الله يســـامح الظــــروف

[copra]

منبقى على الغلط
وماشين عليه

ومنكمل .... مع اننا عارفين !
اننا غلطانين
ومن البدايه اساساً

بس منكدب على روحنا
وعلى غيرنا ...
والناس الي حوالينا
والي عماله تحط
كل امانها فينا
وتعطينا كل الحب الي بتقدر تديه


بنوقع ؟! ...
كتير منوقع
بس منقوم تاني
يمكن الي قصادنا
بيشوفه حلو فينا
منوقع بس نرجع نقوم
ونشد حلينا تاني ..

والله احنا ناس حلوه وجدعه
غيرنا معجب بارادتنا !!

بس ايـه ؟

نشد حيلنا فالظلم
ونقف تاني للجرح
ونقوى فالحقد فالكره
بعد م وقعنا منه
وده الي غيرنا مش بيعرفه فينا


ونرجع ندور تاني
على ناس راحو
بعدو وضاعو مننا
علشان نرجع تاني
نجرح فيهم ونبعدهم عننا

نقربهم .. نجرحهم ... ونبعدهم
م احنا مش خسرانين حاجه
واهي لعبه ..
وهنكون احنا الكسبانين فيها


نجرح ونسكت .. ندراي ونخبي
بس منجرح قوي قوي قوي

ممكن ده طبع فينا
اتعودنا ؟!
احنا كده ؟!

مش مهم


المهم ان احنا بقينا جارحين قوي
ومفيش حد هيقدر يرجع الطيبه تاني لقلوبنا

لانها ببساطه ماتت عندنا


مفيش طيبه تاني
اتحرقت من الجينات جوه القلوب
القلوب السوده الظالمه


واما نشوف ناس
كنا منعرفهم ماشيين فالشارع ..
مفيش قدامهم غير انهم
يرفعو سلام لينا

مهي العنين جت فبعضها
ومش حلوه منهم انهم ميسلموش
مع اننا مش سالين عنهم
ولو احنا منهم
مكناش شوفناهم اصلاً

نرجع نقرب تاني
بارادتهم وحسن نيتهم
وسذاجتهم


ويرجع ظلام عنينا تاني
نسال عنهم كأننا خايفين
عليهم وكأننا هنطمن بالنا

وقبل م كل واحد يمشي بطريقه
نقولهم ... بنبرة مجروحين
الله يسامح الظروف