رسالة حب الي اهل { Sparta }

[darklife4you]

بسم الله الرحمن الرحيم
الموضوع ده انا مكنتش مخطط ليه و لا اي حاجه ..
بالعكس يمكن انا عملت الموضوع ده في لحظة لما فكرة فيه او بمعني اصح اول لما حسيت بيه,,
هقول الحق اني احلي ايام الـGame دي انا قضيتها في Sparta و كمان اول ايامي اللي كانت اول خطوه ليا في اللعبه دي ..
اول يوم كنت اعرف يعني ايه Guild .. يوم لما كان كل املي اني انزل نيوك المطر Cold lvl50 :D كان بالنسبه ليا يااااااااااااه مش ليا انا بس طبعا .. الكلام ده من حوالي 3 سنين او اكتر كمان
طبعا انا عارف ان في واحد بيقول و احنا مالنا يا عم انت بالكلام ده..
هقولك انا كان نفسي اشكر السيرفر اللي علمني و اللي ليا فيه ذكريات جميله..!!
و علشان اعبر عن اللي جوايا للسرفر مش هعرف لانه مش حاجه ملموسه
طيب في واحد بيقولي طيب احنا مالنا بردو..
.. ما تصبر يا اخي ما انا بقول اهو
السيرفر ده انا لعبت فيه مع ناس كتير مصريين طبعا كتــــــــــــــير و اجانب بردو
ناس حبيتهم و ناس حبوني حتي من غير ما يعرفوني
انا كل اللي عاوز اقوله اني بعتبركم انتم اللحظه الحلوه, انتم السيرفر ده ,انتم اللي عاوز اقول ليكم وحشتوني و بتمني انكم تكونوا كلكم بخير
بجد شكرا لكل واحد كان سبب في ذكري حلوه او حلوه بردو .. اتمني انكم تفهموا كلامي او شعوري
انا عارف ان في ناس كتير هتقول ايه اللي هو بيقوله ده ولا هو عاوز ايه !!!
بس انا كده اتعودة اني لما اكون عاوز اقول حاجه مش بخبيها ..ولما بحس ان اللي قدامي له حق عليا بحب مقصرش فيه.. حد فاهمني !! اتمني
Sparta بالنسبه ليا كانت رجاله .. كانت اصحاب .. كانت اخوات .. كانت مشاكل اه بس مش لفتره طويله ..كانت و كانت و مازالت
اللعبه دي مكنتش مجرد لعبه علشان اوصل 80 وخلاص انا كنت واخد منها الجانب الدنيوي و لاقيتها لذيذه ..!!
اتمني موضوعي ده تفهموا قصدي منه كويس .. و اتمني انه يكون قدوه حب لكل الناس ... دي في الاول و الاخر لعبه .. و في الاول و الاخر احنا مصريين
في اخر كلامي احب اسلم علي اصحابي و اخواتي كلهم اللي لسه في السيرفر و هما عارفين نفسهم كويس اوي طبعا انا مش عاوز اذكر اسامي علشان مش عاوز انسي اي حد لان الكل مهم فعلا
شكرا لوقتكم
^^أرجوا التثبيت لفترة^^