Dreams Tera

[mega2000x]

بداية كلكم عارفين طبعا لعبة Tera Online , و اكيد عارفين انها P2P وده اكيد سبب ان فيه كتير مش بيلعبوها , لكن الخبر الحلو ان اتعمل ليها من قريب برايفت سيرفر , هو مش واحد الحقيقة هم اثنين , فانا ماحبتش اعمل الموضوع غير لما اجربهم بنفسى و جربت فعلا الاثنين , و اسماء السيرفرين هم GameZ Tera و Dreams Tera , طبعا السيرفرات لسه فاتحة من قريب فلسه فى البيتا و اللعبة ما زال فيه bugs لكن بيحاولوا على قدر الامكان يخلوها زى السيرفر الرسمى , انا الحقيقة قلت اجرب الاثنين و اشوف اى سيرفر اكثر ملائمة للتجربة من يث قلة المشاكل اللى فيه و لقيت ان السيرفر ده هو Dreams Tera , و قبل ما احط لينك السيرفر حديكم نبذة مختصرة عن اللعبة





لعبة تيرا لعبة MMORPG تتميز بالجرافيك عالى الجودة و هو يعتبر من اعلى الجرافيك لألعاب الاونلاين الموجودة حاليا , اللعبة خليط بين RPG و ما ال Action , و اللى بيميزها انك ممكن تستخدم ذراع للعب بدل من الماوس و الكيبورد



اللعبة بتتميز كمان بتعدد ال Races و ال Classes اللى ممكن تختار منها , و كمان ال Classes مش Gender locked, بمعنى انك تقدر تختار اى Race و تختارله اى Class بدون قيود زى بعض الالعاب الثانية , و دلوقتى حشرح نبذة مختصرة عن كل Race و Class



Races

اللعبة فيها 7 انواع و هم

Aman





Baraka





Castanic





Elin





High Elf





Human





Popori





و دول كل ال Races اللى فى اللعبة , نيجى دلوقتى للكلاسات




اللعبة فيها 8 كلاسات و هم


Lancer

اللانسر يعتبر هو التانك الاساسى فى لعبة تيرا , و سلاحه عبارة عن درع و و رمح , و هجماته كلها خليط بين الدفاع و الهجوم , و لو توقيت الدفاع كان دقيق حيقدر يصد الهجمة من غير ما حياته تنقص , وكمان يعتبر تانى كلاس فى الترتيب من حيث امتلاك اكبر معدل لل HP, من ناحية تانية هجوماته ضعيفة لكن سكيلاته ليها تأثير واسع المدى فده بيسمحله يهاجم اكثر من عدو فى نفس الوقت , و كمان سكيلاته بتسبب Stun للاعداء فده بيديه فرصة انه يهاجم تانى و كمان يديه فرصة انه يدافع فى الوقت المناسب لأنه بطىء فى الهجوم , و نظرا لبطىء هجومه حيكون صعب التحكم فيه شوية بالنسبة للمبتدأين لأن بسبب البطىء ده حيكون صعب تدافع بالدرع فى الوقت المناسب , فحيكون محتاج شوية ممارسة لاتقان استخدامه






Warrior

المحارب يعتبر هو التانك التانى و الاخير فى لعبة تيرا , و المحارب هنا بيستخدم سيفين و هو يعتبر صاحب اعلى معدل HP وكمان اسرع واحد , المحارب يعتبر برضه ضعيف فى الهجوم , لكن اقوى من اللانسر , لكن نظرا لسرعته و قدرته على المناورة فهو يعتبر كلاس DPS جامد فى اللعبة , و قدرته على المناورة و سكيلاته اللى بتسبب stun للاعداء بتخليه ياخد المركز التانى كتانك فى اللعبة





Berzerker

و ده يعتبر كلاس DPS نظرا لهجومه العالى و كمان ارتفاع ال critical بتاع هجماته , سلاحه عبارة عن فاس عملاق , بطىء شوية فى الهجوم , لكن يعتبر من اقوى الكلاسات فى اللعبة من ناحية الهجوم , و بالرغم من قوة هجومة الا انه لا يفضل استعماله كتانك فى اللعبة لأن دفاعه يعتبر متوسط و من السهل انقاص حياته بسرعة







Slayer

يعتبروا ثانى DPS فى اللعبة , و سلاحهم عبارة عن سيف عملاق و يعتبروا فى المرتبة الثالثة من حيث قوة الهجوم , كمان ال critical بتاعهم علاى زى ال Berzerker , و نفس الحكاية , لا يفضل استعماله كتانك لضعف دفاعة زى ال Berzerker






Archer

الكلاس المفضل بالنسبة لى فى تيرا , و الميزة هنا فى تيرا انك مش حتحتاج تشترى كل شوية سهام , لأنه ببساطة السهام اللى بيستخدمها سحرية , ال Archer حاصل على المرتبة الاولى من حيث اعلى قوة هجوم و اعلى critical و كمان اكبر range للهجوم و بطبيعة الحال اعلى DPS, لكن من ناحية تانية هو يعتبر صاحب ثانى اقل معدل Hp فى اللعبة , فطبعا يفضل عدم الاقتراب نهائيا من الاعداء , لكن غير كده هو يعتبر اقوى كلاس فى اللعبة





