للاسف : الهزيمه فى الثوانى الاخيره ( قول رايك فى المباراه )

[_BabY LoVe_]

للاسف الهزيمه للمنتخب فى اخر ثوانى

1-0 لجــنـــوب افريقيــا


المهم رايكـ فى اداء العيبه المصريه

[JinZo]

بص هو طبعا ربنا كاتب الخسارة بس مفيش لعب جماعي نهائي
و الجون غلطة حسام غالي علشان هو الليبرو المفروض يغطي
و وائل جمعة .. يعني هو تعب في الماتش بس التاني طبعا اسرع من وائل في اخر كورة
و ما ننساش انهم بقالهم مده مش بيلعبوا و هما عملوا اللي عليهم
و الفوز مش بمزاجهم يعني

[Un_Wanted]

اعتقد ان حسن شحاته أجاد فى الماتش وكان موفق فى رؤيته للمباراه

مباراه زى دى بيبقى اسمها مباراه الفرصه الوحيده

كل الظروف ضدك فبتأمن كويس والفرصه اللى بتجيلك بتخلصها واحنا جتلنا بدل الفرصه حوالى خمسه

ومستغلناش ولا واحده فيهم فاللى حصل ده طبيعى

اعتقد التعادل كانت النتيجه العادله لولا سهوه اللاعبين

واعتقد معنويات الماتش ده هتأثر على ماتش الاهلى هناك جدااا

ع العموم الواحد برضه مش زعلان ودى حاجه ايجابيه فيه نسبه زعل أه

لكن الاول الواحد لما كان بيكسب فرق جون كان بيبقى شايط

[™_Yousef_™]

ولله يا على حسن شحاته معندوش لعيبه جاهزين يبقا خلاص بس مش وائل جماعه يعمل كدا و يقولك خبره

[Black_Sword]

اقولكو على حاجه

المنتخب كان فاشل بنسبة 70%

[^^divo^^]

بصراحه مكنش فيه لعب اصلا عشان نزعل اننا خسرنا

[DragonZee]

اصلا مكانش فى فرص عشان نكسب بيها و كل واحد بيحاول بس انا احي حسن شحاته فى الشوط الاول عشان كانت الفرقة مغطية حلو لكن مع الشوط التانى بدأ كل فريق يحاول يجيب الجول و بالأخص منتخب مصر و منتخب جنوب افريقيا يلعب على الهجمة المرتدة بس تقيمي للمبارة انها مبارة الفرصة الواحدة

[Sad_Angel]

الماتش كان عاوز لعب اكتر من كده

كده اسمنا ملعبناش

[No_Rules]

مكنش المتوقع :|

[STRQUEEN]

نحمد ربنا على كل شىء

[محمود عنان]

انا عن نفسي ماكنتش متفائل واحساسي طلع في محله .. ثم المفروض من وجهة نظري ان حسن شحاتة لو كان عاوز يحسم الماتش ليه بدري بدري .. كان نزل اللاعيبة الجامده كلها .. زي ابو تريكة وجدو وزيدان واحمد سمير فرج .. لكن هو نزل زيدان في اخر خمس دقايق وقبله بخمس دقايق برده كان منزل ابو تريكة .. واكيد تريكة وزيدان ماكنوش لسة دخلوا في جو المباراة في خمس دقايق ولا عشر دقايق !! .. يلا خيرها في غيرها برده انا دمي محروق اه وزعلان عشان مش هنكون في كاس الامم الفريقية اللي جاية لأن الفرصة خلاص ضاعت ومالناش فرص تانية عشان نروح كأس الامم اللي جاية .. بس كفاية اننا اخدنا البطولة دي تلات مرات .. وتحياتي ليكم

[ღ♥_ akeml _♥ღ]

المنتخب كان مستواه قليل جدا

[☜ ĂиTaKą ☞]

يلا حصــل خيـر

[brave_knight]

انا فرحان ان حسن شحاته مشي

[Gl4Di4ToR]

المشاركة الأصلية كتبت بواسطة brave_knight عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا فرحان ان حسن شحاته مشي

الواحد لما بيقدم وحش أو مش في المستوي بننسي ديما الي عمله ... يعني حسن شحاته عمل أرقام مفيش حد قرب منها لـما نكسب أيطاليا و نخسر من البرازيل بالعافيه بـكل لعيبتها و نجيب 3 بطولات وراء بعض و لما مره يحصل منو حاجة نقول خلاص يغور ؟ مش كدا هو صح الفتره الأخيره مكنش في المستوي بس علي فكره الخطه الي حطها للـماتش كانت عبقريه لان اللعب عندهم كان مقفل و دليل علي كدا أني مكنش عندهم شراسه هجوميه و الكوره كانت بتلاقيها في رجل لعيبتنا بتيجي لواحدها و دا يدل علي أن المواقع صح بستثناء الجول الي كانت هفوه كبيره من الدفاع


بس الماتش مكنش في المستوي بصراحه مهددناش كويس مع أني الماتش كان في أيدنا بس مش عارف أيه الي حصل .. أنا شايف لو كنا بنلعب كويس الماتش دا نطلع بـ 3 علي الأقل
بس يلا قدر الله و ماشاء فعل