Oo ألفاظ خارجة oO

[STRQUEEN]

ألفاظ خارجة




ألفاظ خارجة
.
.
قامت مظاهرة ف حى النور
و ناس تشكك ف الدستور
و يقولوا فيه ألفاظ خارجة
!!!
آآه يا بلد .. كُلِّك اشاعات
هُوَّ الضمير جواكم مات ؟!
دستورنا دا بالماس كتبوه
و بسمَّعه لنفسى يوماتى
آدى الدليل و معايا أهو
بس اسمعونى يا خلق ياهووو
دستورنا نص على الآتى :
.
( 1 ) الديموقراطية
إنك تكون إنسان بحبوح
و تقول كده رأيك بوضوح
صريح و واضح زى الشمس
و تكون وراها منين ما تروح
.
(2 ) الحرية
كلمة حكولنا عليها زمان
حدوتة يعنى و كان ياما كان
قالوا إنها جت مـ المريخ
أو إنها من صنع الجان
.
( 3 ) المساواة
دستورنا مش ناقصُه غباوة
خير البلد كلـه اتَّاوَى
مفضلشى أصلاً حاجة منه
نتقاسموا فيها و نتساوَى
.
( 4 ) العدل
البند مش محتاج إيضاحات
تعدل ما بين اتنين اخوات
واحد تورِّثله العزبة
و التانى يورث فى الشركات
.
( 5 ) الحقيقة
لازم تكون روحك حرة
قول الحقيقة و لو مُرَّة
لكن نصيحة لوجه الله
فكر كده لآخر مَرَّة !!
.
آدى الحقيقة يا مستمعين
دستورنا واضح زى النور
معقولة يا اخونا الفاهمين
بعد الكلام الحلو الزين
نقدر نشكك فى الدستور ؟!
.
.
.
.



الموضوع منقول طبعا و لكنه عجبنى جدا