ازاى الاب المصرى بيتعامل مع اولادة

[supermahmoud]

لما ابوك يلا قيك بتتفرج ع التيلفزيون...

انت موراكش مزاكره، انت ابن ***،، قوم يا حيوان اقرالك كلمتين ينفعوك بدل الكلام الفاضي ده!!!

---------------------------------------------------
ثانيا
لما ابوك يلاقيك شغال ع النت...

انت موراكش غير الزفت ده، الله يحرق الكمبيوترات والنت واللي اخترعه، انت مش نافع ولا حتنفع ببصله، لو مش حتذاكر شوفلك شغلانه احسن، والشات والعالم الفاضيه دي مش حينفعوك في حاجه ولا حينجحوك في الامتحان!!!
---------------------------------------------------
ثالثا
لما ابوك يلاقيك بتلعب كوره

انت مش فاضي، انت مش وراك مزاكره، اطلع يا *** اقرالك كلمتين، لا الكوره حتنجحك ولا زفت الطين حينجحك...
----------------------------------------------------

رابعا
لما تتناقش مع ابوك

لما يكلمك وتسكت،،، يقولك انت مش سامعني، ولا شايفني *** قدامك، م ترد عليا يا حيوان،،، وقلمين...

لما ترد عليه،،، وكمان بترد عليا يا ***، انا معرفتش اربيك،،، انت تقوله: لا والله،، ،،، يقولك وكمان بتكدبني،، تقوله:: مش بكدبك والله ولا حاجه!!!!!!!!!!! يقولك وبتعلي صوتك عليا يا حيوان،،، وبرضه قلمين
---------------------------------------------------
خامسا
لما ترجع البيت متأخر

انت فاكر نفسك قاعد في فندق،، ده بيت محترم يا حيوان... بعد كده لو اتأخرت عن الساعه 12 متورنيش وشك في البيت،، شفلك بيت غير ده يخليك تطلع وتدخل براحتك..
---------------------------------------------------
سادسا
لما ابوك يمسكك بتشرب سجاير

د انت فقدت، على آخر الزمن ابني انا يشرب سجاير، د انا عمري م حطيت سجاره ف بقي،، وانا اللي خليت ابويا يبطل السجاير و على آخر الزمن ييجي ابني يشرب سجاير!!!

ولما صاحبك يكون بيشرب سجاير

الواد ده مش متربي ومتمشيش معاه تاني..... ليه؟؟ بيشرب سجاير؟؟ يا سلام!!! م انت كمان بتشرب سجاير؟؟

وكمان بترد عليا يا ابن ال***، انا الغلب هو اللي بيشربني سجاير، ولولا الهم والعيال والقرف م كان الواحد مسكها!!!
---------------------------------------------------

سابعا
في المواقف العامه

لو مزاجه حلو: ايوه ياد عايزين نجوزوك ونفرحوا بيك،، لسه بدري يا عم الحج،، بدري مين د احنا خلاص حنموتوا وعايزين نفرح بيكم قبل م نموت... انت بقى مكسوف ووشك للارض،، تقوله والله يا حج انا عيني على فلانه!!!! وفجأه ابوك وشه يبقى 100 لون،، وبالقلم على وشك،، مش لما تتخرج الأول يا ابن ال***، وبعدين احنا معانا فلوس عشان نجوزوكم، انت اتخرج واشتغل وبعدين اتجوز...
---------------------------------------------------
بعد التخرج طبعا والشغل...
ايه يا حج!! مش فاكر الموضوع بتاع الجواز اللي كلمتني عليه من سنه؟؟ اه فاكر طبعا، بس انت شاور ومن بكره نخطبهالك،، وللمره التانيه!!! مكسوف ووشك للارض،، والله يا حج انا عايز فلانه!!! وللمره التانيه ابوك وشه يدي 100لون وبالقلم على وشك!!! يا ابن ال*** مش لما تلاقي شقه وتفرشها، وبعدين مرتبك ده يأكل عيش،، د انتوا بالمرتب ده حتشحتوا انت والعيال... خلاص يا حج، ينعل ابو الجواز ع اللي يتجوزوا...
بتلعن ابويا يا ابن ال***، انا اتكلمت يا حج، د انا بسب للجواز واللي يتجوزوا، مالك انت ومال الجواز؟؟ يروح ساكت وميتكلمش!!! بعد اسبوع تكتشف انه متجوز اتنين غير امك!!!

