-=-= الحل النهائى للعبة Silkroad والبحث عن بديل ارجوا الدخول والمشاركة بالأراء =-=-

[DuDeee]

السلام عليكم ورحة الله وبركاتة

قبل ما اى حد يقفل الموضوع يريت بس يبص علية ويشوف موضوعة يمكن نلاقى حل كلنا

طبعا فالفترة الاخير واكيد مش الفترة الاخير وبس لا الموضوع دا من زمان عن المشاكل الى بقينا نشوفها فاللعبة Silkroad

انا هقول اولا انى من محبى لعبة Silkroad لكن انا بجد زهقت ووصلت لدرجة الملل

عشان لما احاول فوق ال 4 ساعات ادخل على السرفر منغير فايدة فكده فوق الوصف بجد

دا غير المشاكل الى بتقبالنا كتير زى مثلا:

1- Block

2- السرقة

3 Scamme

4- مشكلة الدخول للسرفر ودا مش من دلوأتى لا دا من فترة كبير الموضوع دا (دا غير الموضوع الجديد الى حصل)

5- الجولد بوتر

6- اللعبة بقت مادية اكتر من انها ترفيهية (يعنى لازم تشحن سيلك ومش سيلك بس طبعا ;) )

دا غير مشاكل كتير تانية بنقابلها فاللعب وكل واحد عارف كدة كويس

طيب ندخل فالموضوع الاساسى بقى

بسبب كل دا انا فعلا قررت انى ملعبهاش تانى وانى بدل ما العب Silkroad فالوقت الى بكون فيه فاضى انى العب لعبة تانية

يعنى من الاخر الموضوع دا عشان نقدر نشوف لعبة تانية تكون بدل Silkroad

يعنى اكيد فى ناس كتير هنا بتلعب لعب تانية وعندها فكرة عن لعب كتير غير Silkroad

انا عايز كل واحد يحط رأية بالموضوع ولو عندة فكرة عن لعبة تانية او بيلعب لعبة تانى يشركنا بيها

وانا فعلا بدأت كده وبحاول انزل لعبة World Of Warcraft سمعت عن اللعبة دى وانها روعة

بس محتاجة انك تشحن ديما

فالوقت الحالى هستعين بموضوع الاخ WOLF 757 عامل شرح كامل عن اللعبة وبجد لو حاولت مش هعمل نص الى عمله

تقدر تدخل من هنا

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ارجوا ان فكرتى تكون وصلت لكل الاعضاء ونقدر نوصل لحل او للعبة تانية وعلى الاقل نتجمع فيها كلنا.....


بيوم 14/7/2009

انا قولت اضيفة هنا بدل ما اعمل رد وممكن محدش ياخد بالة
v
v

السلام عليكم ورحمة الله وبركاتة

انا امبارح بس فكرت فموضوع السيرفر اكورى لسيلك رود

المهم انى نزلت اللعبة ونزلت الميديا وعملت اكونت هوا ايوة قابلتنى مشاكل علبال ما قدرت اظبط اللعبة

بس بجد اكتشفت ان السيرفر الكورى للعبة جامد جداااا بجد ملوش حل جامد اخر حاجة يعنى.

وهقولكوا العيوب والميزات الى انا شوفتها

العيوب الاول (من وجهت نظرى)

1- ان اكتر الناس هناك بيتكلموا باللغة الكورية او بنسبة 97% (بس فى ناس عرب وفى ناس بتتكلم انجليزى).

2- فى ناس هتعتبر ان دا عيب وناس لا وهوا: انى سمعت ان مفيش اى برنامج بوت شغال مع السيرفر الكورى .

(يعنى لازم تعتمد على نفسك فالفل اب (على فكرة انا من وجهت نظرى ان دا كويس جدا واصلا هيساعدك انك تفهم الشخصية الى بتلعب بيها صح لانك انت الى بتلعب بيها من لفل 1 لحد 100 يعنى منغير بوت).

المميزات بقى (من وجهت نظرى برضة)

1- انا يمكن بقالى يوم واحد بس حسيت من الى فاللعبة ان اللعبة بتحترم اوى اللعيبة الى بتدخل السيرفر دا (وكل واحد هيفهم قصدى لما يدخل على السيرفر الكورى).

2-مفيش زحمة سيرفر يعنى هتدخل من اول مرة.

3-مفيش جولد بوترز.

4-مش لازم تشحن سيلك ممكن تشترى الى انت عايزة من ال Network Stall لان كل الى بيتجاب بالسيك بيتباع عادى زى الافاتور والبرميم كل حاجة يعنى فالستال زى الايتم العادية.

5-طبعا مش زى السيرفر الخاص يعنى فى اوروبى والاسكلز لحد لفل 100.