Sorcerer

افضل كلاس DPS فى تيرا من حيث الهجمات واسعة المدى لالى بتشمل اكثر من عدو فى نفس الوقت , والساحر يعتبر رابع اقوى هجوم بعد ال Archer , Berserker , Slayer ,و كمان معدل الحياة بتاعه اعلى من ال Archer





Priest

طبعا هو ال Healer الاساسى اللى فى اللعبة , و هو صاحب ال معدل Hp فى اللعبة , و اقل قوة هجوم , و اقل critical , و بطبيعة الحال ليهم سكيلات هجوم , لكن اكثر ميزة ليهم و دى اللى ممكن تخلى ال Priest المحترف يتفوق على الكلاسات التانية , ان عندهم سكيل بتخلى العدو ينام لفترة طويلة , تقريبا 30 ثانية او اكثر , و ده طبعا بيسمح لل Priest انه يشفى نفسه و يشفى زمايله و يهاجم كمان و ده ممكن يديله افضليه كبيرة



[IMG][/IMG]

Mystic

أخر كلاس فى اللعبة , و هو يعتبر ال Support اللى فى اللعبة , من حيث استخدامه سكيلات تزود الدفاع و الهجوم (بفات ) و كمان سكيلات تضعف الخصم (ديبافات ) و كمان سكيلات heal , لا وكمان عندهم القدرة انهم يستدعوا وحوش تحارب بجانبهم و ده بيديهم ميزة كبيرة طبعا بالرغم ان هجومهم هو الاضعف فى اللعبة





و بكده اكون شرحت كل الكلاسات اللى فى اللعبة















Trailer



Gameplay Trailer



PVP





نرجع بقى لموضوعنا , البرايفت سيرفر , Dreams Tera , انا السيرفر جربته بنفسى و شغال تمام ولحد دلوقتى ما قابلنيش Bugs على خلاف Gamez Tera ,ودى صور شخصياتى اللى انا عملتها عشان تتأكدوا ان السيرفر شغال تمام
















وده لينك السيرفر

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

حتعملوا اكونت فى المنتدى بتاع السيرفر و حيكون الاكونت ده هو اللى حتدخلوا بيه اللعبة

وده لينك تحميل اللعبة على التورنت , النسخة دى بتاعة السيرفر فيادوب حتحملوها و تشغلوا اللعبة من Dreams Launcher

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اللعبة مساحتها تقريبا 26 جيجا فعايزة شوية صبر عشان التحميل , لكن تستاهل بصراحة

و اتمنى فى النهاية ان الموضوع عجبكم و ياريت تنضمولى فى اللعبة لأنها روعة بجد

تحديث بتاريخ 11/17 : سيرفر GameZ Tera نزل ابديت امبارح حل فيه مشاكل كتير فى اللعبة , فبقت تقريبا زى Dreams Tera من حيث ال Bugs و يمكن ال Bugs فيها بقت اقل كمان من Dreams Tera , اللعبةمش حاطين ليها تورنت زى Dreams Tera فاللى عايز يجربها قدامه حل من اتنين : يا اما يعمل Trial Account فى النسخة الاوروبية (لأن النسخة الامريكية عاملة بان للشرق الاوسط عشان على كلامهم العرب حرامية اكونتات و هاكرز و للأسف فيه كتير من العرب بيعملوا كده و خصوصا فى سيلك رود و ده اللى سوء سمعتنا ) , المهم بعد ما تعمل اكونت فى النسخة الاوروبية تحمل اللانشر و تحمل منه اللعبة و اهو منها برضه تقدر تجرب Trial لمدة 7 ايام على السيرفر الرسمى و ليك توصل لفل 23 , يا اما الحل التانى و اللى شايفه الافضل , انك تحمل تورنت سيرفر Dreams Tera و بعدين تحط فيه لانشر سيرفر GameZ Tera و الابديت اللى على موقعهم و خلاص على كده , لكن برضه تخلوا نسخة من فولدر اللعبة عشان لو حصل خطأ او حاجة , دايما اللالعاب اللى مساحتها كبيرة تخلوا منها نسخة عشان لو حصل مشاكل ما تحملوهاش من الاول , و ده لينك السيرفر للى عايز يجربه :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[UnderCover!]

العب يا بو ميجــــا
هو ده الشغل يا معلم

اللعبة مساحتها تقريبا 26 جيجا

[mega2000x]

ههههههههههههههه و الله يابنى اللعبة روعة , تيرا و ايون من اجمد العاب الاونلاين اللى لعبتها

[UnderCover!]

