عدا هو الوحيد اللي نجى.. أثناء تصوير الفيلم بتقول أحد أبطال الفيلم "جوبيث ويليامز" انها كانت كل يوم بتروح البيت وتلاقي الصور المعلقة على الحائط مائلة او واقعة على الأرض وكل ماتعدلهم تروح تاني يوم وتلاقي نفس المشكلة





روبرت داوني في 2008 وهو رايح يحضر افتتاح Iron Man ، احتجزوه وقتها بسبب انه كان متورط في قضايا اجرامية خطيرة وهنا قصدهم الاعتقالات في فترة ادمانه للمخدرات، حققوا معاه 6 ساعات وفتشوه وبعدها خلوه يحضر العرض الخاص على شرط انه سيتم منعه للأبد من دخول اليابان




كريستيان بيل بين فيلمي American Hustle و Exodusوالفرق سنة واحدة.. الأول كان لازم يخسر وزن كبير وبعدين يبني عضلات، هنا خسر في البداية مايقرب من 45 كيلو وبعدين زود نفسه عضلات تاني، في البداية كان عايش على القهوة والتفاح وماء كتير ولبن واحيانا تونة بعد خسارة الوزن بدأ في تكبير عضلاته بالشكل ده واللي فضل يعمل فيها لأكثر من 8 شهور عشان يظهر بالشكل ده وأوقات كان بيمنع المياة ليومين كاملين عشان جسمه مايتنفخش





لو اتمسكت وانت بتشوف او عندك فيلم 2012 في كوريا الشمالية هتتحاكم وهيتم اعدامك!! الفكرة ان جد الحاكم الحالي في 2012 كان بيحتفلوا بمرور 100 سنة عليه، والفيلم صور 2012 كأنها نهاية العالم، فده خلى الرئيس بتاعهم يصدر قانون بمنع الفيلم ومحاكمة اللي يشوفوا او يقتنيه!! والمحاكمة بتنتهي بالإعدام لأن المؤسس يعتبر هو الاله عندهم والعياذ بالله





براد بيت وإيرك بانا في مبارزتهم في فيلم Troy ماستخدموش أي دوبليرات!، واتفقوا بينهم ان أي حد يضرب التاني ضربة خاطئة لو الضربة خفيفة يدفع 50 دولار ولو قوية يدفع 100 دولار .. بعد ما خلصوا المبارة، براد دفع 750 دولار لأربك وأريك مادفعلهوش حاجة يذكر ان براد بيت أتدرب لمدة 6 شهور عشان يظهر بالشكل ده





تشاكي .. ممكن فيلم مش مرعب أوي وكوميدي شوية ولكن المرعب انه مقتبس عن قصة حقيقية..القصة الحقيقة لدمية شهيرة جدا أسمها " روبرت" في القرن الثامن عشر رجل غني كان عنده ابن اسمه روبرت جابله مربية ست عجوزة بعد ايام لقاها بتعمل سحر أسود في المنزل بتاعه وطردها وقبلها كانت الست جابت للولد الدمية دي، بعد فترة أم الولد بدأت تسمعه بيتكلم في غرفته ولما تدخل عليه تلاقي الدمية قاعدة على الكرسي وهو في ركن الأوضة بيكلمها ولما تقوله انت بتكلم مين يقولها روبرت.. بدأت تتعصب عليه تدريجيا وتقوله يبطل يتخيل ومش مصدقاه، زي الفيلم بالضبط الأم بدأت تلاقي الألعاب بتاعته مشوهة بشكل بشع وفي حاجات في البيت متسكرة ولما تسأله يقولها روبرت مش انا!! بعدها خدوا الدمية وقفلوا عليها في صندوق وحطوها في البدروم وخلال وبعدين عزلوا وخلال سنين طويلة كانت الناس بتقول انها بتسمع صوت صريخ واحيانا ضحك من المنزل.. بعدها انتقلت عائلة جديدة وبدأت تسمع وتشوف حاجات غريبة لغاية لما في يوم لقوه واقف عند السرير وفي ايده سكينة وقبل مايعمل حاجة مسكوه ونقلوه لمختصي الظواهر الغريبة ..الدمية لسة موجودة في أحد المتاحف في صندوق زجاج وناس كتير قالوا شافوها وهي بتتحرك + ان بيقال ان كل يوم بيلاقوا الدمية في وضع مختلف




