موضوع للمناقشه بين اعضاء روما فقط وينقل للادارة

[MastersMomen]

السلام عليكم ورحمه الله وبركاته
ازيكوا يا احلى شباب قسم روما

والله ليكم وحشه شديده من ساعه ماسبت الجيم ومن ساعه مابعت الاكونت
الدراسه شغلانى شويه - معلش بقى هندسه تشغل اكبرها دماغ ادعولى بقى

المهم انا جاتلى فكرة معرفش اذا كانت مكررة بنفس الفكرة ولا لأ بس انا حابب اقترحها على القسم بتاعى الاول ولو اتحقق ان شاء الله يبقى خير علينا كلنا باذن الله

دلوقتى فى الفترة الاخيره بدأت الناس اللى تبيع اكونتات وتبدل اكونتات وبتطلب اكونتات وطبعا بيبقوا فيه تحويل فلوس او تغير بيانات فى التدبيل وكل واحد بيبقى مقلق من التانى

ونفس الحال فى الجولد الناس اللى بتبيع جولد وبستلمهم بالبريد

انا قولت اقترح عليكم اننا نعمل حاجه كده ننقل فكرتها للمدير ومشرف الاقسام

اننا نعمل وكيل لتلقى بيع وشراء وتبديل الاكونتات وبيع الجولد بين الاعضاء فى المنتدى ويكون وظيفته الاساسيه هو الوسيط
وطبعا ده ممكن يطبق على باقى الاقساام ولو الفكرة عجبت الادارة وتجنبا لخطأ الاعضاء فى شروط عرض بيع وشراء الاكونتات ويفضل القسم ده تحت اشراف الوكيل ده

بس فنا كنت بقترح عليكم انى اكون وسيط لسيرفر بتاعى روما وده طبعا بعد موافقه كل اعضاء القسم عليا والحمد لله انا والحمدلله وبفضل ربنا انى وضعت فى قلوب الناس ثقتى وفيه اسماء كبيرة فى السيرفر تقدر تقول كل ده وناس كتيرة من السيرفر تقدر توضح قدر كميه التعاملات اللى عمالتها معاهم سواء معاملات ماديه او فى اللعبه

المختصر : وكيل ووسيط المنتدى فى عمليه بيع وشراء الاكونتات وتبديلها وبيع الجولد وشراءه بين الطرفين

ويكون بانتخابات من القسم

الموضوع مفتوح للمناقشه وشكرا وارجوا انى اشوف ارائكم بجد - وكلو عارف انى مش بعمل موضوع الا لما اعرف كل جوانبه واكون مجربه اكتر من مرة

بس حابب اعرف رأيكم جميعا وشكرا والموضوع معمول للافاده والنفع والاطمئنان مش اكتر

ربنا يوفقكم جميعا