ضابط مطافئ يعلن ترشحه لانتخابات رئاسة الجمهورية

[elhaidi]

أعلن الرائد ياسر أبو المجد الضابط بمطافئ الجيزة عن ترشحه فى انتخابات رئاسة الجمهورية، مشيرا إلى أنه سيتقدم بأوراق ترشحه يوم 10 مارس المقبل للجنة انتخابات الرئاسة بعد أن يقدم استقالته من وزارة الداخلية، وأنه قام بالانتهاء من وضع برنامجه الانتخابى المكون من أربعة محاور رئيسية، وهى التعليم والاقتصاد والأمن والقضاء وسيقوم بالإعلان عنه خلال الأيام القادمة.

وقال أبو المجد فى تصريح لـ "اليوم السابع" إنه على الرغم من أن ثورة 25 يناير قامت يوم عيد الشرطة للتعبير عن رفض المتظاهرين لممارسات الداخلية، إلا إننى لا أخشى شيئا بكونى ضابط شرطة، فليس كل الضباط فاسدين فلقد تعرضت للإيقاف عن العمل من قبل، وتم إحالتى للتحقيق فى الداخلية بسبب مطالبتى بتطهير الوزارة من الفاسدين، وقمت كثيرا بمساندة مطالب الثوار، وجلست كثيرا معهم فى ميدان التحرير.

مشيرا إلى أنه أنهى جميع أوراق ترشحه للرئاسة وسيتقدم باستقالته لوزارة الداخلية، حتى يسمح له بمباشرة حقوقه السياسية فى الإدلاء بصوته فى الانتخابات والترشح للرئاسة.

المصدر: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[elhaidi]

انا متوقع التعليقات من قبل ما تتقال

بس يا ريت ناخود الكلام دة بالعقل الراجل دة هيستقيل من شغلو علشان يبقى فاضى للانتخابات الرئاسة معنى كدة انة بايع نفسة علشان يبقى ريس هو شايف نفسة ممكن يكون رئيس و الى واحلو الفكرة دة حبة لوطنة و اعتبرو زى اى مرشح تانى

ربنا معاة

هية فعلا محتاجة ظابط مطافى علشان يطفى النار الى فى البلد دة

[CrazySoraqa]

حـــرام يسيب شغلو عشان حاجه مش مضمونه كدا كدا هيخسر الا اذا

[Mr_FanToMs]

انا هاخلي ابويا يترشج للرئاسه

[Just_Warrior]

انا كنت مأجل الموضوع دا شوية
بس انا حقلكم خبر حصرى ل سيلك رود 4 عرب
لقد قرر السيد طارق ابو الواد صهيب و صاحب بقالة (منعم )انة سيتقدم بأوراق ترشحة لرئاسة الجمهورية فى ال 10 من مارس المقبل
وقد قام سيادتة بتهديدات صريحة و واضحة لأهالى المنطقة مفادها انة سيقوم بقطع كافة مواد الغذاء عن المنطقة فى حال عدم تأييد السكان له
و الله الموفق و المستعان

[Sky_AnGel]

ربنا معاة بس حرام يسيب شغلة لانها مش مضمونة

[☜ ĂиTaKą ☞]

ع البركه

[! FiRe !]

فعلا مخاطرة كبيرة
وبعدين عشان يتقدم لازم توقيع 30 ألف مواطن أو تقريبا والله أعلم بالرقم 30 او 40 عضو من مجلس الشعب

[MadOmar]

ملهاش لازمه نفسي اعرف الناس دي بتكون داخله ع اساس ايه يعني هما بيكون متأكدين 100% ان هما خاسرنين ايه لازمتها

[Funmusic]

وماله ليه لأ

فرصة للناس تبدأ تحلم بنفسها شوية

بس أحيانا الأحلام دى بتوسع أوى منهم

[JungleRule]

حرام يتخلى عن عمله لانى ديه حاجه فى علم الغيب

[MAXx__warrioR]

لول ..انتا لو سألته عاصمه امريكا اى مش هيعرف
ناقصه هبل

[SmartMad]

فيلم ظاظا عامل شغل فى البلد

[CError]

انا كنت مأجل الموضوع دا شوية
بس انا حقلكم خبر حصرى ل سيلك رود 4 عرب
لقد قرر السيد طارق ابو الواد صهيب و صاحب بقالة (منعم )انة سيتقدم بأوراق ترشحة لرئاسة الجمهورية فى ال 10 من مارس المقبل
وقد قام سيادتة بتهديدات صريحة و واضحة لأهالى المنطقة مفادها انة سيقوم بقطع كافة مواد الغذاء عن المنطقة فى حال عدم تأييد السكان له
و الله الموفق و المستعان

No Comment ^^

[Metro]

وسعت منة اوي رئيس جمهورية اية يابا