وبعدين معاااااااااك

[™Tea®s. king™]

بسم الله والصلاة والسلام على رسول الله وآله وصحبه ومن والاه

ثم أما بعد:
فإخوتي في الله
أشهد أن لا إله إلا الله وأن محمدا رسول الله


لسه ما زهقتش ........ لسه ماقرفتش .......... لسه ما ندمتش
طيب هاتزهق إمتى؟؟ هاتقرف إمتى ؟ هاتندم إمتى ؟؟؟
مش عاوز تحب ربنا ليه ؟؟؟


دا إنت كل اللي أنت فيه منه .... ومن نعمه عليك

وأكبر نعمه عليك إنه لسه سترك وسايبك ومستني ترجع له.........

مش عاوز ترجع له ليه ؟؟؟

مش عاوز تتوب ليه ؟؟؟

مش عاوز تنضف ليه ؟؟

كفايه بقى !!!

مش خايف منه ؟؟؟

مش خايف من عذااااااااااااابه ؟؟؟؟

بتقول بخاف ......... طيب ليه ؟؟؟؟؟؟

مش عاوز تتوب ليه
هو فيه حاجه أحسن من قربه ......... دا خلقك لعبادته
البنات اللي أنت عارفهم مش هاينفعوك دول بيبعدوك عنه ويقربوا لك سخطه اللي أنت مش قده
حد فيهم يقدر يحميك منه ؟؟
طيب حد فيهم يقدر يشيل عنك المرض ؟؟؟
طيب حد فيهم يعطيك حسنه واحده يوم العرض عليه ؟؟؟؟؟؟؟؟؟

والأغاني لسه بتسمعها ليه ؟؟
عارف إنها حرام ومع ذلك كأنك بتقول أيوة أيوة عارف بس مش خايف – ما يهمنيش – ولما تيجي تسمع أغنيه تلاقي قلبك بيتخلع من جسمك وتبكي وتتأثر
لأنك أصبحت عبد هواااك – بل في الأصل عبد للشيطان يأمرك فتنفذ – لا تستطيع فك القيد الذي أحاط بعنقك ويعصر رقبتك والعجيب أنك متلذذ به مستمتع به – وأوعى تقول أصلي ما كنتش أعرف – لأ أنت عارف كل حاجه عارف الصح من الغلط – عارف ان فيه جنه وفيه نار مع ذلك لا تبالي .............


والنت والمواقع الإباحيه لسه بتتفرج والصور الخليعه – أنسيت أن ربك شايفك ولكنك جعلته أهون الناظرين إليك – يعني لو دخل عليك طفل صغير وأنت بتتفرج على حاجه من دي هاتعمل أيه ؟؟؟ على طول هاقفل ....... وهاتقول أصلي هاسقط من نظره – دا طفل – عملت حسابه
ألان فلتتق الله ولتخافه أيها الأخ............

وأنت يا أختااااااااااااه – لما تفعلين مالا يوافق رضاااااااااه – لما الى الآن تعصين الله ؟؟
مش عاوزه تتحجبي ليه ؟؟؟؟؟؟؟
مش عاوزة تنتقبي ليه ؟؟؟
بتقولي مش مقتنعه وعاوزاني أقنعك الأول – يبقى المفروض سؤالك يكون إني أقنعك بالدين
طيب
فرحانه باللي ربنا اداهولك ليه ومفكره نفسك جميلة الجميلات – فعاوزه تظهريه وفي معصيه الله ليه ؟؟
ماهو قادر ياخده منك في لحظه

الناس اللي عمالين يتوددوا لك من الشباب دوول لو جرى في وجهك حاجه مش هايطيقوا يبصوا في وشك...... جلدك ده هايذوب في النار ........ وأنتى لا تبالي ...................
بس إعرفي إن الموت يأتي بغته ... الموت اللي نسيتيه ....... وبتقولي لما أتجوز ولما أخلًف ولما أكبر أنا لسه صغيرة عالحاجات دي – في لحظه هاتعرفي إنك كنتي في نعمه إنك ممكن تتوبي وأنتي ضيعتيها

أمامنا طريقان لا ثالث لهم
إما الى الجنه وإما الى النار

فإختااااااااااااااار وأنت حر في الاختيار

وتخيل نفسك في الجنه ودي طريقها سهل جداااااااااااااااااااااااا طريقنا الى رضى الله

وتخيل نفسك في النار ومعك من كنت تطلب رضاااااااااه في الدنيا – الشيطان

إرحم نفسك وتووووووووووب

فوووووووق

أنظر فوقك

إنه الله

أرفع يديك

قل لا إله إلا أنت ربي خلقتني وأنا عبدك وأنا على عهدك ووعدك ما إستطعت أعوذ بك من شر ما صنعت أبوء لك بنعمتك علي وأبوء بذنبي فإغفر لي فإنه لا يغفر الذنوب إلا أنت
قل لا إله إلا أنت سبحانك إني كنت من الظالمين

قل ربي تبت وندمت وعزمت بفضلك على ألا أعود الى المعاصي أبداً
أبكي

ما إنت ياما بكيت من أغنية أو فيلم أو موسيقى أو ........
أبكي : بتقول مش عارف أبكي أصل دموعي عزيزة
عزيزة على مين ياعم على ربك
أبكي دلوقتي وإلحق نفسك
فلعل دمعة صادقة تكون سبب في أن لا تمسك النار
وإلا فإنتظر بكاءاً لا ينقطع
وناراً لا تنطفيء

أبكي أخي وأبكي أختاه
أبكوا من خشية الله
وإلا فابكوا على أنفسكم ..................

وسبحان من إذا قال عبده العاصي تبت قال الملك وأنا قبلت

[Kemo Eagle]

ربنا يهدينا كلنا اميين يا رب
جزاك الله بمثله خيرا
والله مواضيعك جميله ومفيده

[HoaxBoii]

ايه دا
بسم الله مشاء الله
مواضيعك كلها wowwwwwwwwwwwww
استمر يا استاذ

[™Tea®s. king™]

^^
جزاكم الله خيرآ

اهوة عشان لو مت تبقا صدقة جارية

[Kemo Eagle]

المشاركة الأصلية كتبت بواسطة •°o.o last__hero0o o عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

^^
جزاكم الله خيرآ

اهوة عشان لو مت تبقا صدقة جارية

ومصغر الخط ليه ؟ خايف تموت بجد ::)
الاعمار بيد الله وبإذن الله المواضيع دى
تنفعك فى ميزان حسناتك يارب خفف علينا سكرات الموت

[™Tea®s. king™]

^^ امين يارب
والله مش خوف بلعكس انا بحس ان الموت رحمة

[DeMooN_Hell]

بصراحه موضايعك حلوه

[™Tea®s. king™]

ربنا يخليك

دى شهادة اعتز بيها

[lion heart]

جزاك الله كل خير

[™Tea®s. king™]

المشاركة الأصلية كتبت بواسطة lion heart عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

جزاك الله كل خير

جزاك الله بمثله