ஐ๑تصنيــف أعضــاء المنتدى๑ஐ

[pop_spider]

النوع الاول ( مســخناتى )


ودا دوره فى المنتدى انه يسخن وبس

شاف عضوين بيتخانقوا مع بعض يروح داخل من وسطهم وهو اصلاً مش من السيرفر بتاعهم ويقولهم والله كلام احمد صح انت على فكره يا حسين الى سرقت الاكونت الفولانى ...

وتلاقى واحد تانى مشرف مثلاً يروح باعت رساله للأدمن يقولو خد بص بص المشرف دا مش شايف شغله .. مش عارف ماسكين اشراف على ايه ..
المراقب العام : انت بقالك اد ايه مشرف ياض
المشرف: يومين
المراقب: ورايا على الخراره ياض

والنوع دا منتشــر بكثــره فى اٌقســام السيــرفرات ... وكيفيه القضاء عليه قولو اطلع منها ياعم ... او رش عليه بف بف وهيموت ان شاء الله وهيخرج بره الموضوع





النــــوع التانى (المجاملاتـــىSPaming)
ودا دوره فى المنتدى انه يجامل وخلاص اى موضووع جميل رخم تقيل خفيف ملهوش اى لازمه

موضوع جميل جداً .. شكراً .... موضوع مميــز ... موضوع هايل استمــر..

ويفضل وهو بيعمل اى رد يبص على مشاركاته اااه دلوقتى 989 مشاركه ....لسه محتاج اتنين طب اخش فى الموضوع الى فوقيه

مشــكور والخ الخ الخ ... ومحدش يقدر يقولو اسبام .. ما هو داخل يجامل والى بيعمل الموضوع ما بيصدق ان حد بيرد فى موضوعه ..


النـــــوع التــــالت ( غبــاء للأبد)
ودا بيتدرج من عجــائب الدنيا السبعه ... ايشى تخش تلاقى عاملك موضوع من بره بأسم عاوز ابقى مشرف ومن جوه بردوا عاوز ابقى مشرف ههههه حاجه غريبه ... وتلاقى عامل موضوع بأسم اقتراح وضايفه فى قسم اسال واستشير او عامل موضوع اعضاء سيرفر اليــكسندر وضايفه فى قسم البــٍس





النــــوع الرابع( ام هنــد وبالعربى المهم)
ودا النوع المنتشر فى المشــرفين المشرف يقلع العبايه المقشفه بتاعته والشبشب ابو صباع والنضاره ام نص جنيه ويرمى صورته وهو سوابق ويلبس العبايه الجديده بتاعت المشرفين وتلاقيه يا سبحان الله ايشى توقيع مميز ايشى نايك نيم هيروغليفى وايشى خطوط احمر واخضر ..

ونص كلامه مغلق مكرر فرحان اوى بى انه مشرف

نيهاهاها مغلق مكررر

ياعم الموضوع اصلى ..

المشرف: ياعم مغلق مكرر سبونى اعيـــــــــش حياتى كا مشرف

ياعم الموضوع مش مكررر

المشرف: تصدق ياض انك بن رزله يلا ياض يا دزمه من هنا اسبوع طرد اسبقنى على الخراره اصرفوولو كرتونتين بيض .



النــــوع الخــــامس (شيال الحمول )
ودا مش منتشر اوى بس تلاقيه كل يوم داخلك بى فيلم

العضو الفولانى ... عضو مازال اسمه مغروز فى قلبنا انه يجب ان نبنى له تمثال من العجوه فى المنتدى نعبر عن احساسنا ليه ..من خلاله

أهئ أهئ .. القهوه ياعم عنتر

........................
حاجه تانيه تلاقى داخل بيقولك انا حزين جداً لان العضو خرمونجى اعتزل اعتزل وذلك لان المشرفين ضايقوه فى حياته لذلك قرر الخروج من المنتدى أهئ أهئ ...


وتلاقيه فى الميل :

الحشيش يا عم عنتر
ايوووووووووووه جاى اهووو




النــــوع الخامس ( انا عضو معتزل )
عضــو مفتكر ان الصوره فى توقيعه بأسم معتزل حاجه جامده وموضه يروح عامله فى توقيعه ويعملها صوره رمزيه وبتلاقى بيدخل عاااااااااااادى المنتدى ... ولو حد ساله انت مش معتزل ..

ياعم والله معتزل هو لازم يعنى مدخلش المنتدى عشان ابقى اسمى معتزل دا انت صحيح عيل غتت يلا غور من هنا ياض ...



النـــوع السادس ( الارهابيــن)
ودول الى فاكرين نفسهم انهم اذكى البشــر الواحد منهم يخش ... باسم جميل يرد بــرد جميل ومحترم ويخش واحدد من العيال الغتته يروح ضايف رد يضايقه

يروح قافل اليوزر المحترم ويفتح يوزر الارهابين ويستلم امه شتايم وفى الاخر بيتعرف ويخش باليوزر المحترم تانى وتلاقيه بيقولك انتو ليه بتظلمونى أهئ أهئ دمــوع التمــاسيح

وتلاقى بردوا ناس تانيه واسمهم جماعه الارهاب يعملك فيرجن جديد فى قسم البرامج ويقولك دا بتاع 2012 وبيعمل كل حاجه انت بس عليك تبص على الشخصيه وهو هيغسل ويمسح ويلفل نفسه ويطير كمان

حمـــل من هنــا .

واللبس احلى هكر يامعلم من الناس دى




النوع الســابع ( الشحــاتين)

ودول موجودين فى المنتدى علشان حاجتين بس
plzzzzzzzzzzz plvl me
or: plzzzzzzz need gold

ويكتثر تواجدهم فى المناطق القطبيه هه واى كلمه فيها بيع او شراء :D
ومعظمهم بيطردوا عشان بيكتبوا فرانكوا ... والفرانكوا يا جماعه نعمه لو كان الفرانكو مش مخالف كنت هتشوف بلاوى هتلاقى ناس بتتكلم هندى وصينى وتركى وهيرغوليفى هه




Thanks&this topic By




ذلك الموضوع ليس منقول و تم بــكتابــتى الخاصه .