ههههههههههههههه و الله يابنى اللعبة روعة , تيرا و ايون من اجمد العاب الاونلاين اللى لعبتها

انا حسبتها بالورقه و القلم يا ميجا
طلع اني عشان احمل تيرا
لازم 3 اسابيع متواصله
لأن النت عندي سرعتوا بتتراوح بين
40kb/50kb

[mega2000x]

المشاركة الأصلية كتبت بواسطة undercover! عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا حسبتها بالورقه و القلم يا ميجا
طلع اني عشان احمل تيرا
لازم 3 اسابيع متواصله
لأن النت عندي سرعتوا بتتراوح بين
40kb/50kb
:mf_flush:

طب ياعم ماتشوف حد تعرفة النت عنده سريع يحملهلك و نفس الكلام للعبة ايون , على الاقل حمل ايون اهو مساحتها 15 جيجا ارحم شوية و اللعبة و الله تستاهل , الواحد لما بدأ يلفل ويشوف الحاجات اللى فيها اللعبة طلعت مبهرة بصراحة , فحاول تحمل ايون دلوقتى و نلعبها مع بعض

[UnderCover!]

ولله ماعرف حد عندوا نت سريع و جدع
يحملهالي

على الاقل حمل ايون اهو مساحتها 15 جيجا ارحم شوية و اللعبة و الله تستاهل

و الابديت 15 جيجا يا خويا
ههههههههههههههه

[mega2000x]

المشاركة الأصلية كتبت بواسطة UnderCover! عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ولله ماعرف حد عندوا نت سريع و جدع
يحملهالي



و الابديت 15 جيجا يا خويا
ههههههههههههههه

هههههههههههههه لا ياعم مش للدرجة دى , الابديت كبير اه بس مش كده يعنى , طيب مفيش سيبر تعرفه عنده اللعبة ؟؟ عيب سيابر مصر ماتلاقيش عليها عير Silkroad , Conquer , wolfteam ههههههههههه مابيكلفوش نفسهم و يعملوا العاب تانية تشد الناس , عموما شوف لو جنبك سايبر تعرفه ولا حاجة يعملهاك

[UnderCover!]

عيب سيابر مصر ماتلاقيش عليها عير silkroad , conquer , wolfteam ههههههههههه مابيكلفوش نفسهم و يعملوا العاب تانية تشد الناس

هههههههههههههه
اديك عارف اللي فيها

عموما شوف لو جنبك سايبر تعرفه ولا حاجة يعملهاك

هيطمع و ياخد فلوس بالهبل
+
هيقعد يقولي عدي عليا بكرا عدي عليا بكرا

[mega2000x]

المشاركة الأصلية كتبت بواسطة undercover! عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هههههههههههههه
اديك عارف اللي فيها



هيطمع و ياخد فلوس بالهبل
+
هيقعد يقولي عدي عليا بكرا عدي عليا بكرا

ما انا عشان كده لقولك شوف سايبر تعرفه , لو ميش بقى خلاص , بس انت ممكن برضه تحملها فى فتحك العادى للكمبيوتر , يعنى لما تفتحه عشان تلعب افتح التحميل وماتشغلش بالك بيه وماتحطش فى بالك انك بتحمل و برضه لو فى الامكان تسيبه فترات مفتوح يحمل , انت اهم حاجة انك ماتحطش فى بالك انك بتحمل حاجة , و مسيره يخلص فى يوم هههههههههههههههه

[™ └ Jo MaNsOuR ┘ ™]

انتا قفلتنى بجد :-)
26 جيجا و ممكن بعد ما انزلها متشتغلش على الجهاز ^اوبح^

[«™Şhãdow™»]

لعبة حلوة وانشاء اللة ممكن احملها بس 26 جيجا مش كتير بس هيا جرافكها حلو اوي

[UnderCover!]

ما انا عشان كده لقولك شوف سايبر تعرفه , لو ميش بقى خلاص , بس انت ممكن برضه تحملها فى فتحك العادى للكمبيوتر , يعنى لما تفتحه عشان تلعب افتح التحميل وماتشغلش بالك بيه وماتحطش فى بالك انك بتحمل و برضه لو فى الامكان تسيبه فترات مفتوح يحمل , انت اهم حاجة انك ماتحطش فى بالك انك بتحمل حاجة , و مسيره يخلص فى يوم هههههههههههههههه

بيخد سرعة التصفح كلها
يعني لو الدونلود اشتغل مفيش تصفح ولا العاب اونلاين

[mega2000x]

المشاركة الأصلية كتبت بواسطة undercover! عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بيخد سرعة التصفح كلها
يعني لو الدونلود اشتغل مفيش تصفح ولا العاب اونلاين

ياراجل للدرجة دى ههههههههههههه , لا انا بشغل كله عادى من غير مشاكل

[UnderCover!]

ياراجل للدرجة دى ههههههههههههه , لا انا بشغل كله عادى من غير مشاكل

نت عن نت
يفرق

[mega2000x]

بس جرافيك اللعبة روعة بجد , انا مشغله على اللاب عندى على اعلى جرافيك عشان عندى اللاب : Intel Core i7 3rd gen , 8GB Ram , ATi Radeon HD 7730 2GB , بس على الكمبيوتر مشغلها على ال low بالعافية ههههههههههههه , بس ناوى احدث الكمبيوتر قريب ان شاء الله , عشان برضه اللعب على اللاب مش ممتع قوى زى الكمبيوتر