ابنة بول ووكر أعلنت من يومين انها هتقاضي شركة بورش للسيارات لإن السبب في موت ابوها ان بعد الحادثة ماعرفش يهرب من العربية بسبب مشاكل فنية فيها وانه أتحرق حتى الموت مع السيارة..شركة بورش ردت وقالتلها ان ابوكي مات بسبب القيادة المتهورة





في المشهد ده من أحد أجزاء انديانا جونز، كانت الثعابين دي حقيقية!!، الأغرب عددها، دول كانوا 9 الاف تعبان ومش بس كدة كانوا من أنواع شديدة السمية "سامة جدا" وكان اللي بيفصل طاقم العمل عن الثعابين مش اكتر من مترين ولكن تم تدريب طاقم العمل على التعامل مع الثعابين وكمان الأبطال لإن في حالة ان الثعابين هجمت كمجموعة على أي شخص هتتسبب في موته فورا في أقل من دقيقة! وبالرغم من ان في دكاترة بس في حالة الهجوم الجماعي ماحدش هيلحق حد!





فيلم المُستهلكون .. ستيف أوستن أثناء التصوير كان على وشك ان يتم تفجير رجله.. كان واقف قريب جدا من أحد المتفجرات اللي انفجرت جنبه واللي حماه شنطة كان شايلها ساحت تماما! وبنطلونه أتحرق شوية.. أما سلفستر فأصيب 14 اصابة أثناء تصوير الجزء الآول .. كل الحركات الخطرة هما اللي أدوها ..





روبرت داوني في تصوير المُنتقمون قام بتخبئة الطعام في كل أنحاء المكان وماحدش كان عارف بيخبيه فين فسابوه، وكل المشاهد اللي بياكل فيها كانت بجد بسبب انه جعان.



جاكي شان في أغلب أفلامه تقريبا مش بيجيب دوبلير للمشاهدة الخطرة، وفي أحد المشاهد خوفا عليه أضطروا يجيبوا دوبلير، فالدوبلير معملش المشهد كويس، فقام جاكي بتدريب الدوبلير وخلاه يعمل المشهد تاني ..ويذكر أيضا انه بيدرب الكومبارس اللي بيشاركوه في القتالات في الفيلم





الفنانة دانا ديلاني بتمثل في المسلسلات والتلفزيون ومن أشهر أعمالها Desperate Housewives.. مش دي المشكلة.. المشكلة ان عندها حوالي 60 سنة دلوقتي ولسة بالشكل ده





وده فيديو لحديث كان ليها من أيام

[YOUTUBE]D-bv3YvgXf0[/YOUTUBE]



ستيفين كالهان البطل الحقيقي لفيلم Life Of Pie سنة 1982 قاربه انجرف في عاصفة وسط المحيط الأطلنطي وعاش 76 يوم في المحيط وسط العواصف ومواجهة أسماك القرش ومعالجة ثقوب قاربه والجوع والعطش اللي خلاه ياكل الأسماك النية ويشرب من مياة المطر اللي خلاه يفقد ثلث وزنه لغاية لما أنقذه أحد البحارة بعد 76 يوم في العذاب ده بعدها كتب رواية عن اللي واجهه أيامها وأصبح مستشار خاص للفيلم





جوني ديب اتسأل عن احتمالات فوزه بالأوسكار عن فيلم Black Mass .. ده تعليقه الحقيقي اللي تناولت أغلب الصحف أجزاء منه كأنه بيقول انه هو الأفضل وده ماحصلش ومنها مواقع وصفحات عربية .... "لا أريد علي الاطلاق الفوز بشئ من هذه الاشياء فكره الفوز بالاوسكار معناها اني كنت في منافسة مع أحد و انا لست في منافسه مع أي شخص فانا اتمسك بما أحبه و أفعل ما أريده أحيانا لا ينال إعجاب الناس و لكن لا بأس"

[MiDo-Xp]

الله ينور مجهود رائع

[SŦorm]

منور يا حبيب هارتى