لمصلحة القسم . خدمات افضل . أقتراحات أفضل . أدخل وشارك .

[veeto_m]

قبل ما ابدأ الموضوع

انا عضو عادى وأهتمامى قليل جدا وبحاول أثبت وجودى فى القسم

انا شوفت موضوع الأشراف .. وبصراحة المشرف ايا كان بيحتكر المكان اللى هو فيه وبيتعامل بأسلوب ماينفعش مع منتدى زى منتدانا خالص

هانتبدى بأمثلة فى بداية الموضوع .. وانا هاعمل مشاركة كل ما أكون فاضى وأضيفها بالترتيب فى الموضوع

شوية أمثلة :- عن أفعال وردود أفعال ( أفعال من الأعضاء ) و ( ردود أفعال من المشرف )

1- عضو عمل موضوع ( الموضوع مش واخد حقة وعاوز صور وبتاع ) شكله وحش مش عاجبنى
حذف

2- عضو عامل طلب مساعدة فى حاجة ( عيل نوب وفاضى وانا مش ناقص وجع دماغ ) ( الموضوع هايتملى سبام )
حذف

3- عضو عمل موضوع تهنئة ( مش هانخلص من الأسبام ) ( أمرى لله > Gzzzzzz < هاسيب الموضوع فترة وهاقفله )
مجاملة

4- عضو عمل موضوع ( انا أتسرقت يا رجالة ) ( ايوه الناس هاتدخل تعملك جريتزز يعنى ) خليه علشان يكون عبرة والناس تاخد بالها ( والأسبام .. يوه الأشراف ده رخم اوى )
غلق بعد فترة

5- عضو عمل موضوع ( قرب قرب البوت وصل ) ( الواد ده شكله سكامر ) ( انا لسه هاعمل سكان )
حذف

6- عضو عمل موضوع بأسم ( أدخل هام جدا ) نيجى ندخل نلاقى ( معلش كنت بهزر معاك ^^ ) وبعد كده ( سبام ) ( قرفت من البيض وعاوز اكل جبنة )
حذف

7- عضو عمل موضوع ( السيرفر قافل يا جماعة ) ( لولولولولولولوييييى زغرطى يابت يا منى )
حذف

8- عضو عاوز أستفسار ( أستطلاع : عن البو وانواعه ) والله حرام .. يعنى أعمى ومش بيشوف كمان ( عندك قسم التعليمى )
حذف أو أغلاق

9- عضو عمل موضوع ( ياجماعة العضو ده سرأنى ههه ) ( أسمها سرقنى يا نونو يخرب بيت التعليم المجانى )
حذف

10- عضو عمل موضوع ( عاوز أشترى حاجة على سيرفر واتر ) ( فقال له ........... ) ( أصل موضوع الأستفسار مش مالى عينك ) بهائم يريدون الشتائم
حذف




وأشكال كتير ربنا ما يبتليك ..... قولوا أمين ........ مش سامع .......... !!!



كل ده حقيقى وبيحصل فعلاُ

محدش سألنى يعنى أيه السبب



المشرف يا جماعة سنه صغير يعنى ممكن يكون أقل من 18 سنة ( وبصراحة مش عارف الشروط )

المشرف خلقه ضيق وبيتخنق بسرعة ومش عنده صبر يساعد الناس دى كلها



المشاركة الأولى

شوية أسئلة وأجوبة :- بينى وبين العضو كمثال :-

خد يا عضو .. تعالى أعد .. ( هات يابنى أتنين كركديه )

1- أول سؤال أحب أسألهولك يا عضو : الكركديه حلو ؟؟
أه جميل يدوم ياباشا .. ^^

2- ليه بقى بتعمل موضوع مخالف للقوانين ؟ زى الموضوع اللى عملته وطالب فيه مساعدة ؟ أنتا مش عندك موضوع مثبت فوق ؟
والله حضرتك انا رديت فى الموضوع ده وعرضت المشكلة اللى عندى وماحدش رد عليا .. معلش بالعقل مستحيل الناس مش عارفة اكيد فى حد عارف

مش معنى كده انك تخالف القوانين وتعمل موضوع مخالف !!
طيب أعمل ايه أذا كانت مش لاقى مساعدة من حد .. والمكان الوحيد اللى ممكن الاقى أى حاجة عن اللعبة فيه هو المنتدى .. أمشى يعنى وما ادخلش تانى .. هو ده المطلوب ؟ هو ده الصح ؟ أفضل مش فاهم حاجة والناس تقول عليا نوب وعبيط مش فاهم حاجة ؟ طيب ما انا مسيرى أجى هنا بعد سنة وانا فاهم .. تفتكر ساعتها هاساعد حد ؟؟ ... وكل الناس الكبيرة اللى فاهمة هاتكون بطلت تدخل المنتدى .. بزمتك هتلاقى حد يساعد حد بعد كده ؟؟

مش عارف ارد عليك ياعضو والله معاك حق فى كلامك ... طيب تقترح نعمل ايه علشان ما تحصلش المشكلة دى ؟ أصل الموضوع اللى بتعمله بيبقى فيه سبام كتير وأحنا مش عاوزين كده ؟ نعمل ايه ؟

علشان تفهم قصدى :-
لماحد بيعمل سبام كتير .. مشاركاته بتزيد .. والناس بتشوف المشاركات للأعضاء بتعرف انهم قدام وكده ومعروفين .. وبالتالى بتثق فيهم ..غير كده كل ما يزيد عدد المشاركات .. كل ما تكتر صلاحيات العضو .. وناس كتير داخلة المنتدى للهدف ده .



تفتكروا نعمل ايه ؟؟ أيه الأقتراح المناسب ؟؟



أقتراحى لمشكلة الأستفسارات :-

1- يتم تعين فريق مختص بخواص أقل من الأشراف وفى ونفس الوقت خواص مميزة يمكن أستخدامها داخل القسم فقط .
2- يكون الفريق له خبرة عامة كافة ب 85% من أجمالى مشاكل وأستفسارات اللعبة .
3- سنه يكون أكبر من 18 عام لتفهم الاعضاء وسرعة التواصل بشرح مبسط . يجب الـتأكيد بصورة بطاقة شخصية . او لا يهم .
4- دائم الحضور وسريع التفاعل .
5- الفريق لا يقل عن 3 أعضاء لسرعة التواصل و الأستجابة .



أقتراحى لمشكلة الأسبام وتعدد المشاركات :-

1- تعين مشرف ومساعد له ( يفضل مساعدان ) لمراقبة المواضيع والمشاركات وتهذيب وتنسيق القسم (لا يقل العمر عن 18 عام) يرجى التأكد .
2- مراجعة كل المواضيع بكل المشاركات .
3- تحذير لكل عضو قد قام بعمل تعدد مشاركة ( سبام ) او موضوع مخالف ( بتحذير أول ) وأذا تكرر ( تحزير ثان ) وثالث ( حظر لمدة محددة ) .



من لديه أى تعليق ( الحوار مفتوح ) ( باب الأقتراحات مفتوح )

نريد عشرة 15 صوت من الاعضاء طلباٌ لتثبيت الموضوع

حتى المشاركة القادمة ومشكلة جديدة وأقتراحات أفضل

محمد هانى

عضو

[Fire_Snake]

المشرف يا جماعة سنه صغير يعنى ممكن يكون أقل من 18 سنة ( وبصراحة مش عارف الشروط )

المشرف خلقه ضيق وبيتخنق بسرعة ومش عنده صبر يساعد الناس دى كلها

كل كلامك كويس بس هنا
انا اختلف معاك علشان في مشرفين في سن ال16~ 17
وزي الفل

[veeto_m]

المشاركة الأصلية كتبت بواسطة fire_snake عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

كل كلامك كويس بس هنا
انا اختلف معاك علشان في مشرفين في سن ال16~ 17
وزي الفل

هو انا غلطت فى حد

واضح انى عضو لسه جديد ومش اعرف المشرفين !! ولا اتعاملت معاهم

انا بس وضحت حاجة بتحصل فى القسم وحبيت الاقى ليها حلول

^^

[abdop24611]

بس انا قراءة الموضوع كله وكلامك تمام بس فى حاجه اللغلط السن انت المفرود تعمل +16

[Fire_Snake]

المشاركة الأصلية كتبت بواسطة veeto_m عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هو انا غلطت فى حد

واضح انى عضو لسه جديد ومش اعرف المشرفين !! ولا اتعاملت معاهم

انا بس وضحت حاجة بتحصل فى القسم وحبيت الاقى ليها حلول

^^

اصلا مفيش مشرف على القسم يبقى ازاي وضحت حاجا بتحصل في القسم
ومكنتش تعرف ايه اللي بيحصل قبل ما المشرف اعتزل..!!

[DarkRiver]

كلام زى الفل بس حكاية السن دى غلط عندك مثلا وما اروع الامثال King0FCream عندو 16 او 17 سنة بس شوف كان عامل القسم ازاى وواد انا اعرفول من اول ما كنا مع بعض فى ecsro وجينا مع بعض zszc السن ملهوش دعوة شوف فى اروبا تلاقى واد عندو 22 سنة ورئيس ناس عندها 40 و 50 سنة ومشرف على مليارات
مع احترامى لكلامك بس الكفأة الاهم وليس السن

[veeto_m]

يا شباب موضوع السن انتو فهمتونى غلط

مافيش مانع كل واحد ياخد فرصة مهما كان سنه

بس برده سامحونى انا بتكلم كعقلية يعنى واحد عنده 18 غير 16 والفرق كبير

فرق كخبرة

فرق كتعامل

فرق فى طريقة كلام

انا معاكم فيه ناس زى الفل

بس من تجربتى الشخصية الأكبر سن بيتعامل بهدوء وصبر وبيقدر حجم المسؤلية

المشاركة الأصلية كتبت بواسطة fire_snake عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اصلا مفيش مشرف على القسم يبقى ازاي وضحت حاجا بتحصل في القسم
ومكنتش تعرف ايه اللي بيحصل قبل ما المشرف اعتزل..!!

مع احترامى ليك منا عارف ان المشرف معتزل أمال انا عملت الموضوع ليه ؟؟؟

شوفت انتا فهمت غلط أزاى ( وده اللى بقصده فى موضوع السن )

كلامى كله موضح ان المشاكل دى كلها بتحصل فى وجود المشرف منا كلامى واضح فوق

يعنى مش و هو معتزل

ملحوظة ليك / انا لفل 105 وأنتا شايف التوقيع
تفتكر طلعت للفل ده من غير ما ادخل المنتدى واشارك وأجرب واشوف الأسلوب والمعاملة بعينى ؟؟ أكيد أحتكيت بالمشاحنات دى كتير وعانيت منها والا ما كنت اشتكيت ^^

ولا انا بجيب الكلام من بره ؟؟؟

[SideOfEvil]

بجد برنس انا اسف بس مش قادر امسك نفسى من غير ما اشكرك بجد انت نجم معاك حق فى كل كلمة قلتها بجد انا معاك من ال (أ) لل (ى)

[veeto_m]

المشاركة الأصلية كتبت بواسطة SideOfEvil عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بجد برنس انا اسف بس مش قادر امسك نفسى من غير ما اشكرك بجد انت نجم معاك حق فى كل كلمة قلتها بجد انا معاك من ال (أ) لل (ى)

متشكر جدا

[™SHETOOOS™]

انا معاك فل اولتو يا باشا بس انا اراهن ان كل ده هيتغير لان احمد GhostHome رجع الاشراف و بكره ان شاء الله هيكون اتعين المشرف التاني و الحال كله هيتغير

[sasa007]

كلامك صح حتى حكاية السن الكبير بيتعمل بهدوء و كده

بس فى ناس برضه صغيرة و بتبقى احسن من الكبار فى الشراف

[™_Chero_™]

ماشي بس يا ريت تعدل كذا نقطة في الموضوع زي السن

و كمان فيه 2 هيكونوا مشرفين ع القسم يعني استحالة تلاقي سبامـ زي منتا بتقول كدا ,,

[AL0N3CowBoy]

كلامك حلو بس فى حجات كدة مش صح :(

[veeto_m]

انا مش مدير الموقع علشان أقرر وأنفذ ^^

انا بقترح بس من وجهة نظرى اللى شايفوه فى مصلة للقسم ^^

وأدارة المنتدى عارفة ايه الأصلح للقسم وأيه اللى هايتم

وأى حد مش عاجبة اى كلمة من اللى انا قولتها ليه حرية الرأى والتعبير والتصويت فوق ^^

وده مش هايخلق اى خلاف ( أختلاف الرأى لا يفسد للود قضية )

شكرا ^^

[veeto_m]

المشاركة الأصلية كتبت بواسطة shetooos2010 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا معاك فل اولتو يا باشا بس انا اراهن ان كل ده هيتغير لان احمد ghosthome رجع الاشراف و بكره ان شاء الله هيكون اتعين المشرف التاني و الحال كله هيتغير

يا مسهل الحال يارب ^^