World Of Warcraft

[HeroOOozZ]

بسم الله الرحمن الرحيم

حبيت تكون اول مواضيعي عن احسن و افضل لعبة اونلاين في العالم و كمان الاكثر مبيعا كل سنة
اولا نبدأ نقول ان اللعبة معقدة جدا اكتر من silkroad بكتير اوي و ده شرحو حيطول اوي انا بس هقول نبذة بسيطة عن اللعبة
هي بتتكون من جيشين Horde & Alliance و كل جيش بيتكون من مجموعة سلالات Races
تاني حاجة و هحاول ابسطها على قد ما اقدر : موضوع الClasses الفكرة بالظبط زي الSTR & INT بس في اللعبة دي الموضوع معقد بقى شوية بتختلف في ان STR = melle و INT = Caster .....
اولا هنتكلم عن ال Melle Classes و هي: Warrior , Rogue , Hunter , paladin , shaman , druid
اما الCaster Classes فهي : mage , warlock , priest , druid , shaman , paladin
و نلاحظ ان في مجموعة منهم اتكررت في الاتنين زي الpaladin , shaman , druid و ده لان المجموعة دي ممكن تبقى الاتنين على حسب الbuild بتاعها

عشان كدة برده هأقول نبذة بسيطة عن الbuild و هي بتتحدد بحاجتين و هما TALENT TREES و ال Gear or Set
اولا الTalent Trees : من اول lvl 10 في اللعبة بتاخد 1 talent point كل لفل واحد لحد اخر لفل و بتشوف انت عايز تبقى انهو build و بتحط الpoints في الtree بتاعتها و هنقول مثال على الPaladin هو فيه تلاتة talent trees زي كل الشخصيات
اللي هما holy & retro w def يعني الpaladin ممكن يبقى healer or Melle or Tank و تبعا هتقولو يعني ايه التلاتة دول
و ده هيودينا لموضوع ان اللعبة بتنقسم حاجتين pvp w pve طبعا الpvp مش محتاجة شرح كتير لانها معروفة و هي ناس ضد بعض بس في اللعبة في برده تلات حاجات ليها هي Duel , Arena & Battle Grounds
ال Duel ده حاجة عادية اتنين بيضربو بعض و خلاص زي الpvp في silkroad
ال Arena دي برضه pvp بس زي المصارعة بتبقى في حلبة و بتبقى فرض ضد بعض 2v2 , 3v3 or 5v5 و اللي بيكسب بياخد نقط يقدر يجيب بيها items
الbattle Grounds دي نفس الفكرة بس بتبقى مجموعة من 15 واحد ضد مجموعة تانية 15 واحد برده و بتختلف من battle للتانية في الطريقة اللي تكسب بيها و الكسبان برده بياخد Marks عشان يجيب بيها Items
و تبعا كل متلعب اكتر و تكسب اكتر الgear or set بتاعتك بتبقى احسن و تديك قوة افضل و اكبر

تعالوه بقى نتكلم عن الPVE اللي هو Player vs Elite يعني ايه طيب ؟؟؟
في اللعبة في حاجة اسمها Raids يعني غارة ...... برده مش فاهم بتتعمل ازاي دي ؟؟؟
اولا لازم تبقى مظبط الTalent بتاعتك على الPVE و اكيد الgear ...... ماشي يا عم و بعدين
و بعدين يا سيدي بيبدأ واحد يجمع Raid Group و كل raid تختلف عن التانية في العدد يعني في 5 و 10 و 25 و طبعا كل ما بيزيد العدد المطلوب ده معناه انها اصعب ...... ماشي احنا اهو جمعنا بعض هنروح فين ؟؟
بنروح حاجة اسمها Instance يعني مدخل الraid و بندخل كلنا مع بعض و بيحصل زي teleport كده
ماشي تمام و جوا بقى ايه اللي بيحصل ؟؟؟؟ الاول بيبقى فيه وحوش سيس بيقولوا عليها Trash و بينزل منها حاجات و items عبيطة شوية و حاجات بتنفع في ال Profession اللي هنتكلم عنها ..... طيب يا حاج قتلنا كل الوحوش دي هنعمل ايه بقى ؟؟؟ دلوقتي وصلنا لللBOSS و ده حاجة زي الUnique كده و طبعا مينفعش واحد يموتو لواحده ...... امال هنعمل ايه ؟؟؟؟
الRaid بتبقى متقسمة لازم يبقى فيه Tank او اتنين و ده بقى اللي بياخد كل الضرب من الBoss عشان بيبقى اعلى HP , Defence & Armor و طبعا بما ان اللعبة مش فيها Potion زي silkroad دي مشكلة عشان الTank بياخد ضرب جامد اوي من الboss و ممكن يموت خلال 10 ثواني .... Opaaa طب و الحل ؟؟؟ هنا يجي دور الHealer و ده متخصص في انه يفضل يملا الHP بتاع الTank طول مالضرب شغال .... بس الTank ده يبقى جامد اوي على كدة بيضرب و يستحمل ضرب انا هعمل Tank اكيد ..... هقولك لا طبعا المميز في اللعبة انهم عاطيين كل شخصية او build ميزة يعني الtank جامد و كل حاجة بس الضرب Damge بتاعه ضعيف جدا عشان كده بنحتاج الDPS يعني Damge Per Second و دول بقه اللي بخلصوا على الوحش عشان الdamge بتاعهم عالي و فيه منهم الMelle & Casters و برده كل شخصية فيهم ليها ميزة و عيب .......

كده يبقى فاضل الProfessions و هي المهنة بتاعتك و اللعبة فيها كذا مهنة هم : Blacksmith , mining , Leather Working , Skining , alchimest , herbalisam , jewel Crafting ,Tailor , Enchanting , Engineering
و دي المهن الاساسية في اللعبة و كل شخصية ليها تتعلم مهنتين بس و طبعا لازم تاخد المهنة اللي بتتناسب مع الشخصية , يعني مثلا الRogue تاخد معاه الLeather Working لانه بيلبس جلد Leather و ده هيخليك تاخد Skinning عشان تسلخ الحيونات و تاخد منها الجلد اللي بتعمل بيه لبسك ....... و هكذا

اما المهن الفرعية و دي بتبقى للتسالي زي ال : fisshing , cocking , first aid و حاجات تانية ......

كمان لازم تعرفوا ان الخريطة بتاعتها كبييييييرررررررر ة جدا جدا و كمان مقسومة نصفين Azeroth world و دي الارض , و OutLand و ده عالم تاني في الفضاء و اللي بتطلعوا بعد lvl 60 ........ كمان من الحاجات الظريفة ان اليوم في اللعبة هو يوم حقيقي 24 ساعة يعني لو بتلعب على طول بالليل مش هتشوف الشمس و العكس و كمان مناظر الغروب و الشروق جامدة جدا .....

في طريقتين عشان تلعب اللعبة :
اولا انك تشتريها عشان تلعب على السيرفرات الاصلية
ثانيا انك تنزل اللعبة من على النت و هي مجانا و تلعب على اي سيرفر خاص

انا عن نفسي بلعب على سيرفر خاص و الاصدار بتاع The Burning Crusad و ده نزل بعديه اصدارين Worth Of the Lich King و The Catalysem و بصراحة انا جربتهم و معجبونيش بس طبعا كل واحد حر .


كده ابقى خلصت النبذة البسيطة فعلا عن اللعبة الجبارة و التحفة من وجهة نظري .....

لو الموضوع اعجبكم ياريت حد من المشرفين او الادارة يقول عشان ابدأ في اعداد موضوع شامل و تفصيلي عن كل حاجة في اللعبة بالتفصيل و اكيد مع اضافة اماكن و لينكات تنزيلها و طريقة تثبيتها على الجهاز مع العلم اني معرفش حد عمل الموضوع قبل كدة او لأ عشان مبقاش بقلد و خلاص ...

ارجو ان ينال الاعجاب , شكرا ....... مع تحياتي

و دي شوية صور خاصة بالاكونتات بتاعتي في اللعبة

[HeroOOozZ]

ارجو من احد المشرفين الرد علشان ابدأ في عمل الموضوع التفصيلي لأنه فعلا حياخد وقت طويل جدا ........... مع تحياتي

[noty2009]

شكرا على الموضوع و انا بلعبها بس بقالى فتره كبيره مش بلعب بس يا ريت تغير صورة التوقيع علشان مش كويسه

[HeroOOozZ]

انا بلعبها بقالي 7 سنين و هي فعلا احسن لعبة online ......... تم تغيير صورة التوقيع

[كركر نت]

مشكوررررر

[™ └ Jo MaNsOuR ┘ ™]

كان نفسى اعرف ايه نظام اللعبه دى من زمان و الله ........ يا ريت بقى تعمل باقى الشرح التفصيلى و منك نستفيد
مشكور ع الشرح

[HeroOOozZ]

خلاص ان شاء الله انا هبدأ في الشرح التفصيلي و اماكن تنزلها و ان شاء الله يخلص في يوم

[SoloSpearo]

تمام الله ينور عليك

[HeroOOozZ]

تم الانتهاء بحمد الله من موضوع الشرح التفصيلي و نزلته ... فاضل بس التثبيت من الادارة و أرائكم كلكم

[°•.♥ AhmeD ♥.•°]

شكرا
مجهود هايل

[☜ ĂиTaKą ☞]

شكـرا ليك

تسلم لمجهــودك