ارجو الاهتمام

[TheKing_MA]

حاجه حلوه اوى ان الواحد يكون بيدور على حاجه
و المشرف يطلع مره واحده يقولك اعمل كذا او جرب كذا
مافيش اجابه صريحه لازم تفضل تلف حولين نفسك لحد ما تحاول تصلح حاجه
مع العلم ان المشرف او الاعضاء بيكون عندهم حل صريح لكل مشاكلك
انا تانى مره احاول اعمل سيرفر صح بس للاسف تهت فى دوامة {{{{جرب اعمل كده}}}}}
و لو مش نافع جرب تانى
مع احترامى لكل الاعضاء و المشرفين كل الناس اللى بتسأل على حاجه بتكون مجربا
اللى انتم بتقولو عليه مليووووووووون مر قبل كده
انا جربت و اتأكدت مليون مره قبل ما اسأل اى سؤال
بس للاسف مشكلة جرب اعمل كذا و كذا لسه ماخلصتش منها
ياريت كل اللى عندو مشكله ملهاش حل زى انا باظبط يشاركنى فى رأيى
مع خالص الحب طبعا و الاحترام للجميع

[BabiliOn]

فى ناس بتحب المعلومة تقف عندها ومتدهاش لحد ودول كتير .. وتقولة طب لية بتعمل كدا يقولك اصلي تعبت عشان اعرفها
على اساس انة اخترع الذرة من جديد
وفى ناس بتحب تشارك اى معلومة عرفها جديد لأنها حاجة مش مستاهلة فى الاول والاخر انتا هتفيد غيرك وغيرك هيفيدك والحياة ماشية على كدا .. والى بيعمل كدا انسان محترم فى كل حاجة

[TheKing_MA]

تمام انا معاك بس بالنسبه للمساعده
نسبه المساعده السليمه فى القسم هنا من رأيى الشخصى
هى نسبة 35% اللى بتكون 100% تشتغل معاك
بس بردو فى حاجات جديده و فى حاجات بتقف معانا
و مع الاسف احنا اتعودنا على حاجه واحد (اعمل كده)
مع العلم ان اللى انتا هاتعمله ما تعرفش عنو اى حاجه
طيب انا عملت كده ليه و ده جه ازاى مافيش توضح
المهم انك نعمل زى اللى بيتقالك و خلاص و لو فى حد عاوز يعرف حاجه
اقرب حاجه بتحصل (##) ليه مش عارف
بجد ارجو من الاعضاء و المشرفين الاهتمام بالقسم مثل ما يجب لان عنوانه يدل على مش (##) و خلاص كده

[Dangers SrO]

مع احترامي لكلمك الجميل ده بس مش كل الناس زي بعدها
وبعدين فين مشكلتك اللي قولت عليها متحلتش؟
انا مشفتش انك عملت مشكله في القسم قبل كده

[TheKing_MA]

ياباشا شكرا على ردك الجميل
انا اول مره عملت فيها سيرفر قابلنى مشاكل كتير زهت الصراحه كبرت دماغى
المره دى الحمد لله ظبط معايا بس للاسف معظم المشاكل اللى واجهتنى عملت بيها كذا موضوع
لدرجه انى كنت عاوز اعمل داتا خاصه بيا انا
بس للاسف بردو حضرتك ما تزعلش منى من ضمن الناس اللى احبطونى فى عمل الداتابيز
جربت تانى قبل ما اضيف اى موضوع للمشاكل اللى عندى كل الطرق اللى انا حاولت افهمها بس بردو
لما نزلت المشكله مافيش اى رد صريح مثلا(اعمل كذا ) لازم قبل اعمل كذا (جرررررررررررب)
و بافضل اجرب بعض النظر عن كل ده انا لا هقولك انى مبرمج علشان للاسف مافيش وقت انى اخد كورسات برمجه ولا كمان هاقولك انى جامد اوى فى الكمبيوتر بس انا باحول افهم (ده يتعمل كده علشان فى كذا و كذا و كذا و كل ده مربوط ببعضه) مش اعمل زى الاعمى و لا جرب لان كل الناس بتجرب
و هتلاقى كمان زى شخصيا كتير جدا اللى بيحب يفهم و فى النهايه بعتزر عن اى كلمه تضايقك و انى طولت فى الرد

[Dangers SrO]

احنا اسفين يا باشا عن اللي حصل ده بس الناس متعرفش
ان انتا او اي حد تاني منزل الموضوع مبتدأ او لا
فهو او اي مشرف بيقول الاجابه وميعرفش امكنيات القدامو
فمعلشي يعني وكمان لو كنا اتأخرنه علي حضرتك في الرد
بتبقي ظروف او مشاغل واكيد انتا عندك خلفيه عن النقطه دي
تحياتي

[TheKing_MA]

اكيد طبعا باعرف ان مشاغل مشرف تقيله جدا
و غير كده مش بيقدر يرد على كل المشاكل بس لما بيرد بيبقى الرد مختصر
ممكن يا باشا تكتب رد مفصل او حل فاطع لو حتى نسبة الشغل عليه 70%
بس يكون واضح و قاطع و صريح و كمان انتا مش هتفيد واحد بس دا انتا ممكن تحل اكتر من مشكله فى رد واحد صريح و كمان اغلبية الناس بتقدر ضغوط المشرف فا لو المشرف عمل اللى عليه تمام لو حتى يصبر بس يومين ولا حاجه قبل اغلاق الموضوع يبقى كتر الف خيره و انا اسف بس لو امكن تسيب الموضوع مفتوح مؤقتا لحد ما نشوف اى رأى جديد و اشكرك للاهتمام

[Dangers SrO]

تمام شكراً لتوجيه حصرتك انشاء الله ابقي احول اعمل الحل اللي قلتو ده
يغلاق لانتهاء الغرض منه....
##