Innovation and inspiration

[~Soon~]

بسم الله الرحمن الرحيم ..

هنتكلم شويه عن الابتكار “الابداع” و الاسلتهام ..
الاول اى عمل فنى لازم هيكون بيلامس شخصيه صاحبه .. بمعنى ان بتظهر ملامح شخصيه الفنان نفسه من خلال اعماله بوضوح كامل ..
تخيل . انك فاتح الفوتوشوب . قررت تعمل تصميم .. لو التصميم غالب عليه لون معين . ممكن يكون دا لانك بتحب اللون دا ! ممكن يكون برده لان اللون دا مناسب لحالتك المزاجيه فى الوقت دا ! حتى فكره التصميم او العمل الفنى بالكامل بتكون مبنيه على شخصيتك فى الاساس ..
تعالو الاول نشوف كام حاجه محتاجين اننا نعرفهم .. ممكن تقولوا اننا هناخد فكره عن كام حاجه كده من تعريفاتهم ..

1. الابتكار “الابداع” :

.. دا موش مجرد انك بتعمل عمل فنى رائع .. لا .. انت بتعمل عمل فنى “جديد” فيه نوع من الحداثه .. موش مجرد انك جبت مثلا طريق قديم و طغيت عليه بشخصيتك ! لا انت قدمت حاجه جديده .. حديثه .. متعملتش قبل كده .. بس الابتكار او الابداع له نوعين ::

النوع الاول : الابتكار المطلق “الابداع المطلق” :

ودا صعب الحدوث ,, لانك بتكون استحدثت عمل كامل . موش جايب فيه اى اساس من حاجه قديمه .. وان كان فيه حاجه قديمه او فكره قديمه .. بتكون تافهه بالنسبه لحجم العمل لدرجه انها متتشافش من الاساس ..

النوع التانى : الابتكار النسبى ” الابداع النسبى” :

و دا الغالب حاليا .. بمعنى ان فى فكره قديمه .. معموله بطريقه معينه .. انت بتشتغل على نفس الفكره .. بس بتعملها بطريقتك انت .. مثال بسيط قوى ” مثلا كلمه محمد مكتوبه بخط تاهوما .. انت كتبت نفس الكلمه بس بخط ثلث ” دا مثلا طبعا ..
بمعنى اخر .. ان الهدف من العمل او الغايه منه او الناتج فى الاخر .. مشترك او متشابهه مع حاجه تانيه اقدم منه .. زى فى المثال اللى فات .. كلمه محمد مكتوبه “دا الناتج بتاع العملين” .. زى مثلا لما تعمل تصميم مدونه ! انت موش اول واحد يعمل تصميم مدونه , بس انت بتبتكر طريقه عرض جديده .. بس موش بتكون برده ابتكار مطلق .. لا بتكون ابتكار نسبى ..

٢. الاستلهام :

الاستلهام موش نتيجه .. يعنى الابتكار بيكون فى الاخر نتيجه واضحه بتتمثل فى “صوره , تصميم , منتج” .. اما الاستلهام فهو طريقه .. الاستلهام معناها انك بتشوف افكار ناس فى ابتكاراتهم او ابداعتهم .. و من خلالها بتكون فكره جديده “يعنى انت بتستلهم علشان توصل للابتكار او الابداع الخاص بيك” .. مرحله الاستلهام مرحله شخصيه بحته .. يعنى اللى بيقيس مدى نجاحك فى الاستلهام هو شخصيتك .. ذكائك .. فكرك .. ثقافتك .. لان دا اللى هيحدد انت هتتأثر بأنهى افكار بالظبط .. يعنى بأختصار الاستلهام هو اللى بيبنى فى الغالب الابتكار او الابداع ..
من خلال كلامنا فوق عن الابتكار و الاستلهام .. الصوره اكيد وضحت كتير فى الفرق بينهم .. و كمان اتمنى تكون فادتك فى اعمالك الجايه ..

لكن فى حاجه مهمه جدا .. ايه الفرق بين الاستلهام و السرقه ؟

فى مقالات كتير قريتها عن الموضوع دا .. بس من رأيى .. مفيش وجه شبه بينهم اساسا .. لان الاستلهام بمعناه الحقيقى .. بيوصل على الاقل ل “الابتكار النسبى” .. اما السرقه .. فبتوصل للنسخ “بمعنى انك بتنسخ من اعمال الغير . حتى لو كان نسخك دا خارج بطريقه انك واخد من كل لوحه حته .. فى الاخر – سرقه – “..
علشان تهرب من سرقه الاعمال .. قدامك طريقه سهله جدا .. مهما عجبتك حاجه او ميزه او مظهر حاجه .. متحاولش تعمل زيها . قد ما تحاول تنتج عمل رائع بدرجه اعلى منها و بطريقه جديده تماما و باختلافات جذريه .. فى الحاله دى انت موش بتسرق ..

اتمنى ان المقال يعجبكم .. و ان شاء الله تكونوا استفدو

دمتم سالمين …

[╣VendeTTa╠]

جميييييل

[The_Mask]

الموضوع ده ممكن يثبت بس لو ظبط التنسيق شوية

[iZexo]

يعني فل

بس هي الcreativity دي موهبة برده

[~Soon~]

بس هي الcreativity دي موهبة برده

بص هي في رايي صفة مكتسبة زي الرسم لو اتدربت كتير هتبقي كويس فيه

طبعا مبنكرش اهمية الخيال بس انك تتخيل حاجة وتتطبق اللي في دماغك حاجة تانية خالص

[iZexo]

بص من الآخر خلاصة تجاربي لازم أتخيل حاجة كبيرة أوي حاجة بنت وس** فش*ـخـ* عشان أطلع تصميم حلو لو إتخيلت التصميم الحلو ده بطلع حاجة ممسوح بيها البلاط سبع مرات قبل كدا

[X-T!GeR]

تسلم على الموضوع

بس انا بتفق مع مصطفى في النقطة دي

المشاركة الأصلية كتبت بواسطة iZexo عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بص من الآخر خلاصة تجاربي لازم أتخيل حاجة كبيرة أوي حاجة بنت وس** فش*ـخـ* عشان أطلع تصميم حلو لو إتخيلت التصميم الحلو ده بطلع حاجة ممسوح بيها البلاط سبع مرات قبل كدا

+1

[MyRȝturn]

شكــــــــــــراً يا باشا

[~Soon~]

بس انا بتفق مع مصطفى في النقطة دي

بتتفق مع ايه بالظبط ؟؟ اصل انا مش فاهم حاجة

انا حاسس ان انا بتكلم مع واحد من السبتية حاجة كدا

[iZexo]

السبتية دي تبقى .. . :d

[DeMooN_Hell]

Thanks