لو متعصب بقى وانت عمل حاجه غلط: انت عاوز تشلني، ولا عاوز تموتني، انا لو مت يبقى بسببك، دانا عندي الضغط والسكر وكل الامراض جاتني بسببك، انت مش حترتاح غير لما تشلني ولا يجرالي حاجه بسببك،، ولما تلاقيني واقع ميت قدامك ساعتها حتفرح،،،مش كده!!!....

************************************************** ****

على فكره،،،،،،،،، الكلام ده بيحصل في معظم البيوت المصريه، نفس السيناريو، نفس الحوار!!!!!!!!! بين الاب المصري وابنه!!!!!!
لكن الابن دايما مظلوم والاب هو اللي عصبي،،، وطبعا الواد م يقدرش يفتح بقه مع ابوه عشان عيب، وده غلط، وده ابوك،، ولو فتح بقه!!!! زي م انتوا قريته،،، انت بترد عليا... الخ...:d:d:d

[CrazySoraqa]

الله عليك يا حوده بس انت عرفت الحاجات دى منين انت كنت اب قبل كده :d:d:d:d:d:d

[supermahmoud]

نورت :):)

[MoST_WanTeD]

هههههههه جامدة

[supermahmoud]

شكرا لمرورك

[7osso]

معاك ستين مليون حق والله

[Jiraya Sama]

مفيش حاجة من اللى انتا بتقولها غلط.....بس تعرف ان فى اب ممكن يتفاهم معاك لو غلط و ممكن ينصحك
زى مثلا ابويا .......و تقبل مرورى يا غالى :d

[supermahmoud]

فعلا ;)

[up3r^Fla$h$]

لما ابوك يلا قيك بتتفرج ع التيلفزيون...

انت موراكش مزاكره، انت ابن ك ل ب،، قوم يا حيوان اقرالك كلمتين ينفعوك بدل الكلام الفاضي ده!!!

---------------------------------------------------
ثانيا
لما ابوك يلاقيك شغال ع النت...

انت موراكش غير الزفت ده، الله يحرق الكمبيوترات والنت واللي اخترعه، انت مش نافع ولا حتنفع ببصله، لو مش حتذاكر شوفلك شغلانه احسن، ,وسيبك من سلك زفت دي مش حينفعوك في حاجه ولا حينجحوك في الامتحان!!!
مع انى معتش بفتحها لانى زهقت
---------------------------------------------------
دا الى بيحصل معايا

[boudy]

ايه يا عم اللون ده هو ده بيحصل معاك

لا انا الحمدلله الحياه مع ابويه عسل ده راجل طيب و انا وهو اصحاب

ايه يا جدعان ده انا عمر ما ابويه ضربنى وله مره هو انا الوحيد الى كده وله فى حد زى ؟؟؟؟؟

[michilvxv]

الصراحه الابهات كولها لازم تبيض عليك محدش يقول ان ابوه مبيبضش عليه
مثلا انتا جتلك خروجه مفاجاه مع بنت و ابوك حكم رايو انك تعد في البيت تعمل ايه تختار البنت ولا ابوك؟؟؟

[memet_sar]

ههههههههههههههههههههههههههههه بس على فكره الابهات دلوئتى ابتدت تكبر دماغها وتبئه فرى اوى

[memet_sar]

هههههههههههههههههه اكيد البت يا مان اعده الراجل ب 100 بنت بس لو جت البنت يغور ال 100 راجل..... Xd

[omar007]

هههههههههههههههه
اه فعلا

[alidndn]

جامدة جدا تسلم ايدك