No problem

[dodoss]

لما قطرين يدخلو في بعض.... عادي خالص مفيش مشاكل , لأنه خطأ سواق..

لما قطر يولع و ِيتحرق باللي فيه, عادي خالص مفيش مشاكل,, لأنه برضه خطأ ناس..

لما مسرح يتحرق و الناس الي فيه تتشوي , عادي خلاص , مفيش مشاكل, أصله ماس كهربا و خطأ عامل

لما راجل بسيط يركّب أنبوبة بوتاجاز و تفرقع فيه و في العمارة, عادي خالص و مفيش مشاكل, خطأ إنسان بيتفذلك و أهه أخد جزائه

لما محطة بنزين تولع بسبب عامل رمي عقب سيجارة علي أرضية المحطة, عادي خالص مفيش مشاكل

لما عبّارة تغرق و مئات يروحوا فيها و صاحبها يهرب ,لأن سبب الغرق مجهول و لأنه مفيش حاجة عليه و عادي خالص مفيش مشاكل

لما بيت ولا إتنين يقعوا علي اللي فيهم بسبب خطأ في أي حاجة في البنا أو غيره , برضه عادي خالص و مفيش مشاكل

لما واحد مش بيصلى وهو عارف ان الصلاة عماد الدين ورغم دة مش بيصلى عادى خالص مفيش مشاكل

لما تبقى الحياة غالية جداا الى حد كبير ورغم دة عادى ومفيش مشاكل

لما الصغير يتطاول على الكبير والكبير علشان هو عاقل بيكست لكن الصغير بيسوق فيهااااا وبردو يبقى عادى جدا ومفيش مشاكل

لما تشوف الغلط بعينك وتسكت وتقول يعم وانا مالى لزم تعرف ان فى يوم من الايمام هتظلم وغيرك هيقول انا مالى وهتبقى لوحدك وبردو مفيش مشاكل

لما تبقى بتعمل مجهود كبير فى الشغل وغيرك الى مش بيشتغل بيقبط اكتر منك الف مرة وتقول عادى دة نصيبى ومفيش مشاكل

لما تعمل خير فى حد وتلقى رد الجميل شر وتقول عادى هى دى الدنيااااا وتبقى غير فعال وسلبى وتقول مفيش مشاكل

لما تتفرج على فيلم يطلع كلو مناظر تحرك الشهوة وفى الاخر يقولك بلاش جهل دة فن ولزم الدور طب بالله عليك الفن بيقولك تعمل الحرام مش عارف انا الناس دى بتكلم ازى وبردو تتفرج عادى ومفيش مشاكل

لما ولما ولماا وبردو مفيش مشاكل

هنفضل لمتى كدة نشوف الحق ونفوت نعرف الصح ونمشى غلط

ياريت كل الشباب الى تدخل تعلق على الموضوع وتقول امثال اخرة يمكن نقدر نعرف مشكلتنا فين ونحلها مع بعض

بس تصدقو بالله احنا ربنا سترهااا معانا علشان الناس الكويسة والطيبة بجد البركة فى الناس الصالحة الى تعرف ربنااا

ونفسى اعرف امتى هيبقى فى مشاكل

ونفشى اعرف امتى هيبقى فى مشاكل وامتى نفكر كلنا فى الحل ؟

وفى الاخر هقول No problem انتا هتقول اية ؟