احتلال القاهرة

[هتلر]

في حركة جديدة اعتقد انها استفزاز لمشاعر المصريين أو العرب او استحقار لحضارتهم اعلنت الشركة الامريكية الشهيره إي إيه جيمز نزول احدث إصدارات لعبتها العسكرية المتميزة

call of duty4

واللي سميتها

Modern Warcraft

يعني الحرب الجوية العصرية

واللي بيقوم فيها بواسل البحرية الأمريكية باحتلال القاهرة العاصمة العربية الأكبر ويتجولوا في شوارعها .. اللعبه نزلت بلاي ستيشن تو ولسه مانزلتش كمبيوتر او إكس بوكس .. لعبتها من حوالي شهر تقريبا بس ما وصلتش للمرحلة اللي بتحتل فيها القاهرة
واللي فوجئت الحقيقه بوجودها في الأبوم اللعبه على موقعها
اللعبه دي في حته خبيثه قوي .. وهي انك في أي لعبة قتل المدنيين بيكلفك بوينتس أو بيتحسب عليك في اقل الحالات زي
Medale of honor
اللعبه دي بيحسب عليك المدنيين الأمريكان بس
يعني في المرحلة اللي لعبتها كنت فيها باحارب في نيويورك ضد هجوم ارهابي عليها وقتلت ناس وجنود في الآخر في كشف الحساب بتاع المرحلة قالي قتلت 20 عسكريين امريكان بالخطأ وقتلت 8 مدنيين -أمريكان- بالغلط وقتلت 2 -عرب- مدنيين بالغلط و18 ارهابي .. بعد كده العداد بتاع اجمالي القتلى قعد يجري وحسب المجموع .. وقام شايل منه اتنين !!! كإن المدنيين العرب دول مش مدنيين او ولا حاجه
اللعبه كجرافيكس وما الى ذلك غااايه في الروعه كعادة الشركة
بس ده بيأكد ما يقال عن تأهيل الجيل الجديد من الأمريكان لفكرة احتلال المدن العربية وفكر المرحلة القادمة من المشروع الصهيوني العالمي
ولكسر حاجز الفكرة
فيوم ما ييجوا يقولوا اختارنا الحل العسكري ضد مصر .. ما يلاقوش رد فعل قوي من الشارع ضدهم