6-طبعا السييرفر الكورى زى ما احنا عارفين بيسبق السيرفر العادى الى احنا بنلعبة يعنى لو فى حاجة جديدة هتنزل بتنزل الاول فالسيرفر الكورى وبعدين عندنا.

--------------------

انا بلعب سيلك رود من فترة كبير وحسيت بملل اوى الفترة الاخيرة دى
بس بجد اول ما دخلت السيرفر الكورى ولعبت فية شوية افتكرت اول مرة دخلت فيها سيلك رود بظبط كانت ممتعة.


على فكرة احنا لو جمعنا اكبر عدد ودخلنا سيرفر واحد ممكن ننفع بعضنا اوى ونتلاشى اول عيب من العيوب الى انا فقولتها
بمعنى اننا نعمل مش هقول جيلد لا نعمل يونيون ونتلم فية كلنا

ونبتدى نعمل شخصيات ونلفل مع بعض
يعنى الاوروبى مع بعضه والشينيز مع بعضه وبكدة هنلفل بسرعة اوى

ومين عارف ممكن نعمل اية هناك بعد كده
انا عارف ان فى كام مشكلة هتقابل الناس عشان تظبط اللعبة وتشغلها صح عندها بس كل واحد يقدر يحلها والى يقدر يساعد غيرة

وعلى فكرة انا دخلت سيرفر اسمه Jangan ودا لان فقسم السيرفر الكورى فالمنتدى لقيت ان فى عرب متجمعين فالسيرفر دا


يلا بقى عايز اسمع اراء الناس

[t2t]

والله فكرة ميه ميه وانا عن ذات نفسى نفذتها من زمان والحمدلله
وانا عامل هنا فالموقع موضوع عن لعبة حلوة اسمها كابال وهيا ببلاش وعجبت ناس كتير وادى الرابط :
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[XbowMaN]

والله عندك حق يا من اللعبه بقت ملل

[DuDeee]

المشاركة الأصلية كتبت بواسطة t2t عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والله فكرة ميه ميه وانا عن ذات نفسى نفذتها من زمان والحمدلله
وانا عامل هنا فالموقع موضوع عن لعبة حلوة اسمها كابال وهيا ببلاش وعجبت ناس كتير وادى الرابط :
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا لمرورك وانا دلوأتى دخلت على اللينك وهشوف اللعبة الى انت بتتكلم عنا

المشاركة الأصلية كتبت بواسطة XbowMaN عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والله عندك حق يا من اللعبه بقت ملل

شكرا على المرور ويريت لو عندك اى اراء عن العاب تانية تشركنا بيها حتى لو عرفتها من صديق ليك

بكده صدقونى هنوصل اننا نلاقى لعبة تانية احسن من Silkroad ومين عارف يمكن كلنا نتجمع ونلعبها مع بعض

[ayman003]

في لعبه اسمها Cross Fire و ديه يعجب الي بيحبو اللعب الي زي conuter و كدا بس هيا online بس

[BADR3332003]

مشكور

[matrex_zoro_1]

الراجل ده بيتكلم s7

[SM 1]

فيه السيرفرات الخاصة تكفيك او السيرفر الكوري

انا بصراحه ما جربت الكوري لكن جربت سيرفر ecsro والله حلو بس قبل فتره حصل للسيرفر مشاكل و الحين رجعت الامور

[inushyasama]

بالنسبة لبديل سيلكرود ففى 676579846879 لعبة غيرها

الناس بس تبطل صرف فلوسها شوية وتفكر كده

أنا بقعد فى السيبر أو فى بيتى بال 5 أو 6 ساعات بجرب أخش السيرفر ،
ويا فرحتى لما بدخل " واحد ظريف يدخل ب Premium وسعادتك بالسلامه بره السيرفر فى ثانية "

يبقى أنت استفدت إيه :) ؟

عموماً .. علشان مانطولش فى الكلام

لو عايزين تجديد .. عندكوا Deco ، Private SRO ( ECSRO ) , Cross Fire

أنا لعبت ال3 دول وفعلاً جامدين أوى اوى
ويغنوا عن سيلك زفت دى :(

وعلى فكرة .. لعبة Deco فى ناس مصريين كتير أوى هناك
وبجد يعنى .. رجاله :)

جرافيك اللعبة مش زى سيلك رود طبعاً ,, لكن إلى حد ما كويس
كفاية إنها شبيهه وبرضه فيها PVP وفيها نوعين من الشخصيات وحروب وأسلحة شبه ال Sun & sos و بتخش السيرفر من أول مره .. ومجانيههههههههه

عايز حاجه أكتر من كده :)

شكراً لصاحب الموضوع
وربنا يهدى كل الناس ويبطلوا يصرفوا فلوسهم على سيلك رود ( هتخرب بيتك ) :(

[ahmed_bairo]

عندك حق

[®» SilVa «®]

انا خلاص مبقتش العب سلك رود وبقيت العب كونتر
انا بكره سلك وبحب كونتر لملل ولي حاجه وبلعب مع اصحابي

[Same7ashy]

بص أنا هقولكم حاجة،،
أنا سلك رود دي أنا كنت لاعبها بشكل مؤقت لاغير عما أنزل World of warcraft لإنها بإختصار هي أفضل ألعاب النت بلا منازع (يعني حاجة بالعقل يعني كده الجزء الجديد مساحته عد السيت أب أكتر من 15 جيجا فمشمعقول تكون سلك رود اللي مساحتها 2.5 جيجا أحسن منها ! دا يبقا واحد أهبل لما يقول كده).
الحاجة التانية اللي أحب أقولها اللي هتفرحكم أوي إن أنا ناس أصحابي بيلعبوها مع بعض مجاناً (وبعدين مظنش إن دي حاجة جديدة لإن معظم اللاعبين اللي فيها بيلعبوا مجاناً ودي مبقتش مشكلة) يعني أنا هسأل صاحبي وأعملكم إن شاء الله موضوع من بداية التحميل من الروابط إلى بدء اللعب فيها.
تالت حاجة هقولها، إن أهم حاجة (وهو الجرافيك) يعتبر أفضل جرافيك في العالم يعني مش بس في ألعاب الأونلاين، لأ بجد جرافيك حقيقي.
يعني لا كونكر ولا سيلك رود ولا أي حاجة من الحاجات دي هتضاهيها، حقيقي لعبة رائعة( دا يبني بينزلوا كل أسبوع سلاح، اللعبة فيها أكتر من 2 مليون سلاح من زي سلك زفت اللي كل الناس مختارا سلاح واحد!!!).
اللعبة عشان تشتغل بكامل مميزاتها ومؤثراتها عاوزة كمبيوتر خارق (الجزء الجديد يعني) ودي مظنش بردو إنها مشكلة لإن تقريباً كل الناس عندها أجهزة أحدت طراز.

صورة الغلاف/

____________________________

موسيقى اللعبة/
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بس أنا عندي سؤال عن اللعبة دي، هل عشان تعلب مثلاً الإصدار الأخير لازم تسطب اللي قبله معاه ؟ هو أنا على العموم نزلت الأول والتاني لسة التالت الكبييييييير أوي واللي شكلي هنسخه من حد لإن النت عندي 256 كليوبايت فيعني كتيييير عليه أوي كل ده ده أنا ممكن أقعد فيها شهر !



الحاجة الأخيرة اللي أحب أقولها إن لو إنت مش عاوز تعقد نفسك وتلعب ألعاب معقدة وكبيرة على جهازك وكل ده ! في لعبة صغيرة ولطيفة وأظن إن هي معروفة نوعاً ما بس مش في مصر كتير، اسمها Tales of pirates ،، المميز في اللعبة دي إنك بتلعب فيها بطفل صغير يعني مش راجل كبير زي باقي الألعاب، اللعبة مجانية 1.000.000% (بس ممكن تتميز فيها بردو زي سلك رود بإنك تدفع فلوس) وطريقة اللعب فيها تشبه لحد كبير سلك رود وكونكر ويعني جمعت بين الاتنين بس بشكل مصغر، بيلعبها ناس كتير أوي، بس بقا الحلو اللي فيها تدخل بسهولة كإنك داخل على إيميلك - ههههههه - ولامشاكل ولا بلوك ولا القرف ده كله، هتشوف فيها البساطة والتميز، وادي رابط موقع اللعبة واللي تقدر منه تسجل وتحمل عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



أفففففف تعبت،،
أرجو إنك تتقبل مروري الطويل شوية ده وشكراً لإنك طرحت الموضوع المهم ده،،
والسلاااااااااام.

[Ultra]

فكرة جميلة

وانا سمعت عن

war of warcraft

private server

بس المصريين الى بيلعبوها قليليين

وهى مش باشتراك شهرى زى وار كرافت العادية

بس للاسف معرفش اى موقع او رابط ليه

تقبل مرورى

[Same7ashy]

آه في حاجة نسيت أقولها، الرابط اللي حاطه صاحب الموضوع فوق ده للعبة بأول إصادر ليها والإصدار الأخير World of Warcraft Wrath of the Lich King أهوه وهو الإصدار رقم تلاتة (رابط لموضوع في منتدى تاني يعني):-

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[Same7ashy]

أحم أحـــ....ـــ....ـ.ـ.ـ.م
أحممممممممممم أحمممممممم