شايف نفسك راجل ,, ادخل و اتحدي نفسك ^^

[super_man619]

تعالي .. انا عندي ليك فرصه حياتك الي ملهاش لزمه ديه .. انا هدخل انا و انت حرب نفسيه
حرب نحاول فيه ننتصر علي انفسنا و شهواتنا ..
حنحاااول نبطل ( ازاي يابن الفكيكيه )
اولا لو انت داخل الموضو ده مطالعه أو بهدف ان البحر يحب الزياده يبقي معطلكش اقفل الموضوع و اطلع بره
,,, كويس اوي انت قادر تكمل معايا و ده معاناه انك عنددك حاجه من اتنين " عزيمه حقيقه أو حب استطلاع "
لو عندك عزيمه حقيقه أنزل ,, لو حب أستطلاع ريح نفسك و أقفل الموضوع لأن الحوار جد
كويس جدا ,, انا كده اطمنت عليك
ايه بقي المطلوب منك عشان الموضوع ده يتم
يبقي عندك حاجه مش عارف تبطلها ,,, و عايز او محتاج تبطلها " فرق كبير بين عايز و محتاج "
تكون قوي " مش عضلاااات ,, لا " قوي من جوه ,, يعني تبقي عايز حاجه و تقول لا ,, تقدر تقول لا
يكون عندك هدف
علي من يجد فـ نفسه الثلاث شروط دول ينزل ,, و الي مش لاقيهم يروح يدور عليهم ف أي حته بعيد عن الموضوع ده
,, بوصولك بسلام لحد هذا السطر ,, انت انجزت كتير جدا فـ مشوار تغيرك
لأن ببساطه انت فيك جميع الشروط المطلوبه لواحد محتاج يتغير
احلي حاجه ف الموضو ده بقي ,, غير انه جديد و مبتكر ^^ " انه تفاعلي "
يعني الموضوع ببساطه انتو الي هتمشوه
,, نتكلم مثلا عن السجاير كا مشكله عامه و ناس كتير نفسها تبطلها
مش هقولك انت بتشرب ليه ولا متشربش ليه لأن الاسأله ديه انا شخصيا مش عارف اجابتها
لو عايز تحافظ علي صحتك و شايف ان حياتك ليها قيمه و لازم تشتغلها تابع الموضوع ,, و لو عندك رأي تاني متتعبش نفسك و تكمل معانا
,, " كويس جدا انت انسان عندك عزيمه و قوه و أراده و هدف و شايف انك ليك لزمه ف هذه الحياه ^^ "
انا مثلا و بصراحه عايز أبطل الشتيمه ,, فيه الي عايز يبطل العاده السريه ,, فيه الي عايز يبطل السجاير ,, فيه الي عندو طباع محتاج يغيرها تماما
كويس اوي ,, دلوقتي انت لازم تحدد مشكله واحده و تركز عليها
قبل ما اخش ف اي حاجه : عباده ربنا شيئ أساسي و لازم كلنا نهتم بالناحيه الروحاني عندنا الي من غير حرج معظمنا مبيركعهاش
,, انا مش جي هنا واعظ ,, انا زيك و انيل منك كمان ,, انا جايلك تساعدني اكتر منا هساعدك

اولا
انت هتبطل الي انتا عايز تبطله ده من بكره " متخدهاش خبط لزق "
و بعدين هتبطلها يوم واحد بس
و هتعملها يومين " لو مش عايز تعملها مش ضروري ^^ "
و بعدين هتعكس " هتبطل يومين و هتعلمها يوم "
و بعد ذلك
هتتحدي نفسك انك تقدر تبطل 3 أيام ورا بعض
و من ثم اسبوع


بعد الاسبوع ده هعمل موضوع تاني نشوف فيه نتايج الي حصل

الي عايز يشترك ف الموضوع يسيب رد يقول فيه مشترك و من ثم تعليقه علي الموضوع " و شكراا ^^ "