انا محتاج مساعده من اى مشرف ينجدنى احسن شكلى هلبس ف حيطه سد

[tit3o]

انا هحكى كل حاجة بالتفصيل ومعلش خليك معايا الى فاهم يقولى انا كان معايا الاكونت بتاعى وواحد طلب ابدله باكونت بتاعه المهم بدلنا وانا غيرت الهوتميل الى كان ع الاكونت بهوتميل جديد وغيرت الباسورد ومعايا السكرت انسر وكذلك هو وبدلنا وكله تمام وفل دخلت اللعبه لاقيت واجد بيكلمنى بيقولى انت فلان ؟ قولتله لاء انا مبدل الاكونت دا بالاكونت بتاعى قالى الاكونت دا متباع يجى عشر مرات وصاحبه بيرجعه تانى طبعا انا صعققققققت وقولت بس هتحصل فيا ف داخل دلوقتى اقولكوا انا عملت ايه علشان اامن نفسى وتقولولى بخبراتكوا انا كدا تمام ولا ولاء


اولا انا غيرت الاميل القديم الهوتميل الى كان ع الاكونت بواحد جديد انا عملته
ثانيا غيرت الباسورد ومعايا الانسر
جه المشرف الكريم هنا Scary قالى لازم يكون معاك الهوتميل القديم لان ف حركه بتتعمل ممكن يرجع بيها قولتله ماشى وخلت غير الاسم الاول والاخير ف الوتميل القديم وغيرت الاى دى كمان ومسحت الاى دى القديم خالص وغيرت الباسورد طبعا وحاليا طلبت تغيير لاميل الضامن قالى اودامك شهر بالظبط نوافق ع تغيير الاميل الضامن الى هو لو مش معاك الباس بترجعه بالاميل دا كدا تمام ؟

انا بقى قولت ما يمكن انا لما غيرت الاى دى بتاع الاكونت هو يدخل يعمل انه نسى كلمه المرور ويكتب الاى دى ويتبعتله رساله جاى بجرب قالى الاى دى الى كتبته غير صحيح ( طبعا الادى الى صاحبه عارفه مش الى انا غيرته ) قولت الحمد الله قولت ممكن يعمل اميل جديد بنفس الاى دى الى اناغيرته دا قولت اجرب اعمل اميل جديد بالايدى الى مسحته دا قالى انه مستخدم قولت الحمد الله وكدا امان


دلوقتى بقى عندى سؤال ممكن يكون صاحب الاكونت دا عامل حوار كبير عليا انه مغير الاميل كذا مره ومعاه الاصلى بتاع الاكونت ومدينى واحد من الى هو كان بيعملهم علشان ينصب بيهم واول اميل هو مسجل بيه ف كروس فاير معاه ؟ دا حوار جه ف دماغى وعاوز اتاكد منه برضه


ياريت لو الى هيرد مش فاهم حاجة فكلامى يقولى وانا هوضحهاله علشان بجد انا محتاج مساعده


وصحيح بقى نسيت اقول حاجة المشرف اسكارى قالى خلى معاك الاميل القديم تمام ؟ انا قولت برضه اعمل حركه جدعنه واديله الاميل القديم بتاعى ادتهوله وبعد ما سمعت الكلمتين دول من المعلم الى كلمنى ف اللعبه وقالى دا متبتاع عشر مرات غيرت الباسورد بتاع اميلى القديم بسرعه وقولت اخليه معايا علشان لو غدر بيا اكلمكوا بقى وترجعولى الاكونت القديم ووالله ما هنصب ولا ف نيتى اعمل نصبايه عليه ربنا يستر بقى بس ياريت ترودوا عليا واسف ع الكلام الكتير دا