APB From Game First

[tiger1091]

بسم الله الرحمن الرحيم

اول موضوع في القسم دة ليا

اللعبة دية من شركة EA Games

دة قبل ما كانت بقت Free 2 play

ودلوقتي بقت تبع شركة GameFirst

اول حاجة نبدأ مع الشخصيات

الشخصيات بتنقسم الي Enforce وCriminal

و الحكاية كلها انك بتعمل مهمات فيها حماية او قتل او تدمير او حرق او سرقة علي حسب مع كل بارتي في الجيم

و ديلوقتي اسبلكم شوية صور








Download

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


Reg

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


و نيجي للشرح ودة بواسطة العضو DesertEagle

بصو انا بلعب الجيم ديه على سيرفر جوكر و اسمى MelodyHits عموما انا هحاول ابسطهالكو

فى أول اللعبه بتعمل شخصيه بس طريقه عمل الشخصيه خراااااااافيه بتغير حجات كتير زى الشعر و العين و الجسم و لكل حاجه فى اكتر من 20 تظبيطه و بعد كده بتختار يا تبقى كريمينال حرامى او انفورسر و الأنفورسر ده شبه البوليس شويه و كمان بيبقى ليك عربيه خاصه و بتشتري تجديدات ليها و كده المهم انت دلوقتى المفروض اوتوماتك اول ما بتنزل اللعبه و هى عباره عن مدينه كبيره و فيها بيوت كتيره بتخشها و جراجات و حكايه كبيره كده اللعبه بتدورلك على جروب او مجموعه مكونه من 4 اشخاص كحد اقصى و ممكن الجروبات يتححدو و يعملو تيم يوصل ل20 شخص مشترك و لما كلكو بتعملو ريدى بتخشو مهمة مع بعض مثلا انكو تسرقو عربيه او تولعو فى مخزن و سعات بتخشها انت و المعاك بس منغير حد ضدكو او ممكن تخش ضد الأنفورسر ( ده لو انت كريمينال\حرامى) و ديه بقى اللعبه البجد مثلا المهمه تكون انك تسرق عربيه و توصلها لمكان محدد يقوم الأنفورسر يحاول يقتلك عشان يمنعك لحد ما الوقت يخلص و البيكسب فيكو بياخد اكس بى و بيعدى الفلات و بياخد فلوس و رانك...

ديه قائمه الفلات للكريمينال : Bronze 1->10 >>> silver 1->10 >>> gold 1->10

انا معرفش الانفورسر بس عموما هما 30 لفل بس لما بتخسر مهمات بتنقص فى الفل و العكس صحيح و كل ما بتعلى فى الفل تقدر تشترى اسلحه اقوى و سعات اسلحه فتاااكه زى الأر بى جى

و فى نفس الوقت فى حاجه تانيه اسمها نوتوريتى ( شغب ) و بريستيج ( حمايه ) الكريمينال عندو النوتوريتى و الانفورسر عندو البريستيج و ديه حاجه بتحصل عليها ( لو انت حرامى ) بقتل الناس او تهديدهم الهما الناس العاديه او الناس البتلعب زيى زيك كده ديه اخرها لفل 5 و لو وصلت لى نوتوريتى 5 كل البوليس هيبقى بيحاول يقتلك عشان لو قتلك بياخد مكافأه و فى نفس الوقت لو واحد من البوليس بريستيج 5 كل الحراميه تحاول تقتلو مقابل مكافأه ماليه

بس هى صعبه شويه انها تتجاب و كمان كل ما بتخش بتبدأ بنوتوريتى\بريستيج 0 و حتى لو جبت مثلا نوتوريتى 3 و بطلت تقتل هتبدأ تقل مع الوقت لحد متوصل لى 0 تانى

تعديل : اضافه : هناك ((انواع)) من الأسلحه مثل مطلقه الصواريخ ( ار بى جى ) \ سنايبر \ مسدس \ ماشين جان الهو بيضرب بسرعه اوى ده \ رايفل ( رشاش ) \ ساب ماشين جان زى الماشين جان بس اخف منو فى الوزن و اقل فى السرعه بشويه

كل نوع من الأنواع ديه فى على الأقل 10 اسلحه و الرايفل فيه اكتر من 20 سلاح

تعديل اخر : نسيت اقولوكو ان اللعبه فيها ناس نى بى سى زى فى سيلكرود دول بتشترى منهم الأسلحه و ممكن تعمل معاهم حاجه اسمها بليدج و لما بتعمل كده بيديك مهمات خاصه و ديه بتديك جوايز زى مثلا ان تقوى السلاح و فيه 3 عائلات من النى بى سى ممكن تخشهم انا للأسف معرفش غير بتوع الكريمينال الهما : blood roses - king G- presditans و مينفعش ترتبط غير بواحده بس من العائلات و كل عائله ليها مهماتها و جوائزها بس حاسب كل عائله من دول بتبيع اسلحه مختلفه مثلا ممكن عيله مبتكونش بتبيع سنايبر كتير و عائله تانيه مبتكونش بتبيع رايفل احسن حاجه انك تفضل من غير عائله لحد ما تعرف انهى نوع من الأسلحه بتعرف تستخدمو اكتر بس ديه هتسيب الأسعار غاليه شويه لحد ما انت تخش فى عائله بس بعد ما تخش الأسعار هتبقى غاليه بنسبالك فى اى عائله تانيه غير العائله الأنت خشيت فيها ف أحسنلك تركز شويه

و الأن نأتى لقسم الأبداع فى الجيم : تقدر تصمم اشكال و تاتوو بأنك تستخدم الأشكال المتاحه لك ( و هما مئات او الاف ) و تدمجهم مع بعض عشان تطلع شكل واحد و فى الأخر تقدر تحطو كتاتو على جسمك او على العربيه بتاعتك او على لبسك عشان يبقى شكلو اجمد

ملحوظه : للأسف نظام السواقه صعب شويه و هتتعود عليه بعد فتره و ممكن تفتكر انو لاج بس هو مش لاج او حاجه هو كده

اللعبه محتاجه جهاز عندو امكانيات جباااره يعنى رامات 4 جيجا مثلا و احتمال ميكفيش و انترنت سرعتو عاليه عشان ميبقاش فيه لاج و هى ديه المشكله البتواجه معظمنا مثلا انا جهازى القديم كان رامات 2 جيجا مكانوش بيكفو و سعات كان بيدينى كراش بسبب كده

من الأخر اللعبه دي خرافه و يا ريت يكون عجبكو الشرح لأنى مش ناقلو و قعدت وقت كتير بكتب فيه

و دلوقتي سلام