الـجـروب الـرسـمـي لـلـمـنـتـدى Silkroad4arab Facebook | Official Group

**Mr_Sido** · 13-03-2009, 04:54 PM

[COLOR="Blue"][SIZE="5"]السلام عليكم وا رحمة الله وا بركاته

طبعا فى ناس كتير هتسال ايه هيا اليوميات

نشرح احنا هنقول ايه ::

يوميات تعبر عن الواقع من شاب مصري عربي مهزوم

مش هتكلم ولا هقدم ..هسيبك انت اللي تقرا وتقرر انا ليه مهزوم؟ ولو معجبكش الكلام..راسلني وناقش

ان شاء الله هيكون فى كل يوم يوميه جديده

وا باذن الله اللى عايز يتكلم او عنده فكره عايز يتناقش يرسلنى

نبدا باذن الله اول يوميه

.................................................. ............

بعنوان عيش اللحظه

احلي حاجه فينا كعرب وبالأخص شعبنا المصري انه شعب مودي يعني بيعيش اللحظه علي راي فودافون عيش اللحظه يعني مثلا انهارده ضرب غزه يبقي احنا كلنا غزه بكره ضرب لبنان يبقي كلنا لبنان امبارح كان ضرب العراق يبقي كلنا عراق
والناس تطلع وتصرخ وتنبح في صوتها وتطلع في مظاهرات وتشجب وتدين وتعيط وفي احيانا ناس بتضرب عساكر الامن في المظاهرات قال يعني مثلا هما دول السبب وف الاخر كله يروح بيته ويشوف اكل عيشه وكنت فين يبني كنت ف مظاهره ...طب متيجي نتبرع يعم هو انا لاقي اكل واللي يعوزه البيت يحرم ع الجامع منتا من شويه كنت عمال تصرخ وتقول بالروح بالدم يفديكي ياغزه طب يالا بقي اعمل باللي بتقوله

لا لا خليك في حالك انت كلامنجي ع الفاضي في الاخر اكتشفت اننا شعب بتاع اللحظه بيعيشها في وقتها وبعدين ينسي ..نفس الشئ اللي بيحصل في التلفزيون لما اجي افتحه الاقي امال ماهر بتغتي عربيه ياارض فلسطين.اعرف علي طول ان فلسطين بتنضرب.والاقي كاظم بيغني لبيك بغداد يبقي العراق بتنحرق والاقي شعبولا بيغني لانلفوانزا الطيور يبقي الطيور عندها برد
والاقي هيفاء بتقول انا بردانه اح يبقي الشتا جه وكل يتقل هدومه

وف الاخر مفيش حل ولا حد بيتبرع ولا حد بيوقف حرب ولا حد بيدفي هيفاء والناس بتموت بتموت بتموت ....اسال نفسك كده اللي بيموت هناك في اي حته عربيه مهما كانت بياخد ايه من مظاهراتك ..

عيش اللحظه

يوميات شاب مهزوم 1

.................................................. .................................................. .................

يوميات شاب مهزوم 2

بعنوان لازم الريس يتدخل

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

.................................................. ...............................

يوميات شاب مهزوم 3

بعنوان انا وليشع

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

**zoroegypt** · 13-03-2009, 05:00 PM

والله حلوة احسنت التوضيح:d:d

**ScissorX** · 13-03-2009, 05:09 PM

طيب هو فين الشاب المهزوم انت بتتكلم عن مصر :)

**Mr_Sido** · 13-03-2009, 05:12 PM

اقتباس:

طيب هو فين الشاب المهزوم انت بتتكلم عن مصر

وا هوا الشاب المهزوم بيعيش فين ؟؟؟

فا طبيعى كل ما يحيطيك بياثر عليك !!! صح ؟

**omar007** · 13-03-2009, 05:14 PM

والله عندك حق

**Mr_Sido** · 13-03-2009, 05:15 PM

طلب صغير :::

ياريت محدش يفهم انى بشتم بلد ( مصر)

او اى بلد تانى!!

لانى عارف فى ناس كتير هتقول دا جاى يكرهنا فى مصر !!!

لما هتشوفه باقى اليوميات هتعرفوا اليوميات كويس :)

**love_allah** · 13-03-2009, 05:18 PM

شكرا وفعلا لازم يكون في فعل

**thehunterman** · 13-03-2009, 05:19 PM

يوميات رائعة

و فعلاً تعبر عن الواقع

نتظرين البقية

و تقبل مرورى ^_^

**ScissorX** · 13-03-2009, 05:25 PM

اه

معلش مفهمتش الفكره كويس

ادينى فى الجزء التانى طب :)

**Mr_Sido** · 13-03-2009, 05:33 PM

اقتباس:

اه

معلش مفهمتش الفكره كويس

ادينى فى الجزء التانى طب

مفيش مشكله ...

بس كل يوم يومية جديده :)

**Mr_Sido** · 13-03-2009, 09:43 PM

**Survivor** · 13-03-2009, 10:28 PM

مشكووووور

**Mr_Sido** · 14-03-2009, 01:51 AM

لازم ابدأ يومياتي انهارده بالضحك وبجد هتعذروني لما تعرفوا انا بضحك
ليه لانه مفيش مجال فيكي يابلد بتحصل فيه مشكله كبيره الا ونلاقي الناس بتقول لازم الريس يتدخل يعني مثلا تصحي الصبح وتدخل ع بص وطل تلاقي انه ف الرياضه الريس يتدخل لرجوع الحضري للاهلي ف الفن الريس يتدخل لفض اشتباك فيفي عبده مع مخرج مسلسل سوق الخضار والريس يتدخل لفض النزاع بين عمرو دياب ومحسن جابر وف الادب الريس يتدخل رغم انف الجميع والخ الخ الخ ...هو الريس فاضي ياجماعه بجد حاجه تغيظ يعني هو اي مشكله تحصل لازم نكتب مذكره عشان ندخل فيها الريس من غيره يعني مش هنعيش امال فين الشعب المصري اللي بيبان في الازمات ..وقال ايه اخر مره سمعت فيها ان الريس لازم يتدخل انه يفتح معبر رفح طب وهو يعني البواب بتاع المعبر مثلا هو اللي معاه مفتاح القفل ..اللي عايز يفتح يفتح ياجدعان مش احنا برده ف عصر انفتاح ..معبر ايه اللي هنفتحه ..فيه حجات اهم لازم الريس يفتحها ..زي دريم بارك ودريم لاند ودريم مول ودريم شبرا ..دي الحجات اللي نتكلم فيها مش تقولي معبر رفح ومش عارف ايه ....اخر حاجه احب اقولها
لازم الريس يتدخل بسرعه كيك ويخلي عمرو دياب ينجز في الشريط عشان بجد اتأخر وكده زهأنا وكمان يأجل ماتش الاهلي والزمالك الي جاي

يوميات شاب مهزوم 2

**ايمن الكاشف** · 14-03-2009, 04:31 AM

يوميات شاب مهزوم بس جميلة يا مان معبر رفح اية وكلام فاضى اية يا عم تسلم ايدك ومشكور

**محسن الكاشف** · 14-03-2009, 07:01 AM

تمام انا مش هناقش ولا اتفلسف بكل اختصار

معاكك
والف شكر لموضوعك
اخوك / محسن الكاشف

المواضيع المتشابهه
الموضوع	كاتب الموضوع	المنتدى	الردود	آخر مشاركة
يوميات قصة حب (a&e)	~~SenshyKodo~~	قسم المواضيع المكررة و المخالفة	14	07-05-2011 12:58 PM
يوميات قصة حب (a&e)	~~SenshyKodo~~	بـعـيـدآ عـن سـيـلـك رود	6	07-05-2011 02:09 AM
عفوا لازلت انا رجلا مهزوم	EnDLoVe	بـعـيـدآ عـن سـيـلـك رود	1	11-01-2011 02:28 AM
يوميات شاب روش طحن	EnDLoVe	بـعـيـدآ عـن سـيـلـك رود	1	14-04-2010 02:06 PM

	ط§ظ„ط¨ظ‚ط§ط، ظ…ط³ط¬ظ„ ط¯ط§ط¦ظ…ط¢

يتصفح الموضوع حالياً : 1 (0 عضو و 1 زائر)