كوكى كل الناس بيحبوكى

[ScissorX]

ازيكم ياشباب

يلا نفرفش مع بعض شويه




مقابلة حصرية
مع نجمتنا المحبوبة




طبعاالكل عارف النجمة ألفرخه اللامعة اللي عملت أغنية ( إدبحني يا معلم )
اللي نزلت على نجوم إف إم من فترة قريبة
بل و على قنوات الراديو كلها تقريبا .


انطلاقا من الشهرة اللي حققتها الأغنية دي قامت شركة ( روتانا فور تشيكن )
بإرسال طاقم من الغربان مكوّن من مذيع
و عدد من المصورين و ذلك لإلقاء الضوء أكثر على نجمتنا الساطعة
المهم راح الطاقم ده متوجه إلى مزرعة الدواجن اللي الفرخة عايشة في
وراح المذيع مخبط على باب العشة

تك تك تك تك

النجمة فتحت الباب و بصت فاتخضت راحت قافلة الباب بسرعة
المذيع : حضرتك متخافيش إحنا جايين لحضرتك من شركة ( روتانا فور تشيكن ).

النجمة : و الله ؟ . طب ثواني .

و راحت نجمتنا فاتحة الباب و دخلت الطاقم .

النجمة : إتفضلوا إرقدو عل البيض لغاية لما أجيبلكوا حاجة تشربوها .

المذيع: لأ مفيش داعي حضرتك , إحنا جايين نعمل مع حضرتك إنترفيو مش أكتر .

النجمة : لأ اتفضلوا براحتكو . إسألوني اللي إنتو عايزينه .

المذيع : أولاً , ممكن نجمتنا تعرف نفسها للجمهور .

النجمة : كوكي

المذيع : و بالنسبة للمؤهل الدراسي ؟ .

النجمة : ليه الإحراج ده بقة , للأسف مفيش , بس بعرف أقرا و أنكش .

المذيع : و هل ممكن تقوليلنا عن سنّك ولا ده سرّ من أسرار النجوم ؟

النجمة : عندي 31 شهر .

المذيع : طبعا إحنا عارفين إن كل نجم و ليه هوايات , فإيه هيّا هواياتك ؟ .

النجمة : الصراحة معنديش غير هواية واحدة و هي في نفس الوقت موهبة . الحمد لله بكاكي حلو أوي .

المذيع : و يا ترى بتحبي تكاكي لمين ؟

النجمة : بحب أكاكي للفنان ( كتكوت الصغيّر ) اللي إشتهر بأغنية ( العلف العلف العلف ).

المذيع : ممكن نجمتنا تقولنا إزاي دخلت الفن من أوسع أبوابه ؟ .

النجمة : و الله أنا كنت مقدمة في ( فراخ أكاديمي ) في أحد الأقاليم و كسبت الحمد لله بفضل ربنا أولا و الجمهور .

المذيع : و إيه تعليقك على فنانات الوقت الحالي من حيث الأداء و المظهر .

النجمة : الأداء زفت . أما بالنسبة للمظهر فأنا بتمنى إنهم يتحشموا شوية في الريش اللي بيلبسوه .

المذيع : و بالنسبة للفنانين .

النجمة : نفس الكلام برده , بلاحظ إن كل ديك يطلع يغني يجيب حواليه ميت فرخة مودلز بريش خليع و حركات
تخلّ بالعرف .

المذيع : في نهاية الحوار عايزين نجمتنا تقول كلمة للجمهور .

و فجأة دخل صاحب المزرعة و ف إيده سكينة , راحت الفرخة بلعت ريقها

و قالت : أتمنى إن جمهوري العزيز يفتكرني بالخير , وسلام بقة عشان رايحة أصور الكليب:D .

المهم بعد يوم إنتشر خبر وفاة نجمتنا على جميع القنوات اللي بتطير و الأرضية و عم الحزن عل الجميع.



و على العموم بالهنا و الشفا للي كلها


في انتظار الردود يا حلوين

[wolf_spartian]

مفيش اختيارات غير الضحك ؟؟

[ScissorX]

هههههههههههههههههههههه مشكور

[omar007]

هههههههههههههههه

[wolf_spartian]

جميلة يا باشا استمر انت النجم

[silkrano]

هههههههههههههههههههههههههههه

[el_3ashek]

جامدة يا مان

[ScissorX]

المشاركة الأصلية كتبت بواسطة el_3ashek عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

جامدة يا مان

شكرا يا ريس

المشاركة الأصلية كتبت بواسطة silkrano عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هههههههههههههههههههههههههههه

شكرا على الضحكة الحلوة

المشاركة الأصلية كتبت بواسطة wolf_spartian عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

جميلة يا باشا استمر انت النجم

شكرا

المشاركة الأصلية كتبت بواسطة omar007 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هههههههههههههههه

ونتا حبيب البى هههههههه:d

[online007]

ههههههههههه والهى حلوة
بس نسيت تقول انها خدت جايزة الـMusic Awards (افتكاسة من عندى) :D
شكرا

[ScissorX]

المشاركة الأصلية كتبت بواسطة online007 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ههههههههههه والهى حلوة
بس نسيت تقول انها خدت جايزة الـMusic Awards (افتكاسة من عندى) :D
شكرا

و Golden Globeكمان:D

[ScissorX]

هو وحش ولا اية؟؟

[XxzoroxX2]

هههههههههههههههههههههههههه حلوة مع انها مش على فرخة !! (انتا عارف بقى على ايه ^^)

[ReD_DeviL]

هههه..حاوة

[Mr_boBBo]

المشاركة الأصلية كتبت بواسطة online007 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ههههههههههه والهى حلوة
بس نسيت تقول انها خدت جايزة الـMusic Awards (افتكاسة من عندى) :D
شكرا

المفروض جايزة Chiken Awards :)
و الله حكاية اووى الحوار دة بس هو كان مذاع على انهو مزرعة فضائية
هههههههههههههههههههههههههههه

[hany_tiger]

مفيش اختيارات غير الضحك ؟؟

اتصل بصديق تدحك معاة
او ادحك مع الجمهور