Ω۩Ω أخيـ،ـراً فهمـ،ـت يـ،ـا وديـ،ـعΩ۩Ω

[Un_Wanted]

السـ؛ـلام عليكـ؛ـم ورحمـ؛ـه اللـ؛ـه وبركاتـ؛ـه

الحقيقة الموضوع فى بالى من فترة وكل يوم افتكر اكتبه بس بيحصل ظروف أو بنسى ,
والنهاردة قررت إنى اكتب الموضوع وقعدت أحاول أفتكر فيه موش فاكر حاجة الذاكرة خانتنى بقه ,
هنتحاسب بعدين أنا والذاكرة بقه ,
بس الحمد لله افتكرته وكان بالصدفة لما افتكرت عمر وديع ^^
وعلشان مطولش عليكم ندخل فى الموضوع ...

::: الحقيقة وراء الموضوع :::

ميلودى تتحدى الملل بالسفاهة وقلة الأدب

أدخل يبنى بتتر البداية ( شويه ميوزك يرجعوك لأيام زمان ) ,

4/10/2009

أو مرة شوفت فيها إعلانات ميلودى أفلام الجديدة ( وياريتنى ما شوفتها ) ,
كنت قاعد عادى على الجهاز وبتفرج وكان أول إعلان واللى بسببه بكتب موضوع النهاردة ,
والإعلان هوا الحقيقة وراء تياتنيك ...

نتخيل مع بعض إنك قاعد فى البيت جمبك والدتك ووالدك وأختك وأخواتك الصغيرين ,
وبتتفرجوا على قناة ميلودى أفلام ولقيتوا إعلان الحقيقة وراء تياتينك دا شغال ,
وأنا هحاول أفهمكم الموقف من غير ما أدخل فى كل تفاصيل الإعلان ,

هوا الإعلان ممكن يكون فى وجهه نظر البعض عادى ( للآسف ) لأن دا موجود فى الأفلام ,
بس الفرق اللى أنا شايفه فى الإعلان إنوا بيوصل علطول وبيعلق فى الذهن بسرعة ,
شوفوا كام واحد دلوقتى بيقول أخيراً فهمت يا وديع وارسم يا فنان وباشاااااا وغيرها ,

الإعلان بجد خطير يا جماعة القناة كأنها بتقول للكل فيلم تياتنيك دا فيه مشاهد إباحية ,
روحوا اتفرجوا عليها واللى متفرجش يدور على الفيلم ويتفرج وموش بس كده ,
لأ إحنا عندنا زيه متتفرجش على إباحية برا اتفرج على فيلم لحم رخيص وبنعرضه عندنا ,
شوفتوا فيهم الخير أد إيه ,

ومننساش إن الأب والأم والأخت بيتفرجوا على حاجة زى دى والأطفال الصغيرين كمان بيتفرجوا ,
طب لما يشوفوا الحاجات دى هتترسب جوا عقولهم إزاى ...
هسيبكم إنتوا تتخليوا وتقولوا معايا إيه اللى هيحصل للأطفال لما يشوفوا الإعلانات والإعلام وصل لإيه ,
وفى النهاية يبقوا شباب بيدور على الحاجات اللى الإعلام خلاه يشوفها إنها عادية ,
ودا كان الإعلان وحسبى الله ونعم الوكيل فيهم وفى اللى بيعملوه فى المسلمين ,

11/10/2009

معنى طرحى للموضوع إنى مقبلش على أى حد إنوا يشوف الإعلان ,
علشان لو حد عنده فضول وهيروح يشوفوا يبقى أنا خلصت ذمتى لأنى موش هشيل ذنب حد ,

فى الوقت اللى ميلودى أفلام نزلت إعلان زى دا زاد مقدار السفالة والإنحدار أكتر وأكتر فى الإعلام ,

تتر النهاية ( ميوزك نهاية إعلان بيدعوا للرذيلة ) ,

ويا ترى أنتوا شايفين الموضوع دا إزاى دلوقتى والإعلام هيوصلنا لفين ؟؟؟
سواء كنا شباب ( ولاد أو بنات ) أو أطفال أو أباء وأمهات ,
وإزاى نقدر ندافع عن دينا وإحنا بيحصل الكلام دا فى إعلامنا وبنشوفوا عادى ؟؟؟

بجد يا جماعة فى أسئلة كتيرة جداً ممكن أقولها نتكلم فيها ,
بس أحب اسمع رأى كل إنسان فى الموضوع دا وإزاى نقدر نواجه الإنحدار اللى بقينا فيه ؟؟؟

فى رعاية الله